ਘਰ ਸਿਰਫ਼ ਕੀਮਤੀ ਚੀਜ਼ਾਂ ਨਾਲ ਹੀ ਸਜਾਵਟੀ ਨਹੀਂ ਬਣਦਾ | ਘਰ ਬਣਦਾ ਹੈ ਘਰ ਵਿਚ ਰਹਿਣ ਵਾਲੇ ਲੋਕਾਂ ਨਾਲ | ਏਨਾ ਹੋਵੇ ਕਿ ਉਹ ਇਸ ਨੂੰ ਆਪਣੇ ਅਨੁਸਾਰ ਢਾਲ ਸਕਣ | ਇਸ ਨੂੰ ਆਪਣੇ ਅਨੁਸਾਰ ਬਣਾਓ | ਇਸ ਵਿਚ ਉਹ ਸਭ ਚੀਜ਼ਾਂ ਰੱਖੋ, ਜੋ ਉਨ੍ਹਾਂ ਦੀ ਜ਼ਰੂਰਤ ਦੀ ਹੋਵੇ | ਚੀਜ਼ਾਂ ਨੂੰ ਸਹੀ ਢੰਗ ਨਾਲ ਰੱਖੋ | ਸ਼ੁਰੂਆਤ ਕਰੋ ਘਰ ਦੀ ਸਾਫ਼-ਸਫ਼ਾਈ ਨਾਲ | ਸਫ਼ਾਈ ਦੀ ਸ਼ੁਰੂਆਤ ਘਰ ਦੇ ਕਿਸੇ ਖ਼ਾਸ ਕੋਨੇ ਤੋਂ ਕਰੋ | ਸਭ ਕਮਰਿਆਂ ਦੇ ਕੋਨੇ ਲਗਭਗ ਖਾਲੀ ਹੀ ਰੱਖੋ | ਇਸ ਤੋਂ ਜ਼ਿਆਦਾ ਸਫਾਈ ਦਾ ਅਭਿਆਸ ਹੁੰਦਾ ਹੈ |
ਘਰ ਉਦੋਂ ਸੁੰਦਰ ਬਣਦਾ ਹੈ ਜਦੋਂ ਘਰ ਦੀ ਸਾਫ਼-ਸਫ਼ਾਈ ਦੇ ਨਾਲ-ਨਾਲ ਆਪਣਾ ਮਨ ਵੀ ਸਾਫ਼ ਰੱਖਿਆ ਜਾਵੇ | ਆਪਣੇ ਮਨ ਦੀ ਸਭ ਬੁਰੀਆਂ ਭਾਵਨਾਵਾਂ ਨੂੰ ਤਿਆਗ ਦਿਓ | ਆਪਣੇ ਮਨ ਨੂੰ ਸਭ ਬੁਰਾਈਆਂ ਤੋਂ ਦੂਰ ਕਰੋ ਅਤੇ ਪਰਮਾਤਮਾ ਦੀ ਆਸਥਾ ਵਿਚ ਲਗਾਓ, ਤਾਂ ਕਿ ਉਸ ਵਿਚ ਸਵੱਛ ਵਿਚਾਰ ਹੀ ਆਉਣ | ਘਰ ਵੀ ਬਦਲਿਆ ਤਾਂ ਹੀ ਲੱਗੇਗਾ ਜਦੋਂ ਤੁਹਾਡਾ ਮਨ ਬਦਲ ਜਾਵੇਗਾ |
ਸਿਰਫ਼ ਘਰ ਨੂੰ ਬਦਲ ਦੇਣ ਨਾਲ ਹੀ ਸਭ ਕੁਝ ਉੱਤਮ ਨਹੀਂ ਹੋ ਜਾਂਦਾ | ਆਪਣੇ ਮਨ ਨੂੰ ਵੀ ਬਦਲਣਾ ਚਾਹੀਦਾ ਹੈ | ਇਸ ਲਈ ਕੁਝ ਸਰੀਰਕ ਕਸਰਤ ਵੀ ਕੀਤੀ ਜਾਣੀ ਚਾਹੀਦੀ ਹੈ | ਪਰਮਾਤਮਾ ਦੀ ਆਸਥਾ ਵਿਚ ਮਨ ਲਗਾਉਣਾ ਚਾਹੀਦਾ ਹੈ | ਇਸ ਨਾਲ ਤੁਸੀਂ ਖ਼ੁਦ ਹੀ ਆਪਣੇ ਅੰਦਰ ਊਰਜਾ ਨੂੰ ਮਹਿਸੂਸ ਕਰੋਗੇ | ਉਦੋਂ ਘਰ ਦੇ ਅੰਦਰ ਕੁਝ ਊਰਜਾਵਾਨ ਚੀਜ਼ਾਂ ਰੱਖਣ ਦਾ ਫ਼ਾਇਦਾ ਹੋਵੇਗਾ | ਘਰ ਦੇ ਅੰਦਰ ਇਸ ਤਰ੍ਹਾਂ ਦੀਆਂ ਸਜਾਵਟੀ ਚੀਜ਼ਾਂ ਜਾਂ ਐਂਟੀਕ ਪੀਸ ਰੱਖੋ, ਜਿਨ੍ਹਾਂ ਤੋਂ ਊਰਜਾ ਮਿਲੇ |
ਪਿਰਾਮਿਡਸ ਪਰਿਵਾਰ ਦੀ ਹੱਸਦੀਆਂ-ਖੇਡਦੀਆਂ ਤਸਵੀਰਾਂ, ਪਵਿੱਤਰ ਚੀਜ਼ਾਂ ਆਦਿ ਘਰ ਵਿਚ ਸਜਾਉਣ ਨਾਲ ਘਰ ਤੋਂ ਊਰਜਾ ਦਾ ਸੰਚਾਰ ਹੁੰਦਾ ਹੈ | ਜੇਕਰ ਇਹ ਸਭ ਇਕ ਧੂੜ ਭਰੇ ਘਰ ਵਿਚ ਗੰਦਗੀ ਵਿਚ ਰੱਖੀ ਜਾਵੇਗੀ ਤਾਂ ਸ਼ਹਿਦ ਊਰਜਾ ਦਾ ਸੰਚਾਰ ਨਹੀਂ ਹੋਵੇਗਾ, ਕਿਉਂਕਿ ਊਰਜਾ ਨੂੰ ਫੈਲਣ ਲਈ ਸਵੱਛ ਰਸਤਾ ਨਹੀਂ ਮਿਲੇਗਾ | ਇਸ ਲਈ ਜ਼ਰੂਰੀ ਹੈ ਕਿ ਪਹਿਲਾਂ ਪੂਰੇ ਘਰ ਦੀ ਸਾਫ਼-ਸਫ਼ਾਈ ਕੀਤੀ ਜਾਵੇ | ਫਿਰ ਪੂਰੇ ਘਰ ਨੂੰ ਸਵੱਛ ਜਲ ਨਾਲ ਧੋਤਾ ਜਾਵੇ | ਪਾਣੀ ਵਿਚ ਕੋਈ ਸੁਗੰਧਿਤ ਪਦਾਰਥ ਪਾ ਲੈਣਾ ਚਾਹੀਦਾ, ਜਿਸ ਨਾਲ ਮਿੱਠੀ-ਮਿੱਠੀ ਖੁਸ਼ਬੂ ਨਾਲ ਪੂਰਾ ਘਰ ਮਹਿਕ ਉੱਠੇਗਾ | ਇਸ ਤੋਂ ਇਲਾਵਾ ਕਈ ਇਸ ਤਰ੍ਹਾਂ ਦੇ ਬਦਲਾਅ ਕਰ ਲਓ, ਜੋ ਪੂਰੇ ਘਰ ਨੂੰ ਊਰਜਾ ਨਾਲ ਭਰ ਦੇਵੇ | ਸਾਰੀਆਂ ਚਾਦਰਾਂ ਬਦਲ ਦਿਓ | ਪਰਦੇ ਇਕੱਠੇ ਕਰ ਦਿਓ | ਦਰਵਾਜ਼ੇ-ਖਿੜਕੀਆਂ ਖੋਲ੍ਹ ਦਿਓ | ਰੂਮ ਪਰਫਿਊਮ ਛਿੜਕ ਦਿਓ | ਕੁਝ ਤਾਜ਼ੇ ਫੁੱਲ ਜਿਨ੍ਹਾਂ ਵਿਚੋਂ ਉੱਤਮ ਖੁਸ਼ਬੂ ਆਉਂਦੀ ਹੋਵੇਂ, ਕ੍ਰਿਸਟਲ ਦੇ ਫਲਾਵਰ ਪਾਟ ਵਿਚ ਸਜਾਓ | ਤੁਰੰਤ ਹੀ ਘਰ ਵਿਚ ਨਵੀਂ ਆਸ਼ਾ ਚਮਕੇਗੀ | ਤੁਹਾਡੇ ਜੀਵਨ ਵਿਚ ਆਈ ਉਦਾਸੀ ਅਤੇ ਸਥਿਰਤਾ ਦੂਰ ਹੋ ਜਾਵੇਗੀ ਅਤੇ ਊਰਜਾ ਦਾ ਸੰਚਾਰ ਹੋਵੇਗਾ | ਚਾਹੋ ਤਾਂ ਘਰ ਦੇ ਫਾਲਤੂ ਸਾਮਾਨ ਨੂੰ ਕਿਸੇ ਕੋਨੇ ਵਿਚ ਵੱਖਰਾ ਲੁਕੋ ਦਿਓ | ਵਰਤੋਂ ਵਿਚ ਆਉਣ ਵਾਲੀਆਂ ਥਾਵਾਂ 'ਤੇ ਘੱਟ ਭੀੜ-ਭਾੜ ਰੱਖੋ | ਦੇਖੋ ਕਿ ਤੁਸੀਂ ਤਿਉਹਾਰਾਂ ਨਾਲ ਜਚੇ ਹੋ ਜਾਂ ਤੁਹਾਡੇ ਤਿਉਹਾਰਾਂ ਦੀ ਸ਼ਾਨ ਵਧੀ ਹੈ |
