ਆਈਸੀਆਈਸੀਆਈ ਪਰੂਡੈਂਸ਼ੀਅਲ ਲਾਈਫ ਇੰਸ਼ੋਰੈਂਸ ਨੇ ਵਿੱਤੀ ਸਾਲ 2027 ਦੀ ਪਹਿਲੀ ਤਿਮਾਹੀ ਦੌਰਾਨ ਪੰਜਾਬ ’ ਚ ਟਰਮ ਪਲਾਨ ਕਾਰੋਬਾਰ ’ ਚ ਸਾਲਾਨਾ ਅਧਾਰ ’ਤੇ 101.04% ਦਾ ਵਾਧਾ ਕੀਤਾ ਦਰਜ
ਚੰਡੀਗੜ੍ਹ, 10 ਸਤੰਬਰ (ਅ. ਬ.)
ਚੰਡੀਗੜ੍ਹ, 10 ਸਤੰਬਰ (ਅ.ਬ.) : ਆਈਸੀਆਈਸੀਆਈ ਪਰੂਡੈਂਸ਼ੀਅਲ ਲਾਈਫ ਇੰਸ਼ੋਰੈਂਸ ਨੇ ਪੰਜਾਬ ਵਿੱਚ ਟਰਮ ਪਲਾਨ (ਰਿਟੇਲ ਪ੍ਰੋਟੈਕਸ਼ਨ) ਕਾਰੋਬਾਰ ਲਈ ਵਿੱਤੀ ਸਾਲ 2027 ਦੀ ਪਹਿਲੀ ਤਿਮਾਹੀ ਵਿੱਚ ਸਾਲਾਨਾ ਆਧਾਰ ’ਤੇ 101.04% ਦੀ ਜ਼ਬਰਦਸਤ ਵਾਧਾ ਦਰਜ ਕੀਤਾ ਹੈ। 31 ਮਾਰਚ, 2026 ਤੱਕ, ਕੰਪਨੀ ਨੇ ਰਾਜ ਵਿੱਚ 6,07,180 ਲੋਕਾਂ ਨੂੰ ਬੀਮਾ ਕਵਰ ਪ੍ਰਦਾਨ ਕੀਤਾ ਸੀ। ਪੰਜਾਬ ਵਿੱਚ ਕੰਪਨੀ ਦੇ ਸੇਵਿੰਗਜ਼ ਕਾਰੋਬਾਰ ਦੀ ਮੰਗ ਵੀ ਮਜ਼ਬੂਤ ਰਹੀ ਹੈ, ਜਿਸ ਵਿੱਚ ਲਿੰਕਡ, ਨਾਨ-ਲਿੰਕਡ ਅਤੇ ਐਨਿਊਟੀ ਕਾਰੋਬਾਰ ਸ਼ਾਮਿਲ ਹਨ। 31 ਮਾਰਚ 2026 ਤੱਕ, ਰਾਜ ਵਿੱਚ ਕੰਪਨੀ ਦੀ ਪ੍ਰਬੰਧਨ ਅਧੀਨ ਸੰਪਤੀ 6,725 ਕਰੋੜ ਰੁਪਏ ਰਹੀ । ਮਹੱਤਵਪੂਰਨ ਗੱਲ ਇਹ ਹੈ ਕਿ ਕੰਪਨੀ ਨੇ ਰਾਜ ਵਿੱਚ 31 ਮਾਰਚ 2026 ਤੱਕ 56,370 ਕਰੋੜ ਰੁਪਏ ਦੀ ਬੀਮਾ ਰਾਸ਼ੀ ਦਰਜ ਕੀਤੀ ਅਤੇ ਪਿਛਲੇ 7 ਸਾਲਾਂ ਵਿੱਚ, ਕੰਪਨੀ ਨੇ ਪੰਜਾਬ ਰਾਜ ਵਿੱਚ ਆਪਣੇ ਗਾਹਕਾਂ ਨੂੰ ਕੁੱਲ 2,347 ਕਰੋੜ ਰੁਪਏ ਦੇ ਲਾਭਾਂ ਦਾ ਭੁਗਤਾਨ ਕੀਤਾ ਹੈ। ਬੋਰਡ ਆਫ਼ ਡਾਇਰੈਕਟਰਜ਼ ਨੇ ਹਾਲ ਹੀ ਵਿੱਚ ਕੰਪਨੀ ਦਾ ਨਾਮ ਬਦਲ ਕੇ ‘ਆਈਸੀਆਈਸੀਆਈ ਲਾਈਫ ਇੰਸ਼ੋਰੈਂਸ ਲਿਮਟਿਡ ‘ ਰੱਖਣ ਦੇ ਪ੍ਰਸਤਾਵ ਨੂੰ ਮਨਜ਼ੂਰੀ ਦਿੱਤੀ ਹੈ, ਜੋ ਕਿ ਸਬੰਧਤ ਮਨਜ਼ੂਰੀਆਂ ਦੇ ਅਧੀਨ ਹੈ। ਆਈਸੀਆਈਸੀਆਈ ਪ੍ਰੂਡੈਂਸ਼ੀਅਲ ਲਾਈਫ ਇੰਸ਼ੋਰੈਂਸ ਕੰਪਨੀ ਲਿਮਟਿਡ ਦੇ ਚੀਫ ਇਨਵੈਸਟਮੈਂਟ ਅਫਸਰ, ਮਨੀਸ਼ ਕੁਮਾਰ, ਨੇ ਕਿਹਾ: “ਪੰਜਾਬ ਸਾਡੀ ਕੰਪਨੀ ਲਈ ਲਗਾਤਾਰ ਇੱਕ ਮਹੱਤਵਪੂਰਨ ਬਾਜ਼ਾਰ ਬਣਿਆ ਹੋਇਆ ਹੈ। ਸੂਬੇ ਦੇ ਸ਼ਹਿਰੀ ਇਲਾਕਿਆਂ ਦੇ ਨਾਲ-ਨਾਲ ਉਭਰ ਰਹੇ ਕੇਂਦਰਾਂ ਵਿੱਚ ਵੀ ਸਾਨੂੰ ਚੰਗਾ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਪਿਛਲੀਆਂ ਕੁਝ ਤਿਮਾਹੀਆਂ ਵਿੱਚ ਅਸੀਂ ਗਾਹਕਾਂ ਦੇ ਵਿਹਾਰ ਵਿੱਚ ਸਪੱਸ਼ਟ ਬਦਲਾਅ ਦੇਖਿਆ ਹੈ। ਹੁਣ ਲੋਕ ਆਪਣੇ ਵਿੱਤੀ ਟੀਚਿਆਂ ਦੇ ਹਿੱਸੇ ਵਜੋਂ ਵਿੱਤੀ ਸੁਰੱਖਿਆ, ਲੰਬੇ ਸਮੇਂ ਦੀ ਬੱਚਤ ਅਤੇ ਰਿਟਾਇਰਮੈਂਟ ਪਲੈਨਿੰਗ ਨੂੰ ਵਧੇਰੇ ਤਰਜ਼ੀਹ ਦੇ ਰਹੇ ਹਨ।
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
