ਕੁਆਲਾਲੰਪੁਰ, 1 ਮਾਰਚ (ਇੰਟ.)-ਏਸ਼ੀਅਨ ਫੁੱਟਬਾਲ ਕਨਫੈਡਰੇਸ਼ਨ (ਏ.ਐਫ.ਸੀ.) ਨੇ ਇਰਾਨ 'ਤੇ ਅਮਰੀਕਾ ਤੇ ਇਜ਼ਰਾਈਲੀ ਹਮਲਿਆਂ ਤੋਂ ਬਾਅਦ ਇਸ ਹਫ਼ਤੇ ਪੱਛਮੀ ਏਸ਼ੀਆ 'ਚ ਹੋਣ ਵਾਲੇ ਮਹਾਂਦੀਪੀ ਕਲੱਬ ਚੈਂਪੀਅਨਸ਼ਿਪ ਪਲੇਆਫ ਮੈਚ ਮੁਲਤਵੀ ਕਰ ਦਿੱਤੇ ਹਨ | ਏਸ਼ੀਅਨ ਫੁੱਟਬਾਲ ਦੀ ਪ੍ਰਬੰਧਕ ਸੰਸਥਾ ਨੇ ਇਕ ਬਿਆਨ ਜਾਰੀ ਕਰਕੇ ਕਿਹਾ ਕਿ ਪੱਛਮੀ ਜ਼ੋਨ 'ਚ ਸੋਮਵਾਰ ਤੇ ਮੰਗਲਵਾਰ ਨੂੰ ਹੋਣ ਵਾਲੇ ਏ.ਐਫ.ਸੀ. ਚੈਂਪੀਅਨਜ਼ ਲੀਗ ਏਲੀਟ ਰਾਊਾਡ ਆਫ 16 ਮੈਚਾਂ ਨੂੰ ਮੁੜ ਤਹਿ ਕੀਤਾ ਜਾਵੇਗਾ | ਪੱਛਮੀ ਜ਼ੋਨ 'ਚ ਮੰਗਲਵਾਰ ਤੇ ਬੁੱਧਵਾਰ ਨੂੰ ਹੋਣ ਵਾਲੇ ਏ.ਐਫ.ਸੀ. ਚੈਂਪੀਅਨਜ਼ ਲੀਗ 2 ਤੇ ਏ.ਐਫ.ਸੀ. ਚੈਲੇਂਜ ਲੀਗ ਕੁਆਰਟਰ ਫਾਈਨਲ ਮੈਚਾਂ ਨੂੰ ਵੀ ਮੁਲਤਵੀ ਕਰ ਦਿੱਤਾ ਜਾਵੇਗਾ | ਕੋਈ ਨਵੀਂ ਤਾਰੀਖ਼ਾਂ ਨਿਰਧਾਰਤ ਨਹੀਂ ਕੀਤੀਆਂ ਗਈਆਂ ਹਨ | ਜ਼ਿਕਰਯੋਗ ਹੈ ਕਿ ਮਸ਼ਹੂਰ ਖਿਡਾਰੀ ਕ੍ਰਿਸਟੀਆਨੋ ਰੋਨਾਲਡੋ ਦਾ ਸਾਊਦੀ ਕਲੱਬ ਅਲ ਨਾਸਰ ਏਸ਼ੀਅਨ ਚੈਂਪੀਅਨਜ਼ ਲੀਗ 2 ਮੁਕਾਬਲੇ 'ਚ ਹਿੱਸਾ ਲੈ ਰਿਹਾ ਹੈ |
