ਪੰਜਾਬ ਦੇ 19 ਜ਼ਿਲ੍ਹਿਆਂ ਦੇ ਸਰਕਾਰੀ ਹਸਪਤਾਲਾਂ ’ਚ ਨਹੀਂ ਉਪਲਬਧ ਫੋਰੈਂਸਿਕ ਮੈਡੀਕਲ ਮਾਹਿਰ
ਪਟਿਆਲਾ, 22 ਸਤੰਬਰ (ਮਨਦੀਪ ਸਿੰਘ ਖਰੌੜ)-ਪੰਜਾਬ ਸਰਕਾਰ ਵਲੋਂ ਜਿੱਥੇ ਸੂਬੇ ਦੇ ਹਸਪਤਾਲਾਂ ਨੂੰ ਸਮੇਂ ਦੇ ਹਾਣੀ ਬਣਾਉਣ ਲਈ ਕੰਮਕਾਜ ਕੀਤੇ ਜਾ ਰਹੇ ਹਨ ਪਰ ਉੱਥੇ ਹੀ ਹਾਲੇ ਵੀ ਕੁੱਝ ਵਿਭਾਗ ਅਣਗੌਲੇ ਹੀ ਜਾਪਦੇ ਹਨ। ਤਾਜ਼ਾ ਆਈ ਰਿਪੋਰਟ ਅਨੁਸਾਰ ਪੰਜਾਬ ਦੇ 23 ਜ਼ਿਲ੍ਹਿਆਂ ’ਚੋਂ 19 ਦੇ ਸਰਕਾਰੀ ਹਸਪਤਾਲਾਂ ’ਚ ਫੋਰੈਂਸਿਕ ਮੈਡੀਕਲ ਮਾਹਿਰ ਉਪਲਬਧ ਨਹੀਂ ਹਨ, ਜਦਕਿ ਕੁੱਝ ਥਾਵਾਂ ’ਤੇ ਮੈਡੀਕਲ ਵਿਦਿਆਰਥੀਆਂ ਨੂੰ ਅਸਥਾਈ ਤੌਰ ’ਤੇ ਮੈਡੀਕੋ ਲੀਗਲ ਕੰਮ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ, ਜਿਸ ਕਾਰਨ ਹੋਰ ਕਲੀਨੀਕਲ ਵਿਭਾਗਾਂ ਦੇ ਡਾਕਟਰਾਂ ’ਤੇ ਵੀ ਪੋਸਟਮਾਰਟਮ ਤੇ ਮੈਡੀਕੋ ਲੀਗਲ ਕੰਮ ਦਾ ਵਾਧੂ ਬੋਝ ਪੈ ਰਿਹਾ ਹੈ।
ਪਟਿਆਲਾ, 22 ਸਤੰਬਰ (ਮਨਦੀਪ ਸਿੰਘ ਖਰੌੜ)-ਪੰਜਾਬ ਸਰਕਾਰ ਵਲੋਂ ਜਿੱਥੇ ਸੂਬੇ ਦੇ ਹਸਪਤਾਲਾਂ ਨੂੰ ਸਮੇਂ ਦੇ ਹਾਣੀ ਬਣਾਉਣ ਲਈ ਕੰਮਕਾਜ ਕੀਤੇ ਜਾ ਰਹੇ ਹਨ ਪਰ ਉੱਥੇ ਹੀ ਹਾਲੇ ਵੀ ਕੁੱਝ ਵਿਭਾਗ ਅਣਗੌਲੇ ਹੀ ਜਾਪਦੇ ਹਨ। ਤਾਜ਼ਾ ਆਈ ਰਿਪੋਰਟ ਅਨੁਸਾਰ ਪੰਜਾਬ ਦੇ 23 ਜ਼ਿਲ੍ਹਿਆਂ ’ਚੋਂ 19 ਦੇ ਸਰਕਾਰੀ ਹਸਪਤਾਲਾਂ ’ਚ ਫੋਰੈਂਸਿਕ ਮੈਡੀਕਲ ਮਾਹਿਰ ਉਪਲਬਧ ਨਹੀਂ ਹਨ, ਜਦਕਿ ਕੁੱਝ ਥਾਵਾਂ ’ਤੇ ਮੈਡੀਕਲ ਵਿਦਿਆਰਥੀਆਂ ਨੂੰ ਅਸਥਾਈ ਤੌਰ ’ਤੇ ਮੈਡੀਕੋ ਲੀਗਲ ਕੰਮ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ, ਜਿਸ ਕਾਰਨ ਹੋਰ ਕਲੀਨੀਕਲ ਵਿਭਾਗਾਂ ਦੇ ਡਾਕਟਰਾਂ ’ਤੇ ਵੀ ਪੋਸਟਮਾਰਟਮ ਤੇ ਮੈਡੀਕੋ ਲੀਗਲ ਕੰਮ ਦਾ ਵਾਧੂ ਬੋਝ ਪੈ ਰਿਹਾ ਹੈ। ਇਸ ਸੰਬੰਧੀ ਮੈਡੀਕੋ ਲੀਗਲ ਮਾਹਿਰ ਡਾ. ਡੀ.ਐਸ. ਭੁੱਲਰ ਨੇ ਕਿਹਾ ਕਿ ਮੈਡੀਕਲ ਮਾਹਿਰਾਂ ਦੀ ਭਰਤੀ ਪੰਜਾਬ ਸਰਕਾਰ ਨੂੰ ਪਹਿਲ ਦੇ ਆਧਾਰ ’ਤੇ ਕਰਨੀ ਚਾਹੀਦੀ ਹੈ। ਇਸ ਸੰਬੰਧੀ ਸਿਹਤ ਮੰਤਰੀ ਡਾ. ਬਲਬੀਰ ਸਿੰਘ ਨੇ ਕਿਹਾ ਕਿ ਪੰਜਾਬ ਸਰਕਾਰ ਇਸ ਪਾਸੇ ਕੰਮ ਕਰ ਰਹੀ ਹੈ।
