17-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 18-11-2026

ਆਈ . ਪੀ . ਐਲ . ਵਿਚ ਖਿਡਾਰੀ ਵਜੋਂ ਧੋਨੀ ਦਾ ਸਫ਼ਰ ਖ਼ਤਮ , ਸੀ . ਐਸ . ਕੇ . ਨੇ ਬਣਾਇਆ ਟੀਮ ਦਾ ਮੈਂਟਰ

ਨਵੀਂ ਦਿੱਲੀ, 17 ਨਵੰਬਰ (ਪੀ. ਟੀ.

Ad Position 21
No active advertisement
ਅਜੀਤ ਡੈਸਕ 18-11-2026

ਨਵੀਂ ਦਿੱਲੀ, 17 ਨਵੰਬਰ (ਪੀ.ਟੀ.ਆਈ.): ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਤੇ ਦਿੱਗਜ ਵਿਕਟਕੀਪਰ ਬੱਲੇਬਾਜ਼ ਮਹਿੰਦਰ ਸਿੰਘ ਧੋਨੀ ਦਾ ਆਈ.ਪੀ.ਐਲ. ਵਿਚ ਖਿਡਾਰੀ ਵਜੋਂ ਸ਼ਾਨਦਾਰ ਸਫ਼ਰ ਖ਼ਤਮ ਹੋ ਗਿਆ ਹੈ । ਚੇਨਈ ਸੁਪਰ ਕਿੰਗਜ਼ ਨੇ ਮੰਗਲਵਾਰ ਨੂੰ ਉਨ੍ਹਾਂ ਨੂੰ ਟੀਮ ਦਾ ਮੈਂਟਰ ਨਿਯੁਕਤ ਕਰਨ ਦਾ ਐਲਾਨ ਕੀਤਾ । 45 ਸਾਲਾ ਧੋਨੀ ਪਿਛਲੇ ਕੁਝ ਸਾਲਾਂ ਤੋਂ ਲਗਾਤਾਰ ਸੱਟਾਂ ਤੇ ਸਰੀਰਕ ਸਮੱਸਿਆਵਾਂ ਕਾਰਨ ਘੱਟ ਮੈਚ ਖੇਡ ਰਹੇ ਸਨ । ਧੋਨੀ ਦੀ ਕਪਤਾਨੀ ਹੇਠ ਚੇਨਈ ਸੁਪਰ ਕਿੰਗਜ਼ ਨੇ ਪੰਜ ਵਾਰ ਆਈ.ਪੀ.ਐਲ. ਦਾ ਖ਼ਿਤਾਬ ਜਿੱਤ ਕੇ ਇਤਿਹਾਸ ਰਚਿਆ । ਉਹ ਟੀਮ ਵਲੋਂ 5,314 ਦੌੜਾਂ ਬਣਾਉਣ ਵਾਲੇ ਦੂਜੇ ਸਭ ਤੋਂ ਸਫ਼ਲ ਬੱਲੇਬਾਜ਼ ਹਨ । ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਸੀ.ਐਸ.ਕੇ. ਵਲੋਂ ਸਭ ਤੋਂ ਵੱਧ 272 ਮੈਚ ਖੇਡੇ ਹਨ । ਧੋਨੀ ਦੀ ਅਗਵਾਈ ਹੇਠ ਟੀਮ ਨੇ ਦੋ ਵਾਰ ਚੈਂਪੀਅਨਜ਼ ਲੀਗ ਟੀ 20 ਦਾ ਖ਼ਿਤਾਬ ਵੀ ਆਪਣੇ ਨਾਂਅ ਕੀਤਾ । ਸੀ.ਐਸ.ਕੇ. ਦੇ ਮਾਲਕ ਐੱਨ. ਸ੍ਰੀਨਿਵਾਸਨ ਨੇ ਕਿਹਾ ਕਿ ਧੋਨੀ ਤੋਂ ਬਿਨਾਂ ਚੇਨਈ ਸੁਪਰ ਕਿੰਗਜ਼ ਦੀ ਕਲਪਨਾ ਨਹੀਂ ਕੀਤੀ ਜਾ ਸਕਦੀ । ਉਨ੍ਹਾਂ ਅਨੁਸਾਰ ਧੋਨੀ ਦਾ ਤਜ਼ਰਬਾ ਟੀਮ ਲਈ ਬੇਹੱਦ ਕੀਮਤੀ ਹੈ। ਟੀਮ ਦੀ ਸਹਿ-ਮਾਲਕ ਰੂਪਾ ਗੁਰੁਨਾਥ ਨੇ ਕਿਹਾ ਕਿ ਧੋਨੀ ਨੌਜਵਾਨ ਖਿਡਾਰੀਆਂ ਨੂੰ ਸਹੀ ਦਿਸ਼ਾ ਦੇਣ ਅਤੇ ਅਗਲੀ ਪੀੜ੍ਹੀ ਤਿਆਰ ਕਰਨ ਵਿਚ ਅਹਿਮ ਭੂਮਿਕਾ ਨਿਭਾਉਣਗੇ। ਜ਼ਿਕਰਯੋਗ ਹੈ ਕਿ 2024 ਵਿਚ ਧੋਨੀ ਦੀ ਥਾਂ ਰੁਤੁਰਾਜ ਗਾਇਕਵਾੜ ਨੂੰ ਸੀ.ਐਸ.ਕੇ. ਦਾ ਕਪਤਾਨ ਬਣਾਇਆ ਗਿਆ ਸੀ । ਹੁਣ ਭਾਵੇਂ ਧੋਨੀ ਮੈਦਾਨ ਵਿਚ ਖੇਡਦੇ ਨਜ਼ਰ ਨਹੀਂ ਆਉਣਗੇ, ਪਰ ਮੈਂਟਰ ਵਜੋਂ ਟੀਮ ਨਾਲ ਉਨ੍ਹਾਂ ਦਾ ਸਬੰਧ ਜਾਰੀ ਰਹੇਗਾ ।

Ad Position 22
No active advertisement
ਪਿਛਲੀ ਖ਼ਬਰ ਫਿਰੌਤੀ ਦੀ ਮੰਗ ਪੂਰੀ ਨਾ ਹੋਣ ’ਤੇ ਸੁਨਿਆਰੇ ਦੇ ਘਰ ’ਤੇ ਫਾਇਰਿੰਗ ਅਗਲੀ ਖ਼ਬਰ ਐਲ.ਪੀ.ਯੂ. ਤੇ ਚਿਤਕਾਰਾ ਯੂਨੀਵਰਸਿਟੀ ਹਿੰਸਾ ਮਾਮਲਿਆਂ ਦੀ ਜਾਂਚ ਐਨ.ਆਈ.ਏ. ਕਰੇਗੀ ਜਾਂ ਨਹੀਂ, ਕੇਂਦਰ 10 ਦਿਨਾਂ ’ਚ ਲਵੇ...
Ad Position 24