ਗੋਨਿਆਣਾ ਨਗਰ ਕੌਂਸਲ ਨੂੰ ਬੱਸ ਅੱਡੇ ਤੋਂ ਲੱਖਾਂ ਰੁਪਏ ਆਮਦਨ ਹੋਣ ਦੇ ਬਾਵਜੂਦ ਵੀ ਕੀਤਾ ਹੋਇਆ ਅਨੇਕਾਂ ਸਹੂਲਤਾਂ ਤੋਂ ਵਾਂਝਾ

ਗੋਨਿਆਣਾ, 31 ਅਗਸਤ (ਲਛਮਣ ਦਾਸ ਗਰਗ)-ਗੋਨਿਆਣਾ ਬੱਸ ਅੱਡੇ ਤੋਂ ਲੱਖਾਂ ਰੁਪਏ ਆਮਦਨ ਹੋਣ ਦੇ ਬਾਵਜੂਦ ਵੀ ਸਮੂਹ ਸਹੂਲਤਾਂ ਤੋਂ ਸੱਖਣਾ ਹੋਣ ਦੇ ਬਾਵਜੂਦ ਵੀ ਨਗਰ ਕੌਂਸਲ ਇਸ ਪਾਸੇ ਵੱਲ ਬਿਲਕੁੱਲ ਧਿਆਨ ਹੀ ਦੇ ਰਹੀ। ਸਥਾਨਕ ਬੱਸ ਅੱਡਾ ਦੁਕਾਨਦਾਰਾਂ, ਸਮੂਹ ਬੱਸਾਂ ਅੱਡਾ ਇੰਚਾਰਜਾਂ ਅਤੇ ਰੋਜ਼ਾਨਾ ਸਫ਼ਰ ਕਰਨ ਵਾਲੇ ਮੁਸ਼ਾਫਿਰਾਂ ਨੇ ਗੋਨਿਆਣਾ ਮੰਡੀ ਦੀ ਨਵੇਂ ਬਣੇ ਪ੍ਰਧਾਨ ਅਤੇ ਸਮੂਹ ਕੌਂਸਲਰਾਂ ਤੋਂ ਮੰਗ ਕੀਤੀ ਹੈ ਕਿ ਮੰਗਾਂ ਨੂੰ ਧਿਆਨ ਵਿਚ ਰੱਖਦੇ ਹੋਏ ਦੁਕਾਨਦਾਰਾਂ ਅਤੇ ਬੱਸਾਂ ਦੇ ਇੰਚਾਰਜਾਂ ਵਲੋਂ ਦਿੱਤੀ ਗਏ ਪੱਤਰ ਅਨੁਸਾਰ ਬੱਸ ਅੱਡੇ ਦੀਆਂ ਦੋਨੋਂ ਸਾਇਡਾਂ ਖਾਲੀ ਕਰਵਾਈਆਂ ਜਾਣ, ਬਾਥਰੂਮਾਂ ਦੀ ਰਿਪੇਅਰ ਅਤੇ ਸਾਫ਼ ਸਫ਼ਾਈ ਕਰਵਾਈ ਜਾਵੇ, ਹਰ ਸਮੇਂ ਬਦਬੂ ਆਉਂਦੀ ਰਹਿੰਦੀ ਹੈ, ਮੁਸਾਫ਼ਿਰਾਂ ਦੇ ਬੈਠਣ ਲਈ ਦੋਨੋਂ ਪਾਸੇ ਘੱਟੋ-ਘੱਟ 20/25 ਸੀਟਾਂ ਅਤੇ ਸ਼ੈਡ ਦਾ ਪ੍ਰਬੰਧ ਕੀਤਾ ਜਾਵੇ, ਬੱਸ ਅੱਡੇ ਅੰਦਰ ਖੜਦੇ ਮੋਟਰ ਸਾਇਕਲਾਂ ਲਈ ਬੱਸ ਅੱਡੇ ਦੇ ਬਾਹਰ ਕੋਈ ਮੋਟਰ ਸਾਇਕਲ ਸਟੈਂਡ ਬਣਵਾਇਆ ਜਾਵੇ, ਸੜਕਾਂ ਦੇ ਦੋਨੋ ਪਾਸੇ ਟੋਏ ਠੀਕ ਕਰਵਾਏ ਜਾਣ, ਬੱਸ ਅੱਡੇ ਅੰਦਰ ਰਾਤ ਸਮੇਂ ਰੌਸ਼ਨੀ ਦਾ ਪ੍ਰਬੰਧ ਕੀਤਾ ਜਾਵੇ, ਮੁਸਾਫ਼ਿਰਾਂ ਦੀ ਸਰਖਿਆਂ ਲਈ ਕੈਮਰੇ ਲਗਵਾਏ ਜਾਣ।