ਜਲੰਧਰ

ਡੇਰਾ ਸੱਚਖੰਡ ਬੱਲਾਂ ਦੀਆਂ ਸਮੁੱਚੀਆਂ ਸੰਗਤਾਂ ਝੂਠੀਆਂ ਅਫਵਾਹਾਂ ਤੇ ਭੜਕਾਊ ਬਿਆਨਾਂ ਤੋਂ ਦੂਰ ਰਹਿੰਦਿਆਂ ਡੇਰੇ ਦੀ ਮਾਣ-ਮਰਿਆਦਾ ਬਣਾਈ ਰੱਖਣ-ਸੰਤ ਨਿਰੰਜਨ ਦਾਸ

ਸ

ਸੰਤ ਨਿਰੰਜਨ ਦਾਸ ਜੀ 12-11-2026

ਕਿਸ਼ਨਗੜ, 11 ਨਵੰਬਰ (ਹੁਸਨ ਲਾਲ)- ਡੇਰਾ ਸੱਚਖੰਡ ਬੱਲਾਂ ਵਲੋਂ ਸੰਤ ਨਿਰੰਜਨ ਦਾਸ ਜੀ ਦੇ ਆਦੇਸ਼ਾਂ ਅਨੁਸਾਰ ਪ੍ਰੈੱਸ ਬਿਆਨ ਜਾਰੀ ਕਰਦਿਆਂ ਇਹ ਸਪੱਸ਼ਟ ਕੀਤਾ ਜਾਂਦਾ ਹੈ ਕਿ ਡੇਰੇ ’ਚ ਆਉਣ ਵਾਲੀ ਸੰਗਤ ਪਹਿਲਾਂ ਦੀ ਤਰ੍ਹਾਂ ਸੰਪੂਰਨ ਰੂਪ ’ਚ ਆਜ਼ਾਦ ਹੈ, ਕੋਈ ਵੀ ਸ਼ਰਧਾਲੂ ਜਾਂ ਸੰਗਤ ਬਿਨ੍ਹਾਂ ਕਿਸੇ ਦਬਾਅ ਡੇਰਾ ਬ੍ਰਾਹਮਲੀਨ ਸੰਤ ਸਰਵਣ ਦਾਸ ਜੀ ਸੱਚਖੰਡ ਬੱਲਾਂ ਵਿਖੇ ਆ ਕੇ ਨਤਮਸਤਕ ਹੋ ਕੇ ਸੰਤ ਨਿਰੰਜਨ ਦਾਸ ਜੀ ਦਾ ਆਸ਼ੀਰਵਾਦ ਪ੍ਰਾਪਤ ਕਰ ਸਕਦੇ ਹਨ। ਡੇਰਾ ਸੱਚਖੰਡ ਬੱਲਾਂ ਵਲੋਂ ਇਹ ਵੀ ਸਪੱਸ਼ਟ ਕੀਤਾ ਜਾਂਦਾ ਹੈ ਕਿ ਡੇਰਾ ਸੱਚਖੰਡ ਬੱਲਾਂ ਸਤਿਗੁਰੂ ਰਵਿਦਾਸ ਮਿਸ਼ਨ ਪ੍ਰਚਾਰ ਪਸਾਰ ਦਾ ਮਹਾਨ ਪਵਿੱਤਰ ਕੇਂਦਰ ਹੈ ਜੋ ਕਿ ਸਮੁੱਚੀ ਮਨੁੱਖਤਾ ਦੇ ਭਲੇ ਹਿੱਤ, ਭਾਈਚਾਰਕ ਸਾਂਝ ਨੂੰ ਸਦੀਵੀਂ ਕਾਇਮ ਰੱਖਣ ਨੂੰ ਸਮਰਪਿਤ ਹੈ। ਇਹ ਵੀ ਸਪੱਸ਼ਟ ਕੀਤਾ ਜਾਂਦਾ ਹੈ ਕਿ ਕਿਸੇ ਵੀ ਵਿਅਕਤੀਗਤ ਬਖਰੇਵਿਆਂ ਕਰਕੇ ਨਿੱਜੀ ਹਿੱਤਾਂ ਤਹਿਤ ਡੇਰੇ ਦੀ ਮਾਣ ਮਰਿਆਦਾ ਨੂੰ ਠੇਸ ਪਹਿਚਾਉਣਾ ਗੁਰੂ ਦੇ ਸੱਚੇ ਸੇਵਕਾਂ ਜਾਂ ਸ਼ਿਸ਼ਾਂ ਨੂੰ ਸ਼ੋਭਾ ਨਹੀਂ ਦਿੰਦਾ। ਬੀਤੇ ਦਿਨੀ ਕੁਝ ਵਿਅਕਤੀਆਂ ਵਲੋਂ ਡੇਰੇ ਪ੍ਰਤੀ ਲਗਾਏ ਗਏ ਦੋਸ਼ ਅਫਸੋਸਜਨਕ ਤੇ ਬਹੁਤ ਹੀ ਮੰਦਭਾਗੇ ਹਨ। ਆਪਣੇ ਨਿੱਜੀ ਹਿੱਤਾਂ ਕਰਕੇ ਡੇਰੇ ਨੂੰ ਬਦਨਾਮੀ ਦਾ ਬਿੰਦੂ ਨਹੀਂ ਬਣਾਉਣਾ ਚਾਹੀਦਾ। ਸੰਤ ਨਿਰੰਜਨ ਦਾਸ ਜੀ ਵਲੋਂ ਇਹ ਨਿੱਜੀ ਤੌਰ ’ਤੇ ਸਪਸ਼ਟ ਕੀਤਾ ਜਾਂਦਾ ਹੈ ਕਿ ਉਨ੍ਹਾਂ ’ਤੇ ਕਿਸੇ ਵੀ ਕਿਸਮ ਦਾ ਕੋਈ ਵੀ ਦਬਾਅ ਨਹੀਂ ਹੈ ਤੇ ਉਹ ਪੂਰੀ ਤਰ੍ਹਾਂ ਸਿਹਤਮੰਦ ਹਨ।

ਪਿਛਲੀ ਖ਼ਬਰ ਨਿਰਮਲ ਸਿੱਧੂ ਦੇ ਲਿਖੇ ਗੀਤਾਂ ਦੀ ਕਿਤਾਬ ‘ਗੀਤ ਵੀ ਬੋਲਦੇ ਨੇ’ ਲੋਕ ਅਰਪਣ ਅਗਲੀ ਖ਼ਬਰ ਐੱਨ.ਜੀ.ਓ. ‘ਦਿਵਯ ਦ੍ਰਿਸ਼ਟੀ’ ਨੇ ਜ਼ਰੂਰਤਮੰਦਾਂ ਨਾਲ ਮਨਾਇਆ ਦੀਵਾਲੀ ਦਾ ਤਿਉਹਾਰ

ਸੰਬੰਧਿਤ ਖ਼ਬਰਾਂ