ਟਾਇਰ ਫਟਣ ਨਾਲ ਕੈਂਟਰ ਬੇਕਾਬੂ ਹੋ ਕੇ ਨੈਸ਼ਨਲ ਹਾਈਵੇ ਦੇ ਵਿਚਕਾਰ ਪਲਟਿਆ
ਕਾਠਗੜ੍ਹ, 18 ਅਗਸਤ (ਹਰਸਿਮਰਨ ਜੋਤ ਸਿੰਘ ਕਲੇਰ) - ਰੋਪੜ ਬਲਾਚੌਰ ਨੈਸ਼ਨਲ ਹਾਈਵੇ ਨੇੜੇ ਕਾਠਗੜ੍ਹ ਮੋੜ ’ਤੇ ਪਲਾਈ ਬੋਰਡ ਨਾਲ ਭਰੀ ਕੈਂਟਰ ਪਲਟਣ ਦਾ ਸਮਾਚਾਰ ਹੈ। ਮੌਕੇ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਇੱਕ ਕੈਂਟਰ ਜਿਸ ਦਾ ਨੰਬਰ ਏ.
ਕਾਠਗੜ੍ਹ, 18 ਅਗਸਤ (ਹਰਸਿਮਰਨ ਜੋਤ ਸਿੰਘ ਕਲੇਰ) - ਰੋਪੜ ਬਲਾਚੌਰ ਨੈਸ਼ਨਲ ਹਾਈਵੇ ਨੇੜੇ ਕਾਠਗੜ੍ਹ ਮੋੜ ’ਤੇ ਪਲਾਈ ਬੋਰਡ ਨਾਲ ਭਰੀ ਕੈਂਟਰ ਪਲਟਣ ਦਾ ਸਮਾਚਾਰ ਹੈ। ਮੌਕੇ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਇੱਕ ਕੈਂਟਰ ਜਿਸ ਦਾ ਨੰਬਰ ਏ.ਐਕਸ 8686 ਜਿਸ ਨੂੰ ਜਸਵੰਤ ਸਿੰਘ ਪੁੱਤਰ ਸ਼੍ਰੀ ਰਾਮ ਵਾਸੀ ਦੋਭਾਲੀ ਮੰਡ ਥਾਣਾ ਕਾਠਗੜ੍ਹ ਚਲਾ ਰਿਹਾ ਸੀ ,ਰੋਪੜ ਤੋਂ ਬਲਾਚੌਰ ਸਾਈਡ ਜਾ ਰਹੀ ਸੀ ਜਿਸ ਵਿੱਚ ਪਲਾਈ ਬੋਰਡ ਲੱਦਿਆ ਹੋਇਆਂ ਸੀ। ਜਦੋਂ ਇਹ ਕੈਂਟਰ ਗੱਡੀ ਕਾਠਗੜ੍ਹ ਮੋੜ ਦੇ ਨੇੜੇ ਪਹੁੰਚੀ ਤਾਂ ਅਚਾਨਕ ਇਸ ਗੱਡੀ ਦਾ ਟਾਇਰ ਫੱਟ ਗਿਆ ਜਿਸ ਨਾਲ ਗੱਡੀ ਦਾ ਸੰਤੁਲਨ ਵਿਗੜ ਗਿਆ ਅਤੇ ਗੱਡੀ ਬੇਕਾਬੂ ਹੋ ਕੇ ਨੈਸ਼ਨਲ ਹਾਈਵੇ ਦੇ ਵਿਚਕਾਰ ਪਲਟ ਗਈ। ਗੱਡੀ ਵਿੱਚ ਲੱਦਿਆ ਹੋਇਆ ਪਲਾਈ ਬੋਰਡ ਸੜਕ ਵਿੱਚਕਾਰ ਖਿਲਰ ਗਿਆ। ਹਾਦਸੇ ਵਿੱਚ ਗੱਡੀ ਬੁਰੀ ਤਰ੍ਹਾਂ ਨਾਲ ਨੁਕਸਾਨੀ ਗਈ ਅਤੇ ਡਰਾਇਵਰ ਜਖ਼ਮੀ ਹੋ ਗਿਆ। ਵਰਨਣਯੋਗ ਇਹ ਹੈ ਕਿ ਜਿਸ ਜਗ੍ਹਾ ਕੈਂਟਰ ਹਾਦਸਾ ਗ੍ਰਸਤ ਹੋਇਆ ਉਸ ਦੇ ਨੇੜੇ ਬੱਸ ਅੱਡਾ ਹੈ ਜਿਸ ਜਗ੍ਹਾ 10 ਤੋਂ 20 ਸਵਾਰੀਆਂ ਹਮੇਸ਼ਾ ਹੀ ਬੱਸਾਂ ਦੀ ਉਡੀਕ ਵਿੱਚ ਖੜ੍ਹੀਆਂ ਰਹਿੰਦੀਆਂ ਹਨ ਪਰ ਜਦੋਂ ਇਹ ਕੈਂਟਰ ਗੱਡੀ ਪਲਟੀ ਤਾਂ ਉਸ ਸਮੇਂ ਬੱਸ ਅੱਡੇ ’ਤੇ ਕੋਈ ਵੀ ਸਵਾਰੀ ਨਹੀਂ ਜਿਸ ਨਾਲ ਵੱਡਾ ਹਾਦਸਾ ਹੋਣੋ ਟਲ ਗਿਆ।
