ਨਾਨਕ ਪਿੰਡੀ ਵਿਖੇ ਧੂਮ ਧਾਮ ਨਾਲ ਮਨਾਇਆ ‘ ਤੀਆਂ ਦਾ ਤਿਉਹਾਰ ’
ਜਮਸ਼ੇਰ ਖਾਸ, 19 ਅਗਸਤ (ਹਰਵਿੰਦਰ ਕੁਮਾਰ) ਪਿੰਡ ਨਾਨਕ ਪਿੰਡੀ ਵਿਖੇ ‘ਤੀਆਂ ਦਾ ਤਿਉਹਾਰ’ ਧੂਮ ਧਾਮ ਨਾਲ ਮਨਾਇਆ ਗਿਆ। ਇਸ ਸਮਾਗਮ ਦਾ ਆਯੋਜਨ ਪਿੰਡ ਦੀਆਂ ਲੜਕੀਆਂ ਵਲੋਂ ਕੀਤਾ ਗਿਆ।
ਜਮਸ਼ੇਰ ਖਾਸ, 19 ਅਗਸਤ (ਹਰਵਿੰਦਰ ਕੁਮਾਰ) ਪਿੰਡ ਨਾਨਕ ਪਿੰਡੀ ਵਿਖੇ ‘ਤੀਆਂ ਦਾ ਤਿਉਹਾਰ’ ਧੂਮ ਧਾਮ ਨਾਲ ਮਨਾਇਆ ਗਿਆ। ਇਸ ਸਮਾਗਮ ਦਾ ਆਯੋਜਨ ਪਿੰਡ ਦੀਆਂ ਲੜਕੀਆਂ ਵਲੋਂ ਕੀਤਾ ਗਿਆ। ਇਸ ਮੌਕੇ ਸਟੇਜ ਸਕੱਤਰ ਦੀ ਭੂਮਿਕਾ ਆਸ਼ਾ ਰਾਣੀ ਨੇ ਬਾਖੂਬੀ ਨਿਭਾਈ। ਇਸ ਮੌਕੇ ਪਿੰਡ ਦੀਆਂ ਬੱਚੀਆਂ, ਲੜਕੀਆਂ, ਔਰਤਾਂ ਤੇ ਵਿਆਹੀਆਂ ਹੋਈਆਂ ਧੀਆਂ ਵੱਲੋਂ ਗੀਤ ਘੋੜੀਆਂ ਸੁਹਾਗ ਅਤੇ ਲੋਕ ਨਾਚ ਗਿੱਧੇ ਰਾਹੀਂ ਪੰਜਾਬੀ ਸੱਭਿਆਚਾਰ ਨੂੰ ਪੇਸ਼ ਕੀਤਾ ਗਿਆ। ਇਸ ਮੌਕੇ ਪੰਜਾਬੀ ਵਿਰਸੇ ਅਤੇ ਸੱਭਿਆਚਾਰ ਨਾਲ ਜੁੜੀਆਂ ਚੀਜ਼ਾਂ ਚਰਖੇ ਗਾਗਰਾਂ ਪਿੱਤਲ ਦੀਆਂ ਬਾਲਟੀਆਂ ਅਤੇ ਬਾਣ ਦੇ ਮੰਜਿਆਂ ਨੂੰ ਸਜਾਇਆ ਗਿਆ। ਤੀਆਂ ਦੇ ਤਿਉਹਾਰ ਮੌਕੇ ਮੁਟਿਆਰਾਂ ਨੇ ਰਵਾਇਤੀ ਪਹਿਰਾਵਿਆਂ ਵਿਚ ਪੰਜਾਬੀ ਲੋਕ ਗੀਤ ਅਤੇ ਬੋਲੀਆਂ ‘ਤੇ ਨੱਚਦਿਆਂ ਪੰਜਾਬੀ ਵਿਰਸੇ ਦੀ ਖੂਬਸੂਰਤ ਝਲਕ ਪੇਸ਼ ਕੀਤੀ। ਇਸ ਮੌਕੇ ਸੋਨੀਆ, ਮਨਪ੍ਰੀਤ ਕੌਰ, ਹਰਸ਼ਪ੍ਰੀਤ ,ਕਮਲ ਸਰਪੰਚ ਅਮਨਦੀਪ ਕੌਰ,ਪੰਚ ਬਿਮਲਾ ਸਾਨੀਆ, ਦਿਆਂ ਜੱਖੂ, ਰਜਨੀ ਅਤੇ ਹੋਰ ਹਾਜ਼ਰ ਸਨ।
