ਬਾਹਲੀ ਬਾਹਲੀ ਕਰਿਓ
ਪੜ੍ਹਾਈ ਬੱਚਿਓ।
ਫਿਰ ਜੀਵਨ 'ਚ ਹੋਵੇ
ਰੁਸ਼ਨਾਈ ਬੱਚਿਓ।
ਬਾਹਲੀ ਬਾਹਲੀ ਕਰਿਓ....।
ਵਿੱਦਿਆ ਦੇ ਬਿਨਾਂ ਹਨ੍ਹੇਰਾ
ਹੀ ਹਨ੍ਹੇਰਾ ਹੈ।
ਗਿਆਨ ਦਾ ਚਾਨਣ ਰਾਹ
ਦਸੇਰਾ ਹੈ।
ਰੱਖਿਓ ਤੁਸੀਂ ਜੋਤ ਜਗਾਈ
ਬੱਚਿਓ।
ਬਾਹਲੀ ਬਾਹਲੀ ਕਰਿਓ....।
ਨਵੇਂ ਸਾਲ ਵਿਚ ਪੇਪਰ ਵੀ
ਆਉਣਗੇ।
ਸਾਰਾ ਹੀ ਸਿਲੇਬਸ ਟੀਚਰ
ਕਰਾਉਣਗੇ।
ਹਰ ਵਿਸ਼ੇ ਦੀ ਕਰਿਓ ਦੁਹਰਾਈ
ਬੱਚਿਓ।
ਬਾਹਲੀ ਬਾਹਲੀ ਕਰਿਓ....।
ਪੜ੍ਹਾਈ ਬਿਨਾਂ ਹੋਰ ਕੋਈ ਕੰਮ
ਦੂਜਾ ਨੀਂ।
ਮਿਹਨਤ ਬਰਾਬਰ ਕੋਈ ਹੋਰ
ਪੂਜਾ ਨੀਂ।
ਮਿਲੇ ਹਰ ਥਾਂ ਮਾਣ ਵਡਿਆਈ
ਬੱਚਿਓ।
ਬਾਹਲੀ ਬਾਹਲੀ ਕਰਿਓ....।
ਸਿਆਣੇ ਬੱਚੇ ਵੱਡਿਆਂ ਦਾ
ਕਹਿਣਾ ਮੰਨਦੇ।
ਚੰਗੀਆਂ ਗੱਲਾਂ ਨੂੰ 'ਪੱਤੋ' ਪੱਲੇ
ਬੰਨਦੇ।
ਕਦੇ ਵੀ ਨਾ ਖਾਣ ਉਕਾਈ
ਬੱਚਿਓ।
ਬਾਹਲੀ ਬਾਹਲੀ ਕਰਿਓ....।
ਫਿਰ ਬਣ ਜਾਣਾ ਥੋਡਾ ਜੀਵਨ
ਵਧੀਆ।
ਬੁਰੀਆਂ ਆਦਤਾਂ ਦਾ ਮੁੱਕ ਜਾਣਾ
ਕਜ਼ੀਆ।
'ਹਰਪ੍ਰੀਤ' ਗੱਲ ਅਜ਼ਮਾਈ
ਬੱਚਿਓ।
ਬਾਹਲੀ ਬਾਹਲੀ ਕਰਿਓ
ਪੜ੍ਹਾਈ ਬੱਚਿਓ।
-ਪਿੰਡ ਪੱਤੋ ਹੀਰਾ ਸਿੰਘ (ਮੋਗਾ)
