ਪਿਤਾ-ਧੀ ਵਿਚਾਲੇ ਘਰੇਲੂ ਜਗ੍ਹਾ ਨੂੰ ਲੇ ਕੇ ਚੱਲ ਰਹੇ ਕਲੇਸ਼ ਕਾਰਨ ਧੀ ਨੇ ਖਾਦਾ ਜ਼ਹਿਰ

ਕਪੂਰਥਲਾ, 9 ਸਤੰਬਰ (ਅਮਨਜੋਤ ਸਿੰਘ ਵਾਲੀਆ)-ਪਿਛਲੇ ਕੁੱਝ ਦਿਨਾਂ ਤੋਂ ਪਿਓ ਤੇ ਧੀ ਨਾਲ ਘਰੇਲੂ ਜਗ੍ਹਾ ਨੂੰ ਲੈ ਕੇ ਚੱਲ ਰਹੇ ਵਿਵਾਦ ਕਾਰਨ ਅੱਜ ਧੀ ਨੇ ਕਥਿਤ ਤੌਰ ’ਤੇ ਜ਼ਹਿਰ ਖਾ ਲਿਆ, ਜਿਸ ਦੀ ਸਿਹਤ ਵਿਗੜਨ ’ਤੇ ਪੁਲਿਸ ਤੇ ਪਰਿਵਾਰਕ ਮੈਂਬਰਾਂ ਨੇ 108 ਐਂਬੂਲੈਂਸ ਦੀ ਸਹਾਇਤਾ ਨਾਲ ਸਿਵਲ ਹਸਪਤਾਲ ਕਪੂਰਥਲਾ ਦਾਖਲ ਕਰਵਾਇਆ | ਜ਼ੇਰੇ ਇਲਾਜ ਸਿਮਰਨ ਪਤਨੀ ਸੁਰਿੰਦਰ ਕੁਮਾਰ ਵਾਸੀ ਭੰਡਾਲ ਨੇ ਦੱਸਿਆ ਕਿ ਉਹ ਆਪਣੇ ਪੇਕੇ ਘਰ ਵਿਚ ਹੀ ਰਹਿੰਦੀ ਹੈ ਤੇ ਉਸ ਦੀ ਮਾਂ ਦੀ ਮੌਤ ਹੋ ਚੁੱਕੀ ਹੈ ਤੇ ਉਸ ਦਾ ਕੋਈ ਵੀ ਭਰਾ ਨਹੀਂ ਤੇ ਉਹ ਤਿੰਨ ਭੈਣਾਂ ਹਨ | ਸਿਮਰਨ ਨੇ ਦੱਸਿਆ ਕਿ ਉਸ ਨੇ ਆਪਣੇ ਪਿਤਾ ਨੂੰ ਜਗ੍ਹਾ ਦਾ ਕਥਿਤ ਤੌਰ ’ਤੇ 50 ਹਜ਼ਾਰ ਰੁਪਏ ਵੀ ਦਿੱਤੇ ਸਨ ਪਰ ਉਸ ਦੇ ਪਿਤਾ ਨੇ ਜਿਸ ਥਾਂ ’ਤੇ ਉਹ ਰਹਿੰਦੇ ਸੀ, ਉਹ ਜਗ੍ਹਾ ਕਥਿਤ ਤੌਰ ’ਤੇ ਕਿਸੇ ਨੂੰ ਵੇਚ ਦਿੱਤੀ ਜਿਸ ਦਾ ਵਿਰੋਧ ਕੀਤਾ ਤਾਂ ਖ਼ਰੀਦਦਾਰ ਤੇ ਮੇਰੇ ਪਿਤਾ ਘਰ ਨੂੰ ਢਾਹੁਣ ਲੱਗੇ ਤੇ ਸਾਡਾ ਸਾਮਾਨ ਵੀ ਕੱਢ ਕੇ ਬਾਹਰ ਰੱਖ ਦਿੱਤਾ | ਜਿਸ ਤੋਂ ਦੁਖੀ ਹੋ ਕੇ ਉਸ ਨੇ ਕਥਿਤ ਤੌਰ ’ਤੇ ਜ਼ਹਿਰ ਖਾ ਲਿਆ | ਜਿਸ ਦਾ ਇਲਾਜ ਸਿਵਲ ਹਸਪਤਾਲ ਵਿਖੇ ਡਿਊਟੀ ਡਾ. ਸਾਹਿਲ ਗਰਗ ਵਲੋਂ ਕੀਤਾ ਜਾ ਰਿਹਾ ਹੈ | ਇਸ ਸੰਬੰਧੀ ਥਾਣਾ ਢਿਲਵਾਂ ਪੁਲਿਸ ਵਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ |

Ad Position 21