ਸੇਵਾ ਕੇਂਦਰ ਮਹਿਰਾਜ ’ਚ ਕਾਗ਼ਜ਼ ਖ਼ਤਮ, ਦੋ ਦਿਨਾਂ ਤੋਂ ਲੋਕ ਹੋ ਰਹੇ ਖੱਜਲ-ਖੁਆਰ
ਮਹਿਰਾਜ , 21 ਸਤੰਬਰ ( ਸੁਖਪਾਲ ਮਹਿਰਾਜ ): ਸਥਾਨਕ ਸੇਵਾ ਕੇਂਦਰ ਮਹਿਰਾਜ ਵਿਖੇ ਪਿਛਲੇ ਦੋ ਦਿਨਾਂ ਤੋਂ ਕਾਗ਼ਜ਼ ਖ਼ਤਮ ਹੋਣ ਕਾਰਨ ਵੱਖ - ਵੱਖ ਕੰਮਾਂ ਲਈ ਆਉਣ ਵਾਲੇ ਲੋਕਾਂ ਨੂੰ ਭਾਰੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ । ਕਾਗ਼ਜ਼ ਉਪਲਬਧ ਨਾ ਹੋਣ ਕਾਰਨ ਲੋਕਾਂ ਨੂੰ ਬਿਨਾਂ ਕੰਮ ਕਰਵਾਏ ਹੀ ਨਿਰਾਸ਼ ਹੋ ਕੇ ਵਾਪਸ ਮੁੜਨਾ ਪੈ ਰਿਹਾ ਹੈ ।
ਮਹਿਰਾਜ , 21 ਸਤੰਬਰ ( ਸੁਖਪਾਲ ਮਹਿਰਾਜ ): ਸਥਾਨਕ ਸੇਵਾ ਕੇਂਦਰ ਮਹਿਰਾਜ ਵਿਖੇ ਪਿਛਲੇ ਦੋ ਦਿਨਾਂ ਤੋਂ ਕਾਗ਼ਜ਼ ਖ਼ਤਮ ਹੋਣ ਕਾਰਨ ਵੱਖ - ਵੱਖ ਕੰਮਾਂ ਲਈ ਆਉਣ ਵਾਲੇ ਲੋਕਾਂ ਨੂੰ ਭਾਰੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ । ਕਾਗ਼ਜ਼ ਉਪਲਬਧ ਨਾ ਹੋਣ ਕਾਰਨ ਲੋਕਾਂ ਨੂੰ ਬਿਨਾਂ ਕੰਮ ਕਰਵਾਏ ਹੀ ਨਿਰਾਸ਼ ਹੋ ਕੇ ਵਾਪਸ ਮੁੜਨਾ ਪੈ ਰਿਹਾ ਹੈ । ਲੋਕਾਂ ਨੇ ਦੱਸਿਆ ਕਿ ਉਹ ਦੂਰ - ਦੁਰਾਡੇ ਤੋਂ ਸੇਵਾ ਕੇਂਦਰ ਵਿਖੇ ਸਰਕਾਰੀ ਸੇਵਾਵਾਂ ਲੈਣ ਲਈ ਪਹੁੰਚਦੇ ਹਨ , ਪਰ ਕਾਗ਼ਜ਼ ਨਾ ਹੋਣ ਕਾਰਨ ਉਨ੍ਹਾਂ ਦਾ ਸਮਾਂ ਅਤੇ ਪੈਸਾ ਦੋਵੇਂ ਖ਼ਰਚ ਹੋ ਰਹੇ ਹਨ । ਉਨ੍ਹਾਂ ਮੰਗ ਕੀਤੀ ਕਿ ਸੇਵਾ ਕੇਂਦਰ ਵਿਚ ਲੋੜੀਂਦਾ ਕਾਗ਼ਜ਼ੀ ਸਮਾਨ ਤੁਰੰਤ ਮੁਹੱਈਆ ਕਰਵਾਇਆ ਜਾਵੇ , ਤਾਂ ਜੋ ਲੋਕਾਂ ਨੂੰ ਵਾਰ - ਵਾਰ ਖੱਜਲ - ਖੁਆਰ ਨਾ ਹੋਣਾ ਪਵੇ । ਇਸ ਸੰਬੰਧੀ ਡੀ . ਐੱਮ . ਨਾਲ ਸੰਪਰਕ ਕਰਨ ’ ਤੇ ਉਨ੍ਹਾਂ ਦੱਸਿਆ ਕਿ ਪਿਛਲੇ ਦੋ ਦਿਨਾਂ ਤੋਂ ਕਾਗ਼ਜ਼ਾਂ ਦੀਆਂ ਰਿੰਮਾਂ ਪਿੱਛੋਂ ਨਹੀਂ ਆ ਰਹੀਆਂ , ਜਿਸ ਕਾਰਨ ਇਹ ਸਮੱਸਿਆ ਪੈਦਾ ਹੋਈ ਹੈ । ਉਨ੍ਹਾਂ ਕਿਹਾ ਕਿ ਰਿੰਮਾਂ ਆਉਣ ਦੀ ਉਡੀਕ ਕੀਤੀ ਜਾ ਰਹੀ ਹੈ ਅਤੇ ਅੱਜ ਜਾਂ ਭਲਕੇ ਕਾਗ਼ਜ਼ ਆਉਂਦੇ ਹੀ ਸੇਵਾ ਕੇਂਦਰਾਂ ਨੂੰ ਤੁਰੰਤ ਭੇਜ ਦਿੱਤੇ ਜਾਣਗੇ ।
