ਬਿਜਲੀ ਦੇ ਲੰਬੇ ਕੱਟਾਂ ਤੋਂ ਪ੍ਰੇਸ਼ਾਨ ਡੱਲੇਵਾਲ ਦੇ ਲੋਕਾਂ ਨੇ ਜੇ. ਈ. ਨੂੰ ਦਿੱਤਾ ਮੰਗ ਪੱਤਰ
ਬੀਣੇਵਾਲ, 12 ਸਤੰਬਰ (ਬੈਜ ਚੌਧਰੀ)-ਬੀਤ ਇਲਾਕੇ ਦੇ ਪਿੰਡ ਡੱਲੇਵਾਲ ਦੇ ਲੋਕਾਂ ਨੇ ਸਰਪੰਚ ਕਰਮ ਚੰਦ ਤੇ ਸਮੁੱਚੀ ਪੰਚਾਇਤ ਦੀ ਅਗਵਾਈ ਵਿਚ ਬਿਜਲੀ ਉਪ ਦਫ਼ਤਰ ਬੀਣੇਵਾਲ ਦੇ ਜੇ. ਈ.
ਬੀਣੇਵਾਲ, 12 ਸਤੰਬਰ (ਬੈਜ ਚੌਧਰੀ)-ਬੀਤ ਇਲਾਕੇ ਦੇ ਪਿੰਡ ਡੱਲੇਵਾਲ ਦੇ ਲੋਕਾਂ ਨੇ ਸਰਪੰਚ ਕਰਮ ਚੰਦ ਤੇ ਸਮੁੱਚੀ ਪੰਚਾਇਤ ਦੀ ਅਗਵਾਈ ਵਿਚ ਬਿਜਲੀ ਉਪ ਦਫ਼ਤਰ ਬੀਣੇਵਾਲ ਦੇ ਜੇ. ਈ. ਉਂਕਾਰ ਸਿੰਘ ਨੂੰ ਮੰਗ-ਪੱਤਰ ਦੇ ਕੇ ਮੰਗ ਕੀਤੀ ਕਿ ਉਨ੍ਹਾਂ ਦੇ ਪਿੰਡ ਵਿਚ ਬਿਜਲੀ ਦੇ ਲਗ ਰਹੇ ਲੰਬੇ ਲੰਬੇ ਕੱਟ ਤੁਰੰਤ ਬੰਦ ਕਰਕੇ ਨਿਰਵਿਘਨ ਬਿਜਲੀ ਸਪਲਾਈ ਦਿੱਤੀ ਜਾਵੇ ਤਾਂ ਜੋ ਪਿੰਡ ਦੇ ਲੋਕਾਂ ਨੂੰ ਗਰਮੀ ਦੇ ਮੌਸਮ ‘ਚ ਕਿਸੇ ਕਿਸਮ ਦੀ ਕੋਈ ਪਰੇਸ਼ਾਨੀ ਨਾ ਹੋਵੇ। ਪਿੰਡ ਦੇ ਸਰਪੰਚ ਕਰਮ ਚੰਦ, ਪੰਚ ਰਜਨੀਸ਼ ਸਿੰਘ, ਸੁਰੇਸ਼ ਕੁਮਾਰ, ਮੀਨਾ ਰਾਣੀ, ਅੰਕੁਸ਼ ਰਾਣਾ, ਮਨੀਸ਼ ਰਾਣਾ, ਜਸਵੀਰ ਰਾਣਾ, ਓਮ ਪ੍ਰਕਾਸ਼, ਆਸ਼ੂ ਰਾਣਾ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪਿੰਡ ‘ਚ ਬਿਜਲੀ ਦਾ 66 ਕੇ. ਵੀ. ਸਬ ਸਟੇਸ਼ਨ ਚਲ ਰਿਹਾ ਹੈ। ਇਸ ਸਬ ਸਟੇਸ਼ਨ ਲਈ ਜ਼ਮੀਨ ਪਿੰਡ ਡੱਲੇਵਾਲ ਵਾਸੀਆਂ ਵਲੋਂ ਮੁਫ਼ਤ ਦਿੱਤੀ ਗਈ ਸੀ। ਉਸ ਵਕਤ ਬਿਜਲੀ ਬੋਰਡ ਨੇ ਲਿਖਤੀ ਐਗਰੀਮੈਂਟ ਕੀਤਾ ਸੀ ਕਿ ਡੱਲੇਵਾਲ ਨੂੰ 24 ਘੰਟੇ ਨਿਰਵਿਘਨ ਬਿਜਲੀ ਸਪਲਾਈ ਕੀਤੀ ਜਾਇਆ ਕਰੇਗੀ, ਪਰ ਹੁਣ ਪਿਛਲੇ ਕਈ ਦਿਨਾ ਤੋਂ ਡੱਲੇਵਾਲ ਵਿਚ ਬਿਜਲੀ ਦੇ ਲੰਬੇ ਲੰਬੇ ਕੱਟ ਲੱਗ ਰਹੇ ਹਨ, ਜਿਸ ਕਰਕੇ ਪਿੰਡ ਦੇ ਲੋਕ ਬਹੁਤ ਪ੍ਰੇਸ਼ਾਨ ਹਨ ਜਦ ਕਿ ਸਾਡੇ ਪਿੰਡ ਨਾਲ ਜੁੜੇ ਹੋਰ ਪਿੰਡਾਂ ਨੂੰ ਬਿਜਲੀ ਸਪਲਾਈ ਸਹੀ ਚਲ ਰਹੀ ਹੈ। ਗ੍ਰਾਮ ਪੰਚਾਇਤ ਤੇ ਪਿੰਡ ਦੇ ਲੋਕਾਂ ਨੇ ਕਿਹਾ ਕਿ ਜੇਕਰ ਜਲਦੀ ਬਿਜਲੀ ਸਪਲਾਈ ਨਾਰਮਲ ਨਾ ਹੋਈ ਤਾਂ ਬਿਜਲੀ ਵਿਭਾਗ ਤੇ ਪੰਜਾਬ ਸਰਕਾਰ ਵਿਰੁੱਧ ਧਰਨਾ ਦਿੱਤਾ ਜਾਵੇਗਾ।
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
