ਲੋਕ 2027 ’ਚ ਅਕਾਲੀ ਦਲ (ਬ) ਦੇ ਹੱਕ ’ਚ ਦੇਣਗੇ ਫਤਵਾ - ਈਸੜਾ

ਧੂਰੀ, 24 ਸਤੰਬਰ (ਸੁਖਵੰਤ ਸਿੰਘ ਭੁੱਲਰ) ਸ਼੍ਰੋਮਣੀ ਅਕਾਲੀ ਦਲ (ਬ) ਦੇ ਹਲਕਾ ਧੂਰੀ ਤੋਂ ਸੀਨੀਅਰ ਅਕਾਲੀ ਆਗੂ ਜਥੇਦਾਰ ਰਵੀਇੰਦਰ ਸਿੰਘ ਈਸੜਾ ਨੇ ਕਿਹਾ ਕਿ ਵਿਧਾਨ ਸਭਾ ਚੋਣਾਂ 2027 ਲਈ ਪੰਜਾਬ ਦੇ ਲੋਕਾਂ ਨੇ ਪੰਜਾਬ ਦੀ ਖੇਤਰੀ ਪਾਰਟੀ ਸ਼੍ਰੋਮਣੀ ਅਕਾਲੀ ਦਲ ਦੇ ਹੱਕ ਵਿੱਚ ਫਤਵਾ ਦੇਣ ਦਾ ਮਨ ਬਣਾ ਰਿਹਾ ਹੈ ਤਾਂ ਜੋ ਅੱਜ ਪੰਜਾਬ ਨੂੰ ਉਨਤਸ਼ੀਲ ਸੂਬਾ ਬਣਾਇਆ ਜਾ ਸਕੇ ਉਨ੍ਹਾਂ ਕਿਹਾ ਕਿ ਅਕਾਲੀ ਦਲ ਨੇ ਆਪਣੇ ਪਿਛਲੇ ਕਾਰਜਕਾਲ ਵਿੱਚ ਪੰਜਾਬ ਨੂੰ ਸਰਪਲੱਸ ਬਿਜਲੀ ਸੂਬਾ ਬਣਾ ਕੇ ਲੋਕਾਂ ਦੀ ਮੁੱਖ ਲੋੜ ਅਤੇ ਮੰਗ ਨੂੰ ਵੱਡੀ ਪੱਧਰ ’ਤੇ ਨਵੀਨੀਕਰਨ ਕਰ ਕੇ ਨਵਾਂ ਇਤਿਹਾਸ ਰਚਿਆ ਸੀ, ਜਿਸ ਨਾਲ਼ ਅੱਜ ਪੰਜਾਬ ਦੇ ਲੋਕ ਸਹੂਲਤਾਂ ਹਾਸਲ ਕਰ ਰਹੇ ਹਨ। ਜੋ ਕਿ ਇੱਕ ਚੰਗੇ ਆਗੂ ਸੁਖਬੀਰ ਸਿੰਘ ਬਾਦਲ ਦੀ ਦੂਰਅੰਦੇਸ਼ੀ ਕਾਰਨ ਨੇਪਰੇ ਚੜ੍ਹਿਆ ਸੀ ਉਨ੍ਹਾਂ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਵਲੋਂ ਉਸ ਮੌਕੇ ਬਤੌਰ ਉਪ ਮੁੱਖ ਮੰਤਰੀ ਜੋ ਕਾਰਜ ਕੀਤੇ ਗਏ ਸਨ ਉਸ ਨਾਲ਼ ਪੰਜਾਬ ਨੂੰ ਨਵੀਂ ਦਿਸ਼ਾ ਮਿਲ਼ੀ ਸੀ ਅਤੇ ਚੌਹੁ-ਮੁਖੀ ਵਿਕਾਸ ਕਾਰਜ ਹੋਏ ਸਨ, ਪੰਜਾਬ ’ਚ ਫੋਰ ਅਤੇ ਸਿਕਸ ਲਾਈਨ ਸੜਕਾਂ ਦਾ ਜਾਲ਼ ਵਿਛਿਆ ਸੀ।