ਰਾਜਕੁਮਾਰ ਵਿਲੀਅਮ 17 ਨੂੰ ਭਾਰਤ ਆਉਣਗੇ
ਲੰਡਨ, 14 ਨਵੰਬਰ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)- ਮੁੰਬਈ ’ਚ ਪਹਿਲੀ ਵਾਰ 17 ਨਵੰਬਰ ਨੂੰ ਹੋਣ ਵਾਲੇ ਵਾਤਾਵਰਨ ਸੰਭਾਲ ਨਾਲ ਸਬੰਧਿਤ ਵੱਕਾਰੀ ‘ਅਰਥਸ਼ਾਟ ਪ੍ਰਾਈਜ਼’ ਪੁਰਸਕਾਰ ਸਮਾਗਮ ’ਚ ਹਿੱਸਾ ਲੈਣ ਲਈ ਬਰਤਾਨੀਆ ਦੇ ਰਾਜਕੁਮਾਰ ਵਿਲੀਅਮ ਭਾਰਤ ਆ ਰਹੇ ਹਨ। ਇਸ ਸਮਾਗਮ ਦੀ ਮੇਜ਼ਬਾਨੀ ਹਿੰਦੀ ਸਿਨੇਮਾ ਦੇ ਡਾਇਰੈਕਟਰ ਕਰਨ ਜੌਹਰ ਕਰਨਗੇ।
ਲੰਡਨ, 14 ਨਵੰਬਰ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)- ਮੁੰਬਈ ’ਚ ਪਹਿਲੀ ਵਾਰ 17 ਨਵੰਬਰ ਨੂੰ ਹੋਣ ਵਾਲੇ ਵਾਤਾਵਰਨ ਸੰਭਾਲ ਨਾਲ ਸਬੰਧਿਤ ਵੱਕਾਰੀ ‘ਅਰਥਸ਼ਾਟ ਪ੍ਰਾਈਜ਼’ ਪੁਰਸਕਾਰ ਸਮਾਗਮ ’ਚ ਹਿੱਸਾ ਲੈਣ ਲਈ ਬਰਤਾਨੀਆ ਦੇ ਰਾਜਕੁਮਾਰ ਵਿਲੀਅਮ ਭਾਰਤ ਆ ਰਹੇ ਹਨ। ਇਸ ਸਮਾਗਮ ਦੀ ਮੇਜ਼ਬਾਨੀ ਹਿੰਦੀ ਸਿਨੇਮਾ ਦੇ ਡਾਇਰੈਕਟਰ ਕਰਨ ਜੌਹਰ ਕਰਨਗੇ। ਉਹ ਇਸ ਪੁਰਸਕਾਰ ਸਮਾਗਮ ਦੀ ਮੇਜ਼ਬਾਨੀ ਕਰਨ ਵਾਲੇ ਪਹਿਲੇ ਭਾਰਤੀ ਹੋਣਗੇ। ਪ੍ਰਸਿੱਧ ਫ਼ਿਲਮ ਨਿਰਦੇਸ਼ਕ ਤੇ ਨਿਰਮਾਤਾ ਕਰਨ ਜੌਹਰ ਨੇ ਬੀਤੇ ਦਿਨੀ ਲੰਡਨ ਵਿਚ ਪ੍ਰਿੰਸ ਵਿਲੀਅਮ ਨਾਲ ਮੁਲਾਕਾਤ ਵੀ ਕੀਤੀ ਸੀ, ਜਿਸ ਵਿਚ ਉਨ੍ਹਾਂ ਵਾਤਾਵਰਣ ਅਤੇ ਸਮਾਗਮ ਸੰਬੰਧੀ ਗੱਲਬਾਤ ਕੀਤੀ। ਜ਼ਿਕਰਯੋਗ ਹੈ ਕਿ ਪ੍ਰਿੰਸ ਵਿਲੀਅਮ ਵਲੋਂ ਸ਼ੁਰੂ ਕੀਤੇ ਗਏ ਵਾਤਾਵਰਨ ਸੰਭਾਲ ਨਾਲ ਸੰਬੰਧਤ ਵੱਕਾਰੀ ‘ਅਰਥਸ਼ਾਟ ਪ੍ਰਾਈਜ਼’ ਪੁਰਸਕਾਰ ਲਈ ਇਸ ਸਾਲ ਵਾਤਾਵਰਨ ਸੰਭਾਲ ਲਈ ਨਵੇਂ ਹੱਲ ਪੇਸ਼ ਕਰਨ ਵਾਲੇ 15 ਉਮੀਦਵਾਰਾਂ ਵਿਚੋਂ ਪੰਜ ਜੇਤੂ ਚੁਣੇ ਜਾਣਗੇ। ਹਰੇਕ ਜੇਤੂ ਨੂੰ ਆਪਣੇ ਵਾਤਾਵਰਨ ਸਬੰਧੀ ਉਪਰਾਲਿਆਂ ਨੂੰ ਅੱਗੇ ਵਧਾਉਣ ਲਈ 10 ਲੱਖ ਪੌਂਡ ਦੀ ਰਾਸ਼ੀ ਦਿੱਤੀ ਜਾਵੇਗੀ। ——-ਪ੍ਰਿੰਸ ਵਿਲੀਅਮ ਕਮਿੰਗ——— ਪ੍ਰਿੰਸ ਵਿਲੀਅਮ ਤੇ ਕਰਨ ਜੌਹਰ ਲੰਡਨ ’ਚ ਮੁਲਾਕਾਤ ਦੌਰਾਨ। ਤਸਵੀਰ: ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ
