‘ ਸਨ ਸਿਟੀ ਕਾਲੋਨੀ’ ’ਚ ‘ਫਰੈਂਡਜ਼ ਕਲੱਬ’ ਦੀਆਂ ਔਰਤ ਮੈਂਬਰਾਂ ਨੇ ਦੁਸਹਿਰੇ ਦਾ ਤਿਉਹਾਰ ਮਨਾਇਆ
ਖੰਨਾ, 21 ਅਕਤੂਬਰ (ਹਰਜਿੰਦਰ ਸਿੰਘ ਲਾਲ)-ਅਮਲੋਹ ਰੋਡ ’ਤੇ ‘ਸਨ ਸਿਟੀ ਕਲੋਨੀ’ ਵਿੱਚ ‘ਫਰੈਂਡਜ਼ ਕਲੱਬ’ ਦੀਆਂ ਔਰਤ ਮੈਂਬਰਾਂ ਨੇ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਦੁਸਹਿਰੇ ਦਾ ਤਿਉਹਾਰ ਬਹੁਤ ਉਤਸ਼ਾਹ ਨਾਲ ਮਨਾਇਆ। ਫਰੈਂਡਜ਼ ਕਲੱਬ ਦੀਆਂ ਮੈਂਬਰਾਂ ਜਿਨ੍ਹਾਂ ਵਿੱਚ ਰਿੰਪਲ ਮੁੰਡੇ, ਕਵਿਤਾ ਗੁਪਤਾ, ਸੋਨਿਕਾ ਗੁਪਤਾ, ਜਸਲੀਨ ਕੌਰ, ਨਵਨੀਤ ਕੌਰ, ਕ੍ਰਿਤੀ ਅਗਰਵਾਲ, ਰਿਸ਼ਾ ਕੁਮਾਰ ਅਤੇ ਨੀਰੂ ਕੁਮਾਰ ਸ਼ਾਮਲ ਸਨ, ਨੇ ਵਿਆਪਕ ਪ੍ਰਬੰਧ ਕੀਤੇ।
ਖੰਨਾ, 21 ਅਕਤੂਬਰ (ਹਰਜਿੰਦਰ ਸਿੰਘ ਲਾਲ)-ਅਮਲੋਹ ਰੋਡ ’ਤੇ ‘ਸਨ ਸਿਟੀ ਕਲੋਨੀ’ ਵਿੱਚ ‘ਫਰੈਂਡਜ਼ ਕਲੱਬ’ ਦੀਆਂ ਔਰਤ ਮੈਂਬਰਾਂ ਨੇ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਦੁਸਹਿਰੇ ਦਾ ਤਿਉਹਾਰ ਬਹੁਤ ਉਤਸ਼ਾਹ ਨਾਲ ਮਨਾਇਆ। ਫਰੈਂਡਜ਼ ਕਲੱਬ ਦੀਆਂ ਮੈਂਬਰਾਂ ਜਿਨ੍ਹਾਂ ਵਿੱਚ ਰਿੰਪਲ ਮੁੰਡੇ, ਕਵਿਤਾ ਗੁਪਤਾ, ਸੋਨਿਕਾ ਗੁਪਤਾ, ਜਸਲੀਨ ਕੌਰ, ਨਵਨੀਤ ਕੌਰ, ਕ੍ਰਿਤੀ ਅਗਰਵਾਲ, ਰਿਸ਼ਾ ਕੁਮਾਰ ਅਤੇ ਨੀਰੂ ਕੁਮਾਰ ਸ਼ਾਮਲ ਸਨ, ਨੇ ਵਿਆਪਕ ਪ੍ਰਬੰਧ ਕੀਤੇ। ਸਮਾਗਮ ਵਾਲੀ ਥਾਂ ਨੂੰ ਬਹੁਤ ਹੀ ਸੁੰਦਰ ਢੰਗ ਨਾਲ ਸਜਾਇਆ ਗਿਆ ਸੀ ਅਤੇ ਵਸਨੀਕਾਂ ਲਈ ਕਈ ਤਰ੍ਹਾਂ ਦੀਆਂ ਦਿਲਚਸਪ ਗਤੀਵਿਧੀਆਂ ਉਲੀਕੀਆਂ ਗਈਆਂ ਸਨ। ਦੁਪਹਿਰ ਤੋਂ ਸ਼ੁਰੂ ਹੋ ਕੇ ਦੇਰ ਸ਼ਾਮ ਤੱਕ ਚੱਲੇ ਇਸ ਸਮਾਗਮ ਦੌਰਾਨ, ਕਲੋਨੀ ਵਾਸੀਆਂ ਖਾਸ ਕਰਕੇ ਔਰਤਾਂ ਅਤੇ ਬੱਚਿਆਂ ਨੇ ਭਰਪੂਰ ਆਨੰਦ ਮਾਣਿਆ। ਕਲੋਨੀ ਦੇ ਬੱਚਿਆਂ ਦੁਆਰਾ ਤਿਆਰ ਕੀਤਾ ਗਿਆ ਰਾਵਣ ਦਾ ਪੁਤਲਾ ਵੀ ਸਾੜਿਆ ਗਿਆ। ਫਰੈਂਡਜ਼ ਕਲੱਬ ਦੀਆਂ ਮੈਂਬਰਾਂ ਨੇ ਦੱਸਿਆ ਕਿ ਇਸ ਸਮਾਗਮ ਦਾ ਮੁੱਖ ਉਦੇਸ਼ ਬੱਚਿਆਂ ਨੂੰ ਉਨ੍ਹਾਂ ਦੇ ਰਵਾਇਤੀ ਸੱਭਿਆਚਾਰਕ ਤਿਉਹਾਰਾਂ ਨਾਲ ਜੋੜਨਾ ਅਤੇ ਆਪਸੀ ਭਾਈਚਾਰੇ ਤੇ ਸਾਂਝ ਦੀ ਭਾਵਨਾ ਨੂੰ ਵਧਾਉਣਾ ਹੈ। ਉਨ੍ਹਾਂ ਨੇ ਇਸ ਸਮਾਗਮ ਨੂੰ ਸਫਲ ਬਣਾਉਣ ਲਈ ਕਲੋਨੀ ਵਾਸੀਆਂ ਦਾ ਧੰਨਵਾਦ ਵੀ ਕੀਤਾ।
