ਖ਼ਜ਼ਾਨਚੀ ਬਣੇ ਮੁਹੰਮਦ ਖ਼ਾਲਿਦ ਥਿੰਦ
ਮਲੇਰਕੋਟਲਾ, 24 ਅਕਤੂਬਰ (ਮੁਹੰਮਦ ਹਨੀਫ਼ ਥਿੰਦ)-ਪੰਜਾਬ ਫੁੱਟਬਾਲ ਐਸੋਸੀਏਸ਼ਨ ਦੀ ਹੋਈ ਚੋਣ ਵਿਚ ਫੁੱਟਬਾਲ ਖੇਤਰ ਨਾਲ ਲੰਬੇ ਸਮੇਂ ਤੋਂ ਜੁੜੇ ਮੁਹੰਮਦ ਖ਼ਾਲਿਦ ਥਿੰਦ (ਜੇ. ਸੀ.
ਮਲੇਰਕੋਟਲਾ, 24 ਅਕਤੂਬਰ (ਮੁਹੰਮਦ ਹਨੀਫ਼ ਥਿੰਦ)-ਪੰਜਾਬ ਫੁੱਟਬਾਲ ਐਸੋਸੀਏਸ਼ਨ ਦੀ ਹੋਈ ਚੋਣ ਵਿਚ ਫੁੱਟਬਾਲ ਖੇਤਰ ਨਾਲ ਲੰਬੇ ਸਮੇਂ ਤੋਂ ਜੁੜੇ ਮੁਹੰਮਦ ਖ਼ਾਲਿਦ ਥਿੰਦ (ਜੇ.ਸੀ.ਟੀ.) ਨੂੰ ਨਿਰਵਿਰੋਧ ਖ਼ਜ਼ਾਨਚੀ ਚੁਣਿਆ ਗਿਆ ਹੈ। ਉਨ੍ਹਾਂ ਦੀ ਇਸ ਪ੍ਰਾਪਤੀ ਨਾਲ ਮਲੇਰਕੋਟਲਾ ਦੇ ਖੇਡ ਪ੍ਰੇਮੀਆਂ ਅਤੇ ਫੁੱਟਬਾਲ ਨਾਲ ਜੁੜੀਆਂ ਸ਼ਖ਼ਸੀਅਤਾਂ ਵਿਚ ਖ਼ੁਸ਼ੀ ਦੀ ਲਹਿਰ ਪਾਈ ਜਾ ਰਹੀ ਹੈ। ਇਸ ਮੌਕੇ ਕੋਚ ਮਾਜਿਦ ਹਸਨ ਅਤੇ ਉਨ੍ਹਾਂ ਦੇ ਸਾਥੀਆਂ ਵਲੋਂ ਮੁਹੰਮਦ ਖ਼ਾਲਿਦ ਥਿੰਦ ਦੇ ਸਨਮਾਨ ਵਿਚ ਸਾਦਾ ਸਮਾਰੋਹ ਕਰਵਾਇਆ ਗਿਆ। ਮੁਹੰਮਦ ਖ਼ਾਲਿਦ ਥਿੰਦ ਦਾ ਫੁੱਟਬਾਲ ਨਾਲ ਲੰਬਾ ਅਤੇ ਸਰਗਰਮ ਸਬੰਧ ਰਿਹਾ ਹੈ। ਉਨ੍ਹਾਂ ਨੇ ਅਬਦੁਲ ਅੰਸਾਰ ਫੁੱਟਬਾਲ ਐਸੋਸੀਏਸ਼ਨ, ਅਮਰਗੜ੍ਹ ਵਲੋਂ ਖੇਡਦਿਆਂ ਆਪਣੀ ਖੇਡ ਪ੍ਰਤਿਭਾ ਦਾ ਪ੍ਰਦਰਸ਼ਨ ਕੀਤਾ। ਇਸ ਤੋਂ ਬਾਅਦ ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ ਦੀ ਫੁੱਟਬਾਲ ਟੀਮ ਦੇ ਕਪਤਾਨ ਵਜੋਂ ਖੇਡਦਿਆਂ ਨੈਸ਼ਨਲ ਇੰਟਰ-ਯੂਨੀਵਰਸਿਟੀ ਮੁਕਾਬਲਿਆਂ ਵਿਚ ਆਪਣੀ ਅਤੇ ਯੂਨੀਵਰਸਿਟੀ ਦੀ ਪਛਾਣ ਬਣਾਉਣ ਵਿਚ ਯੋਗਦਾਨ ਪਾਇਆ। ਸਨਮਾਨ ਸਮਾਰੋਹ ਦੌਰਾਨ ਗੁਲਰੇਜ਼ ਖ਼ਾਲਿਦ ਥਿੰਦ, ਪ੍ਰਿੰਸੀਪਲ ਇਸਰਾਰ ਨਿਜ਼ਾਮੀ, ਖ਼ਾਲਿਦ ਮਹਿਮੂਦ, ਮਾਜਿਦ ਹਸਨ ਕੋਚ, ਮੁਹੰਮਦ ਸ਼ਾਹਿਦ ਕੋਚ, ਸ਼ਹਿਬਾਜ਼ ਅਹਿਮਦ ਅਤੇ ਫ਼ਾਰੂਕ ਖ਼ਾਨ ਬੰਟੀ ਸਮੇਤ ਹੋਰ ਵੀ ਸ਼ਖ਼ਸੀਅਤਾਂ ਮੌਜੂਦ ਸਨ।
