ਭੱਜ ਦੌੜ ਦੀ ਜ਼ਿੰਦਗੀ ਦੇ ਵਿਚ ਸੱਜਣਾਂ ਸੈਰ ਜ਼ਰੂਰੀ ਏ,
ਪਿੰਡਾਂ ਦੇ 'ਚ ਖੁਸ਼ ਜੇ ਰਹਿਣਾ ਨੇੜੇ ਸ਼ਹਿਰ ਜ਼ਰੂਰੀ ਏ |
ਚੰਗੀ ਫਸਲ ਜੇ ਖੇਤ 'ਚੋਂ ਲੈਣੀ ਨੇੜੇ ਨਹਿਰ ਜ਼ਰੂਰੀ ਏ,
ਸੱਪਾਂ ਨੂੰ ਵੀ ਲੋਕ ਨਾ ਛੱਡਦੇ ਇਸ ਲਈ ਜ਼ਹਿਰ ਜ਼ਰੂਰੀ ਏ |
ਅੱਤ ਨੂੰ ਰੋਕਣ ਦੇ ਲਈ ਸੁਣਿਆ ਆਉਣੀ ਲਹਿਰ ਜ਼ਰੂਰੀ ਏ,
ਰੱਬ ਨੂੰ ਲੋਕ ਨਾ ਚੇਤੇ ਕਰਦੇ ਇਸ ਲਈ ਕਹਿਰ ਜ਼ਰੂਰੀ ਏ |
ਚੰਗੇ ਰਸਤੇ ਵਧਦੇ ਜਾਓ ਮਾੜੇ ਤੇ ਠਹਿਰ ਜ਼ਰੂਰੀ ਏ,
ਚਿੱਟੇ ਦਿਨ ਨਹੀਂ ਟਿਕ ਹੁੰਦਾ ਇਸ ਲਈ ਗਹਿਰ ਜ਼ਰੂਰੀ ਏ |
ਚੰਗੀ ਸਭ ਨੂੰ ਰਚਨਾ ਲੱਗੇ ਇਸ ਲਈ ਬਹਿਰ ਜ਼ਰੂਰੀ ਏ,
ਰੱਬ ਦੇ ਲੇਖੇ ਲਾਉਣਾ 'ਸੰਧੂਆ', ਰੋਜ਼ ਦਾ ਪਹਿਰ ਜ਼ਰੂਰੀ ਏ |
-ਥੇਹ ਤਿੱਖਾ, ਗੁਰਦਾਸਪੁਰ | ਮੋਬਾਈਲ : 94644-27651
