ਕੋਟਾ, 8 ਅਗਸਤ (ਅ.ਬ.)-ਗਲਾਸਗੋ 2026 ਰਾਸ਼ਟਰਮੰਡਲ ਖੇਡਾਂ ’ਚ ਮੁੱਕੇਬਾਜ਼ੀ ਵਿੱਚ ਸੋਨ ਤਗਮਾ ਜੇਤੂ ਅਰੁੰਧਤੀ ਚੌਧਰੀ ਦਾ ਐਲਨ ਕਰੀਅਰ ਇੰਸਟੀਚਿਊਟ ਵਿਖੇ ਸਨਮਾਨ ਕੀਤਾ ਗਿਆ। ਉਸਨੇ ਜਵਾਹਰ ਨਗਰ ’ਚ ਐਲਨ ਐਡਵਾਂਸਡ ਕੈਂਪਸ ਦੇ ਸਮਰਸ਼ ਆਡੀਟੋਰੀਅਮ ਵਿਚ ਇਕ ਪ੍ਰੇਰਣਾਦਾਇਕ ਸੈਸ਼ਨ ’ਚ ਵਿਦਿਆਰਥੀਆਂ ਨੂੰ ਸੰਬੋਧਨ ਕੀਤਾ। ਐਲਨ ਕਰੀਅਰ ਇੰਸਟੀਚਿਊਟ ਪ੍ਰਾਈਵੇਟ ਲਿਮਟਿਡ ਦੇ ਸੰਸਥਾਪਕ ਡਾ. ਨਵੀਨ ਮਹੇਸ਼ਵਰੀ, ਕਾਰਜਕਾਰੀ ਨਿਰਦੇਸ਼ਕ ਕੇਸ਼ਵ ਮਹੇਸ਼ਵਰੀ ਤੇ ਹੋਰ ਸਲਾਹਕਾਰ ਅਤੇ ਅਧਿਆਪਕ ਵੀ ਇਸ ਸਮਾਗਮ ਵਿੱਚ ਮੌਜੂਦ ਸਨ। ਅਰੁੰਧਤੀ ਨੂੰ ਪੱਗਅਤੇ ਸਕਾਰਫ਼ ਨਾਲ ਸਨਮਾਨਿਤ ਕੀਤਾ ਗਿਆ ਅਤੇ 2.50 ਲੱਖ ਰੁਪਏ ਦਾ ਚੈੱਕ ਭੇਟ ਕੀਤਾ ਗਿਆ। ਇਸ ਮੌਕੇ ਅਰੁੰਧਤੀ ਦੇ ਕੋਚ, ਅਸ਼ੋਕ ਗੌਤਮ ਨੂੰ ਵੀ ਸਨਮਾਨਿਤ ਕੀਤਾ ਗਿਆ। ਅਰੁੰਧਤੀ ਚੌਧਰੀ ਨੇ ਕਿਹਾ ਕਿ ਮੈਂ ਐਲਨ ਵਿਖੇ ਆ ਕੇ ਬਹੁਤ ਸਨਮਾਨਿਤ ਅਤੇ ਖੁਸ਼ ਮਹਿਸੂਸ ਕਰ ਰਹੀ ਹਾਂ। ਇਸ ਮੌਕੇ ’ਤੇ, ਐਲਨ ਕਰੀਅਰ ਇੰਸਟੀਚਿਊਟ ਪ੍ਰਾਈਵੇਟ ਲਿਮਟਿਡ ਦੇ ਸੰਸਥਾਪਕ ਡਾ. ਨਵੀਨ ਮਹੇਸ਼ਵਰੀ ਨੇ ਕਿਹਾ ਕਿ ਕੋਟਾ ਦੀ ਇਸ ਧੀ ਨੇ ਨਾ ਸਿਰਫ਼ ਸ਼ਹਿਰ ਦਾ ਸਗੋਂ ਪੂਰੇ ਦੇਸ਼ ਦਾ ਨਾਮ ਰੌਸ਼ਨ ਕੀਤਾ ਹੈ। ਅਸੀਂ ਆਪਣੀਆਂ ਸ਼ੁਭਕਾਮਨਾਵਾਂ ਦਿੰਦੇ ਹਾਂ ਕਿ ਉਹ ਓਲੰਪਿਕ ’ਚ ਸੋਨ ਤਗਮਾ ਜਿੱਤ ਕੇ ਵਿਸ਼ਵ ਪੱਧਰ ’ਤੇ ਚਮਕੇ।
