ਬਖਲੌਰ ਵਿਖੇ ਐਨ. ਆਰ. ਆਈ. ਦੇ ਘਰ ਵਿਚੋਂ ਚੋਰੀ ਹੋਇਆ ਲੱਖਾਂ ਦਾ ਸਾਮਾਨ
ਉੜਾਪੜ/ਲਸਾੜਾ, 3 ਅਕਤੂਬਰ (ਲਖਵੀਰ ਸਿੰਘ ਖੁਰਦ)-ਇਥੋਂ ਨਜਦੀਕੀ ਪਿੰਡ ਬਖਲੌਰ ਵਿਖੇ ਇਕ ਐਨ. ਆਰ.
ਉੜਾਪੜ/ਲਸਾੜਾ, 3 ਅਕਤੂਬਰ (ਲਖਵੀਰ ਸਿੰਘ ਖੁਰਦ)-ਇਥੋਂ ਨਜਦੀਕੀ ਪਿੰਡ ਬਖਲੌਰ ਵਿਖੇ ਇਕ ਐਨ. ਆਰ. ਆਈ. ਦੀ ਬੰਦ ਕੋਠੀ ’ਚੋਂ ਚੋਰਾਂ ਵਲੋਂ 10 ਤੋਲੇ ਸੋਨਾ, ਦੋ ਸਿਲੰਡਰ, ਇਕ ਐਲ. ਸੀ. ਡੀ, ਇਕ ਪੱਖਾ, ਇਨਵਰਟਰ ਸਮੇਤ ਹੋਰ ਘਰ ਦਾ ਕੀਮਤੀ ਸਾਮਾਨ ਚੌਰੀ ਹੋਣ ਦਾ ਪਤਾ ਲਗਾ ਹੈ। ਘਰ ਦੇ ਮਾਲਕ ਭਰਥ ਢੰਡਾ ਪੁੱਤਰ ਗੁਰਨਾਮ ਦਾਸ ਨੇ ਦੱਸਿਆ ਕਿ ਮੈਂ ਦੋ ਕੁ ਸਾਲਾਂ ਤੋਂ ਆਪਣੀ ਪਤਨੀ ਸਮੇਤ ਵਿਦੇਸ਼ ਵਿਚ ਰਹਿੰਦਾ ਹਾਂ। ਕੱਲ੍ਹ ਰਾਤ ਜਦੋਂ ਅਸੀਂ ਵਿਦੇਸ਼ ਤੋਂ ਆਪਣੇ ਪਿੰਡ ਬਖਲੌਰ ਪੁੱਜੇ ਅਤੇ ਘਰ ਖੋਲ੍ਹ ਕੇ ਲਾਈਟ ਜਗਾਉਣੀ ਚਾਹੀ ਤਾਂ ਲਾਈਟ ਨਾ ਚੱਲਣ ‘ਤੇ ਮੈਂ ਘਰ ਦੇ ਉਪਰਲੀ ਮੰਜਿਲ ‘ਤੇ ਇਨਵਰਟਰ ਚਲਾਉਣ ਗਿਆ ਤਾਂ ਦੇਖਿਆ ਕਿ ਉਥੇ ਇਨਵਰਟਰ ਨਹੀ ਸੀ। ਉਸ ਤੋਂ ਬਾਅਦ ਜਦੋਂ ਸਾਰਿਆਂ ਕਮਰਿਆਂ ਵਿਚ ਦੇਖਿਆ ਤਾਂ ਅਲਮਾਰੀਆਂ ਵਗੈਰਾ ਖੁਲ੍ਹੀਆਂ ਪਈਆਂ ਸਨ ਅਤੇ ਸਾਮਾਨ ਦੀ ਚੰਗੀ ਤਰ੍ਹਾਂ ਫਰੋਲਾ-ਫਰਾਲੀ ਕੀਤੀ ਗਈ ਸੀ। ਪੇਟੀਆਂ ਦੇ ਜਿੰਦਰੇ ਵੀ ਟੁੱਟੇ ਹੋਏ ਸਨ ਅਤੇ ਪੇਟੀ ਵਿਚ ਪਿਆ ਗਹਿਣਿਆਂ ਵਾਲਾ ਬੈਗ ਵੀ ਖਾਲੀ ਪਿਆ ਸੀ। ਉਨ੍ਹਾਂ ਦੱਸਿਆ ਸਾਡਾ ਲੱਖਾ ਰੁਪਏ ਦਾ ਨੁਕਸਾਨ ਹੋ ਗਿਆ ਹੈ। ਇਸ ਸੰਬੰਧੀ ਪੁਲਿਸ ਥਾਣਾ ਮੁਕੰਦਪੁਰ ਵਿਚ ਰਿਪੋਰਟ ਦਰਜ ਕਰਵਾ ਦਿੱਤੀ ਹੈ। ਉਨ੍ਹਾਂ ਪੁਲਿਸ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਹੈ ਕਿ ਚੋਰਾਂ ਨੂੰ ਗ੍ਰਿਫਤਾਰ ਕਰਕੇ ਬਣਦੀ ਕਾਰਵਾਈ ਕੀਤੀ ਜਾਵੇ ਤੇ ਸਾਡਾ ਸਾਮਾਨ ਬਰਾਮਦ ਕੀਤਾ ਜਾਵੇ। ਪੁਲਿਸ ਵਲੋਂ ਘਟਨਾ ਸਥਾਨ ਦਾ ਮੌਕਾ ਦੇਖ ਕੇ ਬਣਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।
