ਐਲ.ਕੇ.ਸੀ.ਟੀ.ਸੀ. ਸਕੂਲ ਆਫ਼ ਮੈਨੇਜਮੈਂਟ ਨੇ ਫਰੈਸ਼ਰਜ਼ ਪਾਰਟੀ ਕਰਵਾਈ
ਜਲੰਧਰ, 30 ਅਕਤੂਬਰ (ਜਸਪਾਲ ਸਿੰਘ)-ਐਲ. ਕੇ.
ਜਲੰਧਰ, 30 ਅਕਤੂਬਰ (ਜਸਪਾਲ ਸਿੰਘ)-ਐਲ.ਕੇ.ਸੀ.ਟੀ.ਸੀ. ਸਕੂਲ ਆਫ਼ ਮੈਨੇਜਮੈਂਟ ਵਲੋਂ ਇਕ ‘ਫਰੈਸ਼ਰਜ਼ ਪਾਰਟੀ’ (ਨਵੇਂ ਵਿਦਿਆਰਥੀਆਂ ਲਈ ਸਵਾਗਤੀ ਸਮਾਗਮ) ਕਰਵਾਈ ਗਈ । ਇਸ ਮੌਕੇ ਐਲ.ਕੇ.ਸੀ.ਟੀ.ਸੀ. ਦੇ ਡਾਇਰੈਕਟਰ ਡਾ. ਆਰ.ਐਸ. ਦਿਓਲ, ਅਕਾਦਮਿਕ ਮਾਮਲਿਆਂ ਦੇ ਡਿਪਟੀ ਡਾਇਰੈਕਟਰ ਡਾ. ਐਸ.ਕੇ. ਸੂਦ, ਸਕੂਲ ਆਫ਼ ਮੈਨੇਜਮੈਂਟ ਦੇ ਮੁਖੀ ਡਾ. ਸੋਨੂੰ ਦੁਆ ਅਤੇ ਹੋਰ ਪਤਵੰਤੇ ਸੱਜਣ ਵਿਸ਼ੇਸ਼ ਤੌਰ ’ਤੇ ਸ਼ਾਮਿਲ ਹੋਏ। ਪ੍ਰੋਗਰਾਮ ਦੀ ਸ਼ੁਰੂਆਤ ਸੀਨੀਅਰ ਵਿਦਿਆਰਥੀਆਂ ਦੁਆਰਾ ਪੇਸ਼ ਕੀਤੇ ਗਏ ਇੱਕ ਸ਼ਾਨਦਾਰ ਸਵਾਗਤੀ ਨਾਚ ਨਾਲ ਹੋਈ। ਇਸ ਤੋਂ ਬਾਅਦ, ਨਵੇਂ ਵਿਦਿਆਰਥੀਆਂ ਨੇ ‘ਰੈਂਪ ਵਾਕ’ ਰਾਹੀਂ ਦਰਸ਼ਕਾਂ ਦਾ ਮਨ ਮੋਹ ਲਿਆ। ਇਸ ਤੋਂ ਇਲਾਵਾ, ਭੰਗੜਾ, ਗਿੱਧਾ ਅਤੇ ਸਮੂਹਿਕ ਨਾਚਾਂ ਦੀਆਂ ਪੇਸ਼ਕਾਰੀਆਂ ਨੇ ਸਮਾਗਮ ਦੇ ਉਤਸ਼ਾਹ ਨੂੰ ਹੋਰ ਵੀ ਵਧਾ ਦਿੱਤਾ। ਇਸ ਮੌਕੇ ਮਿਸਟਰ ਫਰੈਸ਼ਰ ਜਸਪ੍ਰੀਤ ਪਾਲ (ਬੀ.ਕਾਮ.), ਮਿਸ ਫਰੈਸ਼ਰ ਅੰਜਲੀ (ਬੀ.ਕਾਮ.), ਮਿਸਟਰ ਹੈਂਡਸਮ ਭਾਵੇਸ਼ (ਬੀ.ਕਾਮ.), ਮਿਸ ਚਾਰਮਿੰਗ ਦਿਲਜੀਤ (ਬੀ.ਕਾਮ.), ਮਿਸਟਰ ਟੈਲੈਂਟਿਡ ਪਵਨ ( ਬੀ.ਕਾਮ.), ਮਿਸ ਇੰਟਲੈਕਚੁਅਲ ਐਸ. ਅਥਸਿਆ (ਬੀ.ਕਾਮ.), ਮਿਸਟਰ ਡਾਇਨਾਮਿਕ ਅਰਸ਼ਵੀਰ (ਬੀ.ਬੀ.ਏ.), ਮਿਸ ਕ੍ਰਿਏਟਿਵ ਈਸ਼ਪ੍ਰੀਤ (ਬੀ.ਬੀ.ਏ.), ਮਿਸਟਰ ਪ੍ਰਾਊਡ ਲਾਇਨ ਲਵਪ੍ਰੀਤ (ਬੀ.ਬੀ.ਏ.), ਮਿਸ ਵੈੱਲ-ਡਰੈੱਸਡ ਰਿਧੀਮਾ (ਬੀ.ਬੀ.ਏ.) ਚੁਣੇ ਗਏ। ਇਸ ਮੌਕੇ ਡਾਇਰੈਕਟਰ, ਸ. ਸੁਖਬੀਰ ਸਿੰਘ ਚੱਠਾ ਅਤੇ ਡਾ. ਆਰ . ਐਸ. ਦਿਓਲ ਨੇ ਵਿਦਿਅਕ ਉੱਤਮਤਾ, ਅਨੁਸ਼ਾਸਨ ਅਤੇ ਵਿਅਕਤੀਤਵ ਦੇ ਸਰਵਪੱਖੀ ਵਿਕਾਸ ਦੀ ਮਹੱਤਤਾ ’ਤੇ ਜ਼ੋਰ ਦਿੱਤਾ। ਇਸ ਸਮਾਗਮ ਦਾ ਪ੍ਰਬੰਧ ਸਹਾਇਕ ਪ੍ਰੋਫੈਸਰ ਨਿਤਿਕਾ ਸਹਿਗਲ ਅਤੇ ਸਹਾਇਕ ਪ੍ਰੋਫੈਸਰ ਅੰਤਰਪ੍ਰੀਤ ਤਲਵਾਰ ਦੁਆਰਾ ਕੀਤਾ ਗਿਆ ਸੀ।
