ਮਹਿੰਗੀਆਂ ਕਾਰਾਂ ਦੀ ਚੋਰੀ ਕਰਨ ਵਾਲੇ ਤਿੰਨ ਚੋਰ ਗ੍ਰਿਫ਼ਤਾਰ
ਨਵੀਂ ਦਿੱਲੀ, 17 ਅਗਸਤ (ਡਾ. ਬਲਵਿੰਦਰ ਸਿੰਘ ਸੋਢੀ)- ਦਿੱਲੀ ਪੁਲਿਸ ਦੀ ਅਪਰਾਧ ਸ਼ਾਖਾ ਵਲੋਂ ਗੱਡੀਆਂ ਦੀ ਚੋਰੀ ਕਰਨ ਵਾਲੇ ਤਿੰਨ ਚੋਰਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ, ਜਿਸ ਵਿਚ 5 ਮਹਿੰਗੀਆਂ ਕਾਰਾਂ, ਡੁਪਲੀਕੇਟ ਚਾਬੀਆਂ, 104 ਜਾਅਲੀ ਨੰਬਰ ਪਲੇਟਾਂ ਅਤੇ 24 ਨਕਲੀ ਰਜਿਸਟ੍ਰੇਸ਼ਨ ਸਰਟੀਫਿਕੇਟ ਸ਼ਾਮਿਲ ਹਨ।
ਨਵੀਂ ਦਿੱਲੀ, 17 ਅਗਸਤ (ਡਾ. ਬਲਵਿੰਦਰ ਸਿੰਘ ਸੋਢੀ)- ਦਿੱਲੀ ਪੁਲਿਸ ਦੀ ਅਪਰਾਧ ਸ਼ਾਖਾ ਵਲੋਂ ਗੱਡੀਆਂ ਦੀ ਚੋਰੀ ਕਰਨ ਵਾਲੇ ਤਿੰਨ ਚੋਰਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ, ਜਿਸ ਵਿਚ 5 ਮਹਿੰਗੀਆਂ ਕਾਰਾਂ, ਡੁਪਲੀਕੇਟ ਚਾਬੀਆਂ, 104 ਜਾਅਲੀ ਨੰਬਰ ਪਲੇਟਾਂ ਅਤੇ 24 ਨਕਲੀ ਰਜਿਸਟ੍ਰੇਸ਼ਨ ਸਰਟੀਫਿਕੇਟ ਸ਼ਾਮਿਲ ਹਨ। ਇਨ੍ਹਾਂ ਚੋਰਾਂ ਨੇ ਭਾਰਤ ਦੇ ਵੱਖ-ਵੱਖ ਰਾਜਾਂ ਵਿਚ ਵੱਖ-ਵੱਖ ਲੋਕਾਂ ਨੂੰ 100 ਤੋਂ ਵੱਧ ਚੋਰੀ ਕੀਤੀਆਂ ਹੋਈਆਂ ਕਾਰਾਂ ਵੇਚ ਦਿੱਤੀਆਂ ਸਨ। ਇਨ੍ਹਾਂ ਚੋਰਾਂ ਦਾ ਇਕ ਗਰੋਹ ਬਣਾਇਆ ਹੋਇਆ ਸੀ, ਜਿਸ ਦਾ ਮੁਖੀ ਅਮਿਤ ਨਾਗਰ ਸੀ। ਇਨ੍ਹਾਂ ਚੋਰਾਂ ਦੇ ਨਾਂਅ ਅਮਿਤ ਨਾਗਰ ਉਰਫ ਸੋਨੂੰ (35) ਨਿਵਾਸੀ ਸੈਕਟਰ 29 ਰੋਹਿਣੀ ਦਿੱਲੀ, ਜਗਤ ਸਿੰਘ (45) ਨਿਵਾਸੀ ਮਨੀਪੁਰ ਅਤੇ ਮੁਕੇਸ਼ ਸਿੰਘ (28) ਮਨੀਪੁਰ ਹਨ। ਇਨ੍ਹਾਂ ਵਿਚੋਂ ਜਗਤ ਸਿੰਘ ਅਤੇ ਮੁਕੇਸ਼ ਸਿੰਘ ਚੋਰੀ ਕੀਤੀਆਂ ਗੱਡੀਆਂ ਦੇ ਮੁੱਖ ਖਰੀਦਦਾਰ ਹਨ ਜੋ ਨਕਲੀ ਰਜਿਸਟ੍ਰੇਸ਼ਨ ਸਰਟੀਫਿਕੇਟ ਬਣਾਉਂਦੇ ਸਨ। ਗੱਡੀਆਂ ਦੀ ਚੋਰੀ ਦਾ ਮਾਮਲਾ ਏ.ਆਰ.ਐਸ.ਸੀ. ਟੀਮ ਨੂੰ ਸੌਂਪਿਆ ਗਿਆ ਸੀ। ਜਿਸ ਨੇ ਸੀ.ਸੀ.ਟੀ.ਵੀ., ਮੈਨੁਅਲ ਇੰਟੈਲੀਜੈਂਸ, ਹੋਰ ਸੁਰਾਗ ਇਕੱਠੇ ਕਰਨਾ ਅਤੇ ਮੁਖਬਰਾਂ ਦੀ ਸਹਾਇਤਾ ਦੇ ਦਿੱਲੀ ਤੋਂ ਪਹਿਲਾਂ ਮੁਕੇਸ਼ ਸਿੰਘ ਨੂੰ ਫੜਿਆ ਅਤੇ ਬਾਅਦ ਵਿਚ ਦੂਸਰੇ ਚੋਰਾਂ ਤੱਕ ਪੁਲਿਸ ਪੁੱਜ ਗਈ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਇਨ੍ਹਾਂ ਤੋਂ ਪੁੱਛ ਪੜਤਾਲ ਵੀ ਕਰ ਰਹੀ ਹੈ ਅਤੇ ਹੋਰ ਸ਼ਾਮਿਲ ਲੋਕਾਂ ਬਾਰੇ ਵੀ ਇਨ੍ਹਾਂ ਤੋਂ ਜਾਣਕਾਰੀ ਲੈ ਰਹੀ ਹੈ।
