22-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 23-11-2026

ਨਵੇਂ ਸੂਬਿਆਂ ਦੀ ਯੋਜਨਾ ਨੂੰ ਲੈ ਕੇ ਪਾਕਿ ਦੀ ਸੱਤਾਧਾਰੀ ਗੱਠਜੋੜ ਸਰਕਾਰ ’ਚ ਵਧੀ ਤਕਰਾਰ

ਅੰਮ੍ਰਿਤਸਰ, 22 ਨਵੰਬਰ (ਸੁਰਿੰਦਰ ਕੋਛੜ)-ਪਾਕਿਸਤਾਨ ’ਚ 14 ਸੂਬੇ ਬਣਾਉਣ ਦੀ ਪ੍ਰਸਤਾਵਿਤ ਯੋਜਨਾ ਨੂੰ ਲੈ ਕੇ ਸੱਤਾਧਾਰੀ ਪਾਕਿਸਤਾਨ ਮੁਸਲਿਮ ਲੀਗ-ਨਵਾਜ਼ (ਪੀ. ਐੱਮ.

Ad Position 21
No active advertisement
ਬਿਲਾਵਲ ਭੁੱਟੋ ਜ਼ਰਦਾਰੀ, ਖ਼ਵਾਜਾ ਮੁਹੰਮਦ ਆਸਿਫ਼ 23-11-2026
ਅੰਮ੍ਰਿਤਸਰ, 22 ਨਵੰਬਰ (ਸੁਰਿੰਦਰ ਕੋਛੜ)-ਪਾਕਿਸਤਾਨ ’ਚ 14 ਸੂਬੇ ਬਣਾਉਣ ਦੀ ਪ੍ਰਸਤਾਵਿਤ ਯੋਜਨਾ ਨੂੰ ਲੈ ਕੇ ਸੱਤਾਧਾਰੀ ਪਾਕਿਸਤਾਨ ਮੁਸਲਿਮ ਲੀਗ-ਨਵਾਜ਼ (ਪੀ. ਐੱਮ. ਐੱਲ.-ਐੱਨ.) ਅਤੇ ਉਸ ਦੀ ਸਹਿਯੋਗੀ ਪਾਕਿਸਤਾਨ ਪੀਪਲਜ਼ ਪਾਰਟੀ (ਪੀ. ਪੀ. ਪੀ.) ਵਿਚਾਲੇ ਤਣਾਅ ਵਧ ਗਿਆ ਹੈ। ਪ੍ਰਸਤਾਵ ਮੁਤਾਬਕ ਪੰਜਾਬ ਤੇ ਸਿੰਧ ’ਚ ਚਾਰ-ਚਾਰ, ਜਦਕਿ ਖ਼ੈਬਰ ਪਖਤੂਨਖਵਾ ਅਤੇ ਬਲੋਚਿਸਤਾਨ ’ਚ ਤਿੰਨ-ਤਿੰਨ ਸੂਬੇ ਬਣਾਉਣ ਦੀ ਚਰਚਾ ਹੈ । ਇਸ ਮੁੱਦੇ ’ਤੇ ਪੀ. ਪੀ. ਪੀ. ਮੁਖੀ ਬਿਲਾਵਲ ਭੁੱਟੋ ਜ਼ਰਦਾਰੀ ਦੇ ਬਿਆਨ ਤੋਂ ਬਾਅਦ ਰੱਖਿਆ ਮੰਤਰੀ ਖ਼ਵਾਜਾ ਮੁਹੰਮਦ ਆਸਿਫ਼ ਨੇ ਉਨ੍ਹਾਂ ਦੀਆਂ ਦੋ ਵੀਡੀਓ ਕਲਿੱਪਾਂ ਸਾਂਝੀਆਂ ਕੀਤੀਆਂ । ਇਨ੍ਹਾਂ ’ਚ ਬਿਲਾਵਲ ਇਕ ਪਾਸੇ ਇਮਰਾਨ ਖ਼ਾਨ ਅਤੇ ਪੀ. ਟੀ. ਆਈ. ਦੀ ਆਲੋਚਨਾ ਕਰਦੇ ਹਨ, ਜਦਕਿ ਦੂਜੀ ’ਚ ਇਮਰਾਨ ਨੂੰ ਸਿਆਸੀ ਕੈਦੀ ਦੱਸਦੇ ਹਨ । ਖ਼ਵਾਜਾ ਆਸਿਫ਼ ਨੇ ਬਿਲਾਵਲ ’ਤੇ ਰੰਗ ਬਦਲਣ ਅਤੇ ਬੇਈਮਾਨੀ ਦੇ ਦੋਸ਼ ਲਾਉਂਦਿਆਂ ਤਿੱਖੀ ਟਿੱਪਣੀ ਕੀਤੀ । ਇਸ ਦਾ ਸਖ਼ਤ ਵਿਰੋਧ ਕਰਦਿਆਂ ਪੀ. ਪੀ. ਪੀ. ਆਗੂਆਂ ਨੇ ਉਨ੍ਹਾਂ ਦੀਆਂ ਟਿੱਪਣੀਆਂ ਨੂੰ ਅਸਵੀਕਾਰਨਯੋਗ ਕਰਾਰ ਦਿੱਤਾ । ਸੈਨੇਟਰ ਸ਼ੈਰੀ ਰਹਿਮਾਨ ਤੇ ਸੰਸਦ ਮੈਂਬਰ ਸ਼ਰਮੀਲਾ ਫ਼ਾਰੂਕੀ ਨੇ ਰੱਖਿਆ ਮੰਤਰੀ ਦੀ ਭਾਸ਼ਾ ਨੂੰ ਅਪਮਾਨਜਨਕ ਤੇ ਗੈਰ-ਜ਼ਿੰਮੇਵਾਰਾਨਾ ਦੱਸਿਆ। ਹਾਲਾਂਕਿ, ਇਸ ਸਿਆਸੀ ਤਕਰਾਰ ਵਿਚਾਲੇ ਰਾਸ਼ਟਰਪਤੀ ਆਸਿਫ਼ ਅਲੀ ਜ਼ਰਦਾਰੀ ਤੇ ਪ੍ਰਧਾਨ ਮੰਤਰੀ ਸ਼ਾਹਬਾਜ਼ ਸ਼ਰੀਫ਼ ਨੇ ਮੁਲਾਕਾਤਾਂ ਕਰਕੇ ਸਾਰੇ ਮਸਲੇ ਗੱਲਬਾਤ ਰਾਹੀਂ ਹੱਲ ਕਰਨ ’ਤੇ ਸਹਿਮਤੀ ਜਤਾਈ ਹੈ ।
Ad Position 22
No active advertisement
ਪਿਛਲੀ ਖ਼ਬਰ ਹੈਰੋਇਨ ਵੇਚਣ ਜਾ ਰਿਹਾ ਵਿਅਕਤੀ 8 ਗ੍ਰਾਮ ਹੈਰੋਇਨ ਅਤੇ ਕਾਰ ਸਮੇਤ ਗ੍ਰਿਫ਼ਤਾਰ ਅਗਲੀ ਖ਼ਬਰ ਭਾਜਪਾ ਦੇ ਰਾਜ ਸਭਾ ਸੰਸਦ ਮੈਂਬਰ ਰਾਮਰਾਓ ਵਾਡਕੁਟੇ ਦਾ ਦਿਲ ਦਾ ਦੌਰਾ ਪੈਣ ਕਾਰਨ ਦਿਹਾਂਤ
Ad Position 24