ਦੀਵਾਲੀ ਮੌਕੇ ਸਦਰ ਬਾਜ਼ਾਰ ’ਚ ਲੱਗੀ ਭੀੜ
ਨਵੀਂ ਦਿੱਲੀ, 31 ਅਕਤੂਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਏਸ਼ੀਆ ਦੇ ਸਭ ਤੋਂ ਵੱਡੇ ਸਦਰ ਬਾਜ਼ਾਰ ਵਿਚ ਇਨ੍ਹਾਂ ਦਿਨਾਂ ਵਿਚ ਇੰਨੀ ਭੀੜ ਹੈ ਕਿ ਪੈਰ ਰੱਖਣ ਨੂੰ ਵੀ ਥਾਂ ਨਹੀਂ ਹੈ ਕਿਉਂਕਿ ਲੋਕ ਦੀਵਾਲੀ ਦੇ ਤਿਉਹਾਰ ਪ੍ਰਤੀ ਖੂਬ ਖ੍ਰੀਦਦਾਰੀ ਕਰ ਰਹੇ ਹਨ।
ਨਵੀਂ ਦਿੱਲੀ, 31 ਅਕਤੂਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਏਸ਼ੀਆ ਦੇ ਸਭ ਤੋਂ ਵੱਡੇ ਸਦਰ ਬਾਜ਼ਾਰ ਵਿਚ ਇਨ੍ਹਾਂ ਦਿਨਾਂ ਵਿਚ ਇੰਨੀ ਭੀੜ ਹੈ ਕਿ ਪੈਰ ਰੱਖਣ ਨੂੰ ਵੀ ਥਾਂ ਨਹੀਂ ਹੈ ਕਿਉਂਕਿ ਲੋਕ ਦੀਵਾਲੀ ਦੇ ਤਿਉਹਾਰ ਪ੍ਰਤੀ ਖੂਬ ਖ੍ਰੀਦਦਾਰੀ ਕਰ ਰਹੇ ਹਨ। ਸਦਰ ਬਾਜ਼ਾਰ ਥੋਕ ਬਾਜ਼ਾਰ ਹੈ ਅਤੇ ਇੱਥੇ ਸਾਰਾ ਸਾਮਾਨ ਸਸਤੇ ਰੇਟ ਵਿਚ ਮਿਲ ਰਿਹਾ ਹੈ। ਇਸ ਬਾਜ਼ਾਰ ਵਿਚ ਰੋਜ਼ਾਨਾ ਲੱਖਾਂ ਦੀ ਗਿਣਤੀ ਵਿਚ ਲੋਕ ਖ੍ਰੀਦਦਾਰੀ ਕਰਨ ਆ ਰਹੇ ਹਨ। ਇਸ ਬਾਜ਼ਾਰ ਦੀਆਂ ਸੜਕਾਂ ਦੇ ਦੋਵੇਂ ਪਾਸੇ ਅਤੇ ਵਿਚਕਾਰ ਪਟੜੀ ’ਤੇ ਛੋਟੇ-ਮੋਟੇ ਦੁਕਾਨਦਾਰਾਂ ਨੇ ਕਬਜ਼ਾ ਕੀਤਾ ਹੋਇਆ ਹੈ ਅਤੇ ਉਨ੍ਹਾਂ ਨੇ ਗਿਫਟ ਆਈਟਮਾਂ ਰੱਖੀਆਂ ਹੋਈਆਂ ਹਨ। ਜੋ ਲੋਕ ਪੈਦਲ ਚੱਲ ਰਹੇ ਹਨ ਉਨ੍ਹਾਂ ਨੂੰ ਵੀ ਰਸਤਾ ਨਹੀਂ ਮਿਲ ਰਿਹਾ। ਇਸ ਭੀੜ-ਭੜੱਕੇ ਦਾ ਲਾਭ ਜੇਬ ਕਤਰੇ ਵੀ ਉਠਾ ਰਹੇ ਹਨ ਅਤੇ ਇੱਥੇ ਆਉਣ ਵਾਲੇ ਲੋਕਾਂ ਦੀਆਂ ਜੇਬਾਂ ਕੱਟੀਆਂ ਜਾ ਰਹੀਆਂ ਹਨ। ਸਦਰ ਬਾਜ਼ਾਰ ਦੇ ਵਪਾਰੀ ਦਿੱਲੀ ਪੁਲਿਸ ਅਤੇ ਨਗਰ ਨਿਗਮ ਨੂੰ ਕਈ ਵਾਰ ਲਿਖਤੀ ਤੌਰ ’ਤੇ ਸ਼ਿਕਾਇਤਾਂ ਵੀ ਕਰ ਚੁੱਕੇ ਹਨ ਪ੍ਰੰਤੂ ਫਿਰ ਵੀ ਕੋਈ ਅਸਰ ਨਹੀਂ ਹੋਇਆ। ਸਦਰ ਬਾਜ਼ਾਰ ਦੀਆਂ ਵਪਾਰੀ ਐਸੋਸੀਏਸ਼ਨਾਂ ਨਿੱਜੀ ਤੌਰ ’ਤੇ ਉੱਚ ਅਧਿਕਾਰੀਆਂ ਦੇ ਨਾਲ ਮੁਲਾਕਾਤ ਕਰ ਚੁੱਕੀਆਂ ਹਨ ਪ੍ਰੰਤੂ ਸਮੱਸਿਆਵਾਂ ਉਵੇਂ ਹੀ ਹਨ।
