ਐਡੀਲੇਡ ਕ੍ਰਿਸਮਸ ਪੇਜੈਂਟ ਮੌਕੇ 94 ਵੇਂ ਸਾਲਾਨਾ ਸਮਾਗਮ ’ ਚ ਪੰਜ ਨਵੀਆਂ ਝਾਕੀਆਂ ਖਿੱਚ ਦਾ ਕੇਂਦਰ ਬਣੀਆਂ
ਐਡੀਲੇਡ, 15 ਨਵੰਬਰ (ਗੁਰਮੀਤ ਸਿੰਘ ਵਾਲੀਆ)-ਐਡੀਲੇਡ ’ਚ ਕ੍ਰਿਸਮਸ ਦੇ ਤਿਉਹਾਰੀ ਸੀਜ਼ਨ ਦੀ ਸ਼ੁਰੂਆਤ ਮੌਕੇ ਕਰਵਾਏ ਗਏ 94ਵੇਂ ਸਾਲਾਨਾ ਕ੍ਰਿਸਮਸ ਪੇਜੈਂਟ ’ਚ ਲੱਖਾਂ ਦੀ ਗਿਣਤੀ ’ਚ ਲੋਕਾਂ ਨੇ ਸ਼ਮੂਲੀਅਤ ਕੀਤੀ। ਰੰਗ-ਬਿਰੰਗੀਆਂ ਝਾਕੀਆਂ, ਸੰਗੀਤ ਤੇ ਕਲਾਕਾਰਾਂ ਦੀਆਂ ਮਨਮੋਹਕ ਪੇਸ਼ਕਾਰੀਆਂ ਨੇ ਸ਼ਹਿਰ ਨੂੰ ਤਿਉਹਾਰੀ ਰੰਗ ’ਚ ਰੰਗ ਦਿੱਤਾ।
ਐਡੀਲੇਡ, 15 ਨਵੰਬਰ (ਗੁਰਮੀਤ ਸਿੰਘ ਵਾਲੀਆ)-ਐਡੀਲੇਡ ’ਚ ਕ੍ਰਿਸਮਸ ਦੇ ਤਿਉਹਾਰੀ ਸੀਜ਼ਨ ਦੀ ਸ਼ੁਰੂਆਤ ਮੌਕੇ ਕਰਵਾਏ ਗਏ 94ਵੇਂ ਸਾਲਾਨਾ ਕ੍ਰਿਸਮਸ ਪੇਜੈਂਟ ’ਚ ਲੱਖਾਂ ਦੀ ਗਿਣਤੀ ’ਚ ਲੋਕਾਂ ਨੇ ਸ਼ਮੂਲੀਅਤ ਕੀਤੀ। ਰੰਗ-ਬਿਰੰਗੀਆਂ ਝਾਕੀਆਂ, ਸੰਗੀਤ ਤੇ ਕਲਾਕਾਰਾਂ ਦੀਆਂ ਮਨਮੋਹਕ ਪੇਸ਼ਕਾਰੀਆਂ ਨੇ ਸ਼ਹਿਰ ਨੂੰ ਤਿਉਹਾਰੀ ਰੰਗ ’ਚ ਰੰਗ ਦਿੱਤਾ। ਪਰੇਡ ਦੇਖਣ ਲਈ ਲੋਕ ਸਵੇਰੇ ਤੜਕੇ ਹੀ ਆਪਣੇ ਪਰਿਵਾਰਾਂ ਤੇ ਬੱਚਿਆਂ ਸਮੇਤ ਪਹੁੰਚ ਗਏ ਸਨ। ਸਾਊਥ ਟੈਰੇਸ ਤੇ ਕਿੰਗ ਵਿਲੀਅਮ ਰੋਡ ਸਮੇਤ ਸ਼ਹਿਰ ਦੇ ਕੇਂਦਰੀ ਇਲਾਕੇ ਵਿਚ ਵੱਡੀ ਗਿਣਤੀ ਵਿਚ ਦਰਸ਼ਕ ਇਕੱਠੇ ਹੋਏ। ਇਸ ਸਾਲ ਦੇ ਪ੍ਰੋਗਰਾਮ ’ਚ ਪੰਜ ਨਵੀਆਂ ਝਾਕੀਆਂ ਸ਼ਾਮਲ ਕੀਤੀਆਂ ਗਈਆਂ, ਜਿਨ੍ਹਾਂ ਵਿਚ ‘ਦ ਮੈਜਿਕ ਹੈਟ’ ਤੇ ‘ਬੱਚਿਆਂ ਦੀ ਪ੍ਰਸਿੱਧ ਕਲਾਕਾਰ ਐਮਾ ਵਾਟਕਿਨਜ਼ ਨੇ ‘ਦ ਸਾਊਂਡਸ ਐਂਡ ਸਾਈਨਸ ਆਫ਼ ਕ੍ਰਿਸਮਸ’ ਝਾਕੀ ਰਾਹੀਂ ਦਰਸ਼ਕਾਂ ਦਾ ਮਨੋਰੰਜਨ ਕੀਤਾ। ਐਡੀਲੇਡ ਕ੍ਰਿਸਮਸ ਪੇਜੈਂਟ ਨੇ ਇਕ ਵਾਰ ਫਿਰ ਸ਼ਹਿਰ ਦੀ ਪੁਰਾਣੀ ਰਵਾਇਤ ਤੇ ਭਾਈਚਾਰਕ ਸਾਂਝ ਨੂੰ ਦਰਸਾਉਂਦਿਆਂ ਹਜ਼ਾਰਾਂ ਪਰਿਵਾਰਾਂ ਲਈ ਖ਼ੁਸ਼ੀਆਂ ਭਰਿਆ ਮਾਹੌਲ ਸਿਰਜਿਆ।
