ਨਕਲੀ ਵੈੱਬਸਾਈਟ ਬਣਾ ਕੇ ਲੋਕਾਂ ਨਾਲ ਠੱਗੀ ਮਾਰਨ ਵਾਲੇ ਨੂੰ ਪੁਲਿਸ ਨੇ ਕੀਤਾ ਕਾਬੂ
ਨਵੀਂ ਦਿੱਲੀ, 30 ਅਕਤੂਬਰ (ਡਾ. ਬਲਵਿੰਦਰ ਸਿੰਘ ਵਾਲੀਆ)-ਨਵੀਂ ਦਿੱਲੀ ਜ਼ਿਲ੍ਹੇ ਦੇ ਸਾਇਬਰ ਪੁਲਿਸ ਨੇ ਇਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ , ਜਿਸ ਨੇ ਰੂਸੀ ਦੂਤਾਵਾਸ ਦੀ ਨਕਲੀ ਵੈੱਬਸਾਈਟ ਰਾਹੀਂ ਲੋਕਾਂ ਦੇ ਨਾਲ ਧੋਖਾ ਕੀਤਾ ਅਤੇ 17 ਦੇ ਕਰੀਬ ਲੋਕਾਂ ਦੇ ਨਾਲ ਲੈਣ-ਦੇਣ ਕੀਤਾ ਅਤੇ ਉਨ੍ਹਾਂ ਦੀਆਂ ਨਕਲੀ ਪ੍ਰੋਫਾਈਲਾਂ, ਦਸਤਾਵੇਜ਼ ਤਿਆਰ ਕੀਤੇ।
ਨਵੀਂ ਦਿੱਲੀ, 30 ਅਕਤੂਬਰ (ਡਾ. ਬਲਵਿੰਦਰ ਸਿੰਘ ਵਾਲੀਆ)-ਨਵੀਂ ਦਿੱਲੀ ਜ਼ਿਲ੍ਹੇ ਦੇ ਸਾਇਬਰ ਪੁਲਿਸ ਨੇ ਇਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ , ਜਿਸ ਨੇ ਰੂਸੀ ਦੂਤਾਵਾਸ ਦੀ ਨਕਲੀ ਵੈੱਬਸਾਈਟ ਰਾਹੀਂ ਲੋਕਾਂ ਦੇ ਨਾਲ ਧੋਖਾ ਕੀਤਾ ਅਤੇ 17 ਦੇ ਕਰੀਬ ਲੋਕਾਂ ਦੇ ਨਾਲ ਲੈਣ-ਦੇਣ ਕੀਤਾ ਅਤੇ ਉਨ੍ਹਾਂ ਦੀਆਂ ਨਕਲੀ ਪ੍ਰੋਫਾਈਲਾਂ, ਦਸਤਾਵੇਜ਼ ਤਿਆਰ ਕੀਤੇ। ਇਸ ਦੇ ਨਾਲ ਹੀ ਨੌਕਰੀ ਲੱਭਣ ਵਾਲਿਆਂ ਦੀ ਰਜਿਸਟ੍ਰੇਸ਼ਨ ਅਤੇ ਫੀਸਾਂ ਵਸੂਲ ਕੀਤੀਆਂ। ਪੁਲਿਸ ਨੇ ਇਸ ਦੇ ਕੋਲੋਂ 2 ਮੋਬਾਈਲ, 2 ਸਿਮ ਕਾਰਡ (ਜਿਨ੍ਹਾਂ ਵਿਚ ਇਕ ਯੂ. ਕੇ. ਦਾ ਸਿਮ ਸ਼ਾਮਲ ਹੈ) ਇਸ ਤੋਂ ਇਲਾਵਾ ਧੋਖਾਧੜੀ ਵਾਲੀ ਵੈੱਬਸਾਈਟ, ਭੁਗਤਾਨ ਲੈਣ-ਦੇਣ ਅਤੇ ਗੱਲਬਾਤ ਨਾਲ ਸੰਬੰਧਿਤ ਡਿਜੀਟਲ ਰਿਕਾਰਡ ਵੀ ਕਬਜ਼ੇ ਵਿਚ ਲਿਆ ਹੈ। ਇਸ ਵਿਅਕਤੀ ਦਾ ਨਾਂਅ ਅਮਨ ਕੁਮਾਰ (25) ਨਿਵਾਸੀ ਬਿਹਾਰ ਹੈ, ਜੋ ਕਿ ਬੀ. ਬੀ. ਏ. ਗਰੈਜੂਏਟ ਹੈ ਅਤੇ ਯੂਨਾਈਟਿਡ ਕਿੰਗਡਮ ਮਿਡਲ ਸਬਰੋ ਵਿਚ ਸਟਾਕ ਕੰਟਰੋਲ ਐਨਾਲਿਸਟ ਵਜੋਂ ਕੰਮ ਕਰ ਰਿਹਾ ਸੀ। ਪੁਲਿਸ ਨੇ ਇਸ ਦੇ ਇਕ ਸਾਥੀ ਵਿਵੇਕ ਕੁਮਾਰ ਨੂੰ ਵੀ ਬਾਅਦ ਵਿਚ ਫੜਿਆ ਹੈ। ਇਸ ਮਾਮਲੇ ਪ੍ਰਤੀ ਭਾਰਤ ਅਤੇ ਰ{ਸੀ ਸੰਘ ਦੇ ਦੂਤਾਵਾਸ ਵਲੋਂ ਸ਼ਿਕਾਇਤ ਮਿਲਣ ਤੋਂ ਬਾਅਦ ਪੁਲਿਸ ਨੇ ਕਾਰਵਾਈ ਕੀਤੀ। ਪੁਲਿਸ ਇਨ੍ਹਾਂ ਤੋਂ ਸਾਰੀ ਜਾਣਕਾਰੀ ਲੈਣ ਵਿਚ ਜੁਟੀ ਹੋਈ ਹੈ ਕਿ ਇਨ੍ਹਾਂ ਨੇ ਕਿੰਨੇ ਲੋਕਾਂ ਦੇ ਨਾਲ ਧੋਖਾ ਕੀਤਾ ਹੈ।
