ਪਾਕਿਸਤਾਨੀ ਫ਼ੌਜ ਦੇ ਸੀਨੀਅਰ ਕਮਾਂਡ ਢਾਂਚੇ ’ਚ ਵੱਡਾ ਫੇਰਬਦਲ ਕਈ ਮੇਜਰ ਜਨਰਲ ਬਣੇ ਲੈਫਟੀਨੈਂਟ ਜਨਰਲ, ਨਵੇਂ ਕੋਰ ਕਮਾਂਡਰ ਨਿਯੁਕਤ

ਤ

ਤਰੱਕੀ ਦੇ ਕੇ ਲੈਫਟੀਨੈਂਟ ਜਨਰਲ ਦੇ ਅਹੁਦੇ ’ਤੇ ਤਾਇਨਾਤ ਕੀਤੇ ਗਏ ਮੇਜਰ ਜਨਰਲ। ਤਸਵੀਰਾਂ ਰਾਹੀਂ : ਸੁਰਿੰਦਰ ਕੋਛੜ 08-10-2026

ਅੰਮ੍ਰਿਤਸਰ, 7 ਅਕਤੂਬਰ (ਸੁਰਿੰਦਰ ਕੋਛੜ)-ਪਾਕਿਸਤਾਨੀ ਫ਼ੌਜ ਨੇ ਆਪਣੇ ਉੱਚ ਕਮਾਂਡ ਢਾਂਚੇ ’ਚ ਵੱਡੇ ਪੱਧਰ ’ਤੇ ਤਬਦੀਲੀਆਂ ਕੀਤੀਆਂ ਹਨ। ਕਈ ਮੇਜਰ ਜਨਰਲਾਂ ਨੂੰ ਲੈਫਟੀਨੈਂਟ ਜਨਰਲ ਦੇ ਅਹੁਦੇ ’ਤੇ ਤਰੱਕੀ ਦਿੱਤੀ ਗਈ ਹੈ ਅਤੇ ਕੋਰ ਕਮਾਂਡਰ ਪੱਧਰ ਦੀਆਂ ਅਹਿਮ ਅਸਾਮੀਆਂ ’ਤੇ ਨਵੀਆਂ ਨਿਯੁਕਤੀਆਂ ਕੀਤੀਆਂ ਗਈਆਂ ਹਨ। ਇਹ ਜਾਣਕਾਰੀ ਰਾਵਲਪਿੰਡੀ ’ਚ ਹੋਈ 277ਵੀਂ ਕੋਰ ਕਮਾਂਡਰਜ਼ ਕਾਨਫਰੰਸ ਤੋਂ ਤੁਰੰਤ ਬਾਅਦ ਸਾਹਮਣੇ ਆਈ ਹੈ। ਪਤ ਵੇਰਵਿਆਂ ਅਨੁਸਾਰ ਕਸ਼ਮੀਰ ਰੈਜੀਮੈਂਟ ਦੇ ਮੁਹੰਮਦ ਨਈਮ ਅਖ਼ਤਰ ਨੂੰ ਪਿਸ਼ਾਵਰ ਸਥਿਤ 11ਵੀਂ ਕੋਰ ਦੀ ਕਮਾਨ ਸੌਂਪੀ ਗਈ ਹੈ। ਫ਼ੌਜ ਮੁਖੀ ਆਸਿਮ ਮੁਨੀਰ ਵਲੋਂ ਇਹ ਨਿਯੁਕਤੀਆਂ ਆਰਮਰਡ ਕੋਰ, ਇਨਫੈਂਟਰੀ, ਆਰਟਿਲਰੀ, ਇੰਜੀਨੀਅਰਜ਼ ਅਤੇ ਏਅਰ ਡਿਫੈਂਸ ਵਿਚਕਾਰ ਸੰਸਥਾਗਤ ਸੰਤੁਲਨ ਬਣਾਈ ਰੱਖਣ ਲਈ ਕੀਤੀਆਂ ਗਈਆਂ ਹਨ।