ਭੀਖ ਮੰਗਣ ਦੇ ਦੋਸ਼ਾਂ ’ਚ ਵੱਖ-ਵੱਖ ਦੇਸ਼ਾਂ ਨੇ 950 ਪਾਕਿਸਤਾਨੀਆਂ ਨੂੰ ਦਿੱਤਾ ਦੇਸ਼ ਨਿਕਾਲਾ
ਅੰਮ੍ਰਿਤਸਰ, 19 ਅਗਸਤ (ਸੁਰਿੰਦਰ ਕੋਛੜ)-ਭੀਖ ਮੰਗਣ ਦੇ ਦੋਸ਼ਾਂ ’ਚ ਵੱਖ-ਵੱਖ ਦੇਸ਼ਾਂ ਨੇ ਪਿਛਲੇ 4-5 ਮਹੀਨਿਆਂ ‘ਚ 950 ਪਾਕਿਸਤਾਨੀਆਂ ਨੂੰ ਦੇਸ਼ ਨਿਕਾਲਾ ਦਿੱਤਾ ਹੈ। ਲੰਘੇ ਦਿਨ ਵੀ ਭੀਖ ਮੰਗਣ ਲਈ ਵਿਦੇਸ਼ ਯਾਤਰਾ ‘ਤੇ ਜਾਣ ਵਾਲੇ 49 ਸ਼ੱਕੀ ਯਾਤਰੀਆਂ ਨੂੰ ਪਾਕਿਸਤਾਨੀ ਹਵਾਈ ਅਮਲੇ ਵਲੋਂ ਕਰਾਚੀ ਹਵਾਈ ਅੱਡੇ ’ਤੇ ਉਤਾਰਿਆ ਗਿਆ।
ਅੰਮ੍ਰਿਤਸਰ, 19 ਅਗਸਤ (ਸੁਰਿੰਦਰ ਕੋਛੜ)-ਭੀਖ ਮੰਗਣ ਦੇ ਦੋਸ਼ਾਂ ’ਚ ਵੱਖ-ਵੱਖ ਦੇਸ਼ਾਂ ਨੇ ਪਿਛਲੇ 4-5 ਮਹੀਨਿਆਂ ‘ਚ 950 ਪਾਕਿਸਤਾਨੀਆਂ ਨੂੰ ਦੇਸ਼ ਨਿਕਾਲਾ ਦਿੱਤਾ ਹੈ। ਲੰਘੇ ਦਿਨ ਵੀ ਭੀਖ ਮੰਗਣ ਲਈ ਵਿਦੇਸ਼ ਯਾਤਰਾ ‘ਤੇ ਜਾਣ ਵਾਲੇ 49 ਸ਼ੱਕੀ ਯਾਤਰੀਆਂ ਨੂੰ ਪਾਕਿਸਤਾਨੀ ਹਵਾਈ ਅਮਲੇ ਵਲੋਂ ਕਰਾਚੀ ਹਵਾਈ ਅੱਡੇ ’ਤੇ ਉਤਾਰਿਆ ਗਿਆ। ਅੰਕੜਿਆਂ ਅਨੁਸਾਰ ਸਾਊਦੀ ਅਰਬ ’ਚ ਸਭ ਤੋਂ ਵੱਧ ਦੇਸ਼ ਨਿਕਾਲੇ ਕੀਤੇ ਗਏ। ਉਥੋਂ 897 ਪਾਕਿਸਤਾਨੀਆਂ ਨੂੰ ਭੀਖ ਮੰਗਣ ਦੇ ਦੋਸ਼ਾਂ ’ਚ ਵਾਪਸ ਭੇਜਿਆ ਗਿਆ। ਅੰਕੜੇ ਦਰਸਾਉਂਦੇ ਹਨ ਕਿ 22 ਪਾਕਿਸਤਾਨੀਆਂ ਨੂੰ ਯੂ. ਏ. ਈ. ਤੋਂ, ਜਦੋਂਕਿ 11-11 ਨੂੰ ਇਰਾਕ ਅਤੇ ਓਮਾਨ ਤੋਂ ਕੱਢਿਆ ਗਿਆ। ਹੋਰ ਪੰਜ ਨੂੰ ਕਤਰ ਤੋਂ ਕੱਢਿਆ ਗਿਆ ਅਤੇ ਇਕ-ਇਕ ਨੂੰ ਬਹਿਰੀਨ ਅਤੇ ਮਲੇਸ਼ੀਆ ਤੋਂ ਵਾਪਸ ਪਾਕਿ ਭੇਜਿਆ ਗਿਆ। ਦੇਸ਼ ਨਿਕਾਲੇ ਦੇ ਮਾਮਲਿਆਂ ‘ਚ ਦੋ ਪਾਕਿ ਨਾਗਰਿਕਾਂ ਦੀ ਪਛਾਣ ਨਹੀਂ ਹੋ ਸਕੀ ਹੈ। ਜਾਣਕਾਰੀ ਅਨੁਸਾਰ ਬੀਤੇ 48 ਘੰਟਿਆਂ ’ਚ 21 ਪਾਕਿਸਤਾਨੀ ਯਾਤਰੀਆਂ ਨੂੰ ਬਹਿਰੀਨ, ਯੂ. ਏ. ਈ., ਕਤਰ, ਸਾਊਦੀ ਅਰਬ, ਤੁਰਕੀ, ਓਮਾਨ, ਮਲੇਸ਼ੀਆ, ਅਜ਼ਰਬਾਈਜਾਨ, ਉਜ਼ਬੇਕਿਸਤਾਨ ਅਤੇ ਇੰਡੋਨੇਸ਼ੀਆ ਸਮੇਤ ਕਈ ਦੇਸ਼ਾਂ ਦੇ ਇਮੀਗ੍ਰੇਸ਼ਨ ਅਧਿਕਾਰੀਆਂ ਵਲੋਂ ਹਵਾਈ ਅੱਡੇ ਤੋਂ ਹੀ ਵਾਪਸ ਭੇਜ ਦਿੱਤਾ ਗਿਆ। ਹਵਾਈ ਅਮਲੇ ਨੂੰ ਸ਼ੱਕ ਸੀ ਕਿ ਉਕਤ ਪਾਕਿਸਤਾਨੀ ਭੀਖ ਮੰਗਣ ਲਈ ਉਨ੍ਹਾਂ ਦੇਸ਼ਾਂ ‘ਚ ਦਾਖਲ ਹੋ ਰਹੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਵਾਪਸ ਭੇਜੇ ਗਏ ਉਕਤ ਪਾਕਿਸਤਾਨੀਆਂ ‘ਚ ਬਹਿਰੀਨ ਤੋਂ 7, ਯੂ. ਏ. ਈ., ਕਤਰ ਅਤੇ ਸਾਊਦੀ ਅਰਬ ਤੋਂ 5-5, ਓਮਾਨ ਤੋਂ 4, ਮਲੇਸ਼ੀਆ ਤੋਂ 3 ਅਤੇ ਅਜ਼ਰਬਾਈਜਾਨ, ਉਜ਼ਬੇਕਿਸਤਾਨ ਅਤੇ ਇੰਡੋਨੇਸ਼ੀਆ ਤੋਂ ਇਕ-ਇਕ ਯਾਤਰੀ ਸ਼ਾਮਿਲ ਹੈ।
