ਨਗਰ ਨਿਗਮ ਨੇ ਮਨਸੂਰਵਾਲ ਦੋਨਾ ਨੇੜੇ ਸੜਕ ਕਿਨਾਰੇ ਕੀਤੇ ਨਾਜਾਇਜ਼ ਕਬਜ਼ੇ ਹਟਾਏ
ਕਪੂਰਥਲਾ, 18 ਅਗਸਤ (ਅਮਨਜੋਤ ਸਿੰਘ ਵਾਲੀਆ)- ਨਗਰ ਨਿਗਮ ਦੇ ਕਮਿਸ਼ਨਰ ਅਨੂਪਮ ਕਲੇਰ ਦੇ ਦਿਸ਼ਾ ਨਿਰਦੇਸ਼ ‘ਤੇ ਮਨਸੂਰਵਾਲ ਜਲੰਧਰ ਰੋਡ ‘ਤੇ ਲਗਪਗ 60 ਮਰਲੇ ਜ਼ਮੀਨ ਸਬੰਧੀ ਮਾਨਯੋਗ ਅਦਾਲਤ ਵਲੋਂ ਨਿਗਮ ਦੇ ਹੱਕ ਵਿਚ ਦਿੱਤੇ ਗਏ ਫੈਸਲੇ ਤੋਂ ਬਾਅਦ ਅੱਜ ਨਗਰ ਨਿਗਮ ਦੀ ਟੀਮ ਨੇ ਮਨਸੂਰਵਾਲ ਦੋਨਾ ਵਿਖੇ ਜਲੰਧਰ ਰੋਡ ‘ਤੇ ਘੁਮਿਆਰਾਂ ਵਲੋਂ ਕੀਤੇ ਗਏ ਨਾਜਾਇਜ਼ ਕਬਜੇ ਹਟਾਏ ਗਏ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਨਗਰ ਨਿਗਮ ਸੁਪਰਡੈਂਟ ਰਵੀ ਪੰਕਜ ਸ਼ਰਮਾ ਨੇ ਦੱਸਿਆ ਕਿ ਕਾਬਜਕਾਰਾਂ ਨੇ ਆਪਣਾ ਸਮਾਨ ਹਟਾਉਣ ਲਈ 2 ਦਿਨ ਦਾ ਸਮਾਂ ਮੰਗਿਆ, ਜਿਸ ‘ਤੇ ਕਾਂਗਰਸ ਦੇ ਕੌਂਸਲਰਾਂ ਦੀਪਕ ਸਲਵਾਨ, ਕੁਲਦੀਪ ਸਿੰਘ, ਕਿੱਕੀ ਵਾਲੀਆ, ਬਲਜੀਤ ਕਾਲਾ, ਨਰੈਣ ਵਸ਼ਿਸ਼ਟ, ਨਵਜੋਤ ਸਿੰਘ ਵਾਲੀਆ ਤੇ ਹੋਰ ਮੋਹਤਬਰਾਂ ਦੀ ਮੌਜੂਦਗੀ ਵਿਚ ਕਾਰਵਾਈ ਨੂੰ ਫ਼ਿਲਹਾਲ ਰੋਕ ਦਿੱਤਾ ਗਿਆ ਅਤੇ 2 ਦਿਨ ਤੱਕ ਸਾਰਾ ਸਮਾਨ ਹਟਾਉਣ ਲਈ ਕਿਹਾ ਗਿਆ ਹੈ | ਜੇਕਰ ਕਾਬਜਕਾਰ ਫਿਰ ਵੀ ਨਾ ਹਟੇ ਤਾਂ ਨਿਗਮ ਵਲੋਂ ਕਾਰਵਾਈ ਅਮਲ ਵਿਚ ਲਿਆਂਦੀ ਜਾਵੇਗੀ | ਇਸ ਮੌਕੇ ਇੰਸਪੈਕਟਰ ਹਰਭਜਨ ਸਿੰਘ, ਸੰਜੇ ਧੀਰ, ਕਰਨ ਮੌਂਟੀ, ਨਵਜੋਤ ਸਿੰਘ, ਪ੍ਰਭਜੋਤ ਕੌਰ, ਪਲਵਿੰਦਰ ਸਿੰਘ, ਦਿਨੇਸ਼, ਜਗਦੀਸ਼ ਤੋਂ ਇਲਾਵਾ ਫਾਇਰ ਬਿ੍ਗੇਡ ਦੀ ਟੀਮ, ਥਾਣਾ ਸਿਟੀ ਦੀ ਪੁਲਿਸ ਤੇ ਪੀ. ਸੀ.
