ਜ਼ੀਰਾ, 23 ਜੂਨ (ਰਜਨੀਸ਼ ਕਥੂਰੀਆ)-ਸਿਵਲ ਪਸ਼ੂ ਹਸਪਤਾਲ ਜ਼ੀਰਾ ਵਿਖੇ ਵਿਸ਼ੇਸ਼ ਗਹਿਰੀ ਸੁਧਾਈ (ਐਸ. ਆਈ.ਆਰ.) ਸਬੰਧੀ ਅਹਿਮ ਮੀਟਿੰਗ ਹੋਈ ਜਿਸ ਵਿਚ ਬੂਥ ਨੰਬਰ 128 ਦੇ ਬੀ.ਐਲ.ਓ.ਧਰਮਿੰਦਰ ਮੱਲਾ ਅਤੇ ਸੁਖਵਿੰਦਰ ਸਿੰਘ ਬੂਥ ਨੰਬਰ 129 ਤੋਂ ਇਲਾਵਾ ਬੀ.ਐਲ.ਏ.ਸਮਾਜ ਸੇਵੀ ਸੁਖਦੇਵ ਬਿੱਟੂ ਵਿੱਜ ਸਾਬਕਾ ਮੀਤ ਪ੍ਰਧਾਨ ਨਗਰ ਕੌਂਸਲ ਜ਼ੀਰਾ ਬੀ.ਐਲ.ਏ.ਬੂਥ ਨੰਬਰ 128, ਜਸਦੀਪ ਸਿੰਘ ਬੀ.ਐਲ.ਏ.ਬੂਥ ਨੰਬਰ 128, ਬੂਥ 129 ਦੇ.ਬੀ.ਐਲ.ਏ.ਕਰਨਜੀਤ ਸਿੰਘ ਸੰਧੂ, ਅਨਿਲ ਕੁਮਾਰ,ਬੀ.ਐਲ.ਏ.ਬੂਥ 128 ਵਿਸ਼ੇਸ਼ ਤੌਰ ’ਤੇ ਸ਼ਾਮਲ ਹੋਏ। ਮੀਟਿੰਗ ਦੌਰਾਨ ਐਸ.ਆਈ.ਆਰ.ਦੇ ਸ਼ਡਿਊਲ ਸਬੰਧੀ ਐਸ.ਆਈ.ਆਰ.ਬਾਰੇ ਲੋਕਾਂ ਨੂੰ ਵੋਟਾਂ ਦੀ ਗਹਿਰੀ ਸੁਧਾਈ ਬਾਰੇ ਜਾਗਰੂਕ ਕਰਨ ਅਤੇ ਐਸ. ਆਈ.ਆਰ.ਨਾਲ ਸਬੰਧਤ ਦਸਤਾਵੇਜ਼ਾਂ ਦੀ ਵੈਰੀਫਿਕੇਸ਼ਨ ਕਰਨ ਬਾਰੇ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸਮਾਜ਼ ਸੇਵੀ ਸੁਖਦੇਵ ਬਿੱਟੂ ਵਿੱਜ ਬੀ.ਐਲ.ਏ.ਨੇ ਦੱਸਿਆ ਕਿ ਸਰਕਾਰ ਦੀਆਂ ਹਦਾਇਤਾਂ ਅਨੁਸਾਰ ਐਸ. ਆਈ. ਆਰ. ਸਬੰਧੀ ਵੋਟਰਾਂ ਦੇ ਦਸਤਾਵੇਜ਼ਾਂ ਦੀ ਪੜਤਾਲ ਕਰਨ ਲਈ ਮੁਲਾਜ਼ਮਾਂ ਦੀਆਂ ਡਿਊਟੀਆਂ ਲਗਾਈਆਂ ਗਈਆਂ ਹਨ। ਜੋ ਘਰ-ਘਰ ਵਿਚ ਜਾ ਕੇ ਪੜਤਾਲ ਕਰਨਗੇ। ਉਹਨਾ ਕਿਹਾ ਕਿ ਸਮੁੱਚੇ ਸ਼ਹਿਰ ਨਿਵਾਸੀ ਉਹਨਾਂ ਨੂੰ ਆਪਣਾ ਸਹਹਿਯੋਗ ਦੇਣ। ਉਹਨਾਂ ਕਿਹਾ ਕਿ ਇਸ ਸਬੰਧੀ ਗੁਰਦੁਆਰਾ ਸਾਹਿਬ ਵਿਚੋਂ ਆਵਾਜ਼ ਦੇ ਕੇ ਸੂਚਿਤ ਵੀ ਕੀਤਾ ਜਾਵੇਗਾ ਤਾਂ ਜੋ ਕੋਈ ਵਿਅਕਤੀ ਆਪਣੀ ਜਾਣਕਾਰੀ ਦੇਣ ਤੋਂ ਅਧੂਰਾ ਨਾ ਰਹਿ ਜਾਵੇ।
