ਗੱਡੀ ਖ਼ਰੀਦਣ ਬਹਾਨੇ ਠੱਗੀ ਮਾਰਨ ਦੇ ਮਾਮਲੇ ਵਿਚ 3 ਅਣਪਛਾਤਿਆਂ ਸਣੇ 4 ਵਿਅਕਤੀਆਂ ’ਤੇ ਮੁਕੱਦਮਾ ਦਰਜ
ਬਠਿੰਡਾ, 3 ਨਵੰਬਰ (ਵੀਰਪਾਲ ਸਿੰਘ)- ਗੱਡੀ ਖ਼ਰੀਦਣ ਦੇ ਬਹਾਨੇ ਠੱਗੀ ਮਾਰਨ ਦੇ ਮਾਮਲੇ ਵਿਚ 3 ਅਣਪਛਾਤੇ ਵਿਅਕਤੀਆਂ ਸਣੇ ਚਾਰ ਵਿਅਕਤੀਆਂ ‘ਤੇ ਮੁਕੱਦਮਾ ਦਰਜ ਕਰ ਲਿਆ ਗਿਆ ਹੈ। ਇਸ ਮਾਮਲੇ ਦੀ ਜਾਂਚ ਕਰ ਰਹੇ ਪੁਲਿਸ ਅਧਿਕਾਰੀ ਸੁਖਦੀਪ ਸਿੰਘ ਵਲੋਂ ਜਾਣਕਾਰੀ ਸਾਂਝੀ ਕਰਦੇ ਹੋਏ ਦੱਸਿਆ ਕਿ ਮੁਹੰਮਦ ਜੁਕੇਦ ਪੁੱਤਰ ਮੁਹੰਮਦ ਯਾਮੀਨ ਵਾਸੀ ਬਠਿੰਡਾ ਇੰਦਰ ਕਾਲੋਨੀ ਬਾੜੇਵਾਲ ਲੁਧਿਆਣਾ ਵਲੋਂ ਥਾਣਾ ਸਿਵਲ ਲਾਈਨ ਵਿਖੇ ਦਰਜ ਕਰਵਾਈ ਗਈ ਸ਼ਿਕਾਇਤ ਵਿਚ ਦੱਸਿਆ ਕਿ ਮੇਰੇ ਭਰਾ ਮੁਹੰਮਦ ਫੈਸਲ ਵਲੋਂ ਆਪਣੀ ਹੌਡਾਈ ਕੰਪਨੀ ਦੀ ਕਾਰ ਨੰਬਰ ਪੀ.
ਬਠਿੰਡਾ, 3 ਨਵੰਬਰ (ਵੀਰਪਾਲ ਸਿੰਘ)- ਗੱਡੀ ਖ਼ਰੀਦਣ ਦੇ ਬਹਾਨੇ ਠੱਗੀ ਮਾਰਨ ਦੇ ਮਾਮਲੇ ਵਿਚ 3 ਅਣਪਛਾਤੇ ਵਿਅਕਤੀਆਂ ਸਣੇ ਚਾਰ ਵਿਅਕਤੀਆਂ ‘ਤੇ ਮੁਕੱਦਮਾ ਦਰਜ ਕਰ ਲਿਆ ਗਿਆ ਹੈ। ਇਸ ਮਾਮਲੇ ਦੀ ਜਾਂਚ ਕਰ ਰਹੇ ਪੁਲਿਸ ਅਧਿਕਾਰੀ ਸੁਖਦੀਪ ਸਿੰਘ ਵਲੋਂ ਜਾਣਕਾਰੀ ਸਾਂਝੀ ਕਰਦੇ ਹੋਏ ਦੱਸਿਆ ਕਿ ਮੁਹੰਮਦ ਜੁਕੇਦ ਪੁੱਤਰ ਮੁਹੰਮਦ ਯਾਮੀਨ ਵਾਸੀ ਬਠਿੰਡਾ ਇੰਦਰ ਕਾਲੋਨੀ ਬਾੜੇਵਾਲ ਲੁਧਿਆਣਾ ਵਲੋਂ ਥਾਣਾ ਸਿਵਲ ਲਾਈਨ ਵਿਖੇ ਦਰਜ ਕਰਵਾਈ ਗਈ ਸ਼ਿਕਾਇਤ ਵਿਚ ਦੱਸਿਆ ਕਿ ਮੇਰੇ ਭਰਾ ਮੁਹੰਮਦ ਫੈਸਲ ਵਲੋਂ ਆਪਣੀ ਹੌਡਾਈ ਕੰਪਨੀ ਦੀ ਕਾਰ ਨੰਬਰ ਪੀ.ਬੀ.-23.ਕਿਊ-7065 ਵੇਚਣ ਲਈ ਓ.ਐਲ.ਐਕਸ. ‘ਤੇ ਪਾਇਆ ਸੀ। 23-09-2026 ਨੂੰ ਉਕਤ ਵਿਅਕਤੀ ਵਲੋਂ ਗੱਡੀ ਖ਼ਰੀਦਣ ਸਬੰਧੀ ਗੱਲਬਾਤ ਕਰਕੇ 1,20,000 ਰੁਪਏ ਵਿਚ ਗੱਡੀ ਦਾ ਸੌਦਾ ਕਰ ਲਿਆ। ਉਕਤ ਵਿਅਕਤੀ ਵਲੋਂ ਮੇਰੇ ਭਰਾ ਨੂੰ 30,000 ਨਗਦ ਅਤੇ 20,000 ਰੁਪਏ ਆਨਲਾਈਨ ਬੈਂਕ ਖਾਤੇ ਵਿਚ ਪਾ ਦਿੱਤੇ। ਝਾਂਸੇ ਵਿਚ ਲੈ ਕੇ ਉਕਤ ਵਿਅਕਤੀਆਂ ਵਲੋਂ ਮੇਰੇ ਭਰਾ ਤੋਂ ਕਾਗ਼ਜ਼ਾਂ ‘ਤੇ ਦਸਤਖ਼ਤ ਕਰਵਾ ਲਏ ਤੇ ਬਾਕੀ ਪੈਸੇ ਆਨਲਾਈਨ ਦਾ ਬਹਾਨਾ ਲਗਾ ਕੇ ਗੱਡੀ ਲੈ ਗਏ। ਸ਼ਿਕਾਇਤ ਕਰਤਾ ਅਨੁਸਾਰ ਇਨ੍ਹਾਂ ਵਿਅਕਤੀਆਂ ਵਿਚ ਸ਼ਮਸ਼ੇਰ ਸਿੰਘ ਵਾਸੀ ਭਾਗੋਵਾਲ ਕਿਲ੍ਹਾ ਗੁਰਦਾਸਪੁਰ ਅਤੇ ਤਿੰਨ ਅਣਪਛਾਤੇ ਵਿਅਕਤੀ ਸ਼ਾਮਿਲ ਸਨ। ਪੁਲਿਸ ਵਲੋਂ ਸ਼ਿਕਾਇਤ ਕਰਤਾ ਦੇ ਬਿਆਨਾਂ ਦੇ ਆਧਾਰ ‘ਤੇ ਇਨ੍ਹਾਂ ਵਿਅਕਤੀਆਂ ‘ਤੇ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।
