ਬੈਂਕ ਆਫ਼ ਮਹਾਰਾਸ਼ਟਰ ਦੀ ਨਵੀਂ ਸ਼ਾਖਾ ਦਾ ਉਦਘਾਟਨ : ਮਨਸਾ ਦੇਵੀ ਕੰਪਲੈਕਸ, ਸੈਕਟਰ-5 ਵਿਖੇ ਨਵੀਂ ਸ਼ਾਖਾ ਖੁੱਲ੍ਹੀ
ਚੰਡੀਗੜ੍ਹ, 26 ਅਗਸਤ (ਅ. ਬ.)
ਚੰਡੀਗੜ੍ਹ, 26 ਅਗਸਤ (ਅ. ਬ.)- ਮਨਸਾ ਦੇਵੀ ਕੰਪਲੈਕਸ, ਸੈਕਟਰ 5 ਵਿਖੇ ਬੈਂਕ ਆਫ਼ ਮਹਾਰਾਸ਼ਟਰ ਦੀ ਨਵੀਂ ਸ਼ਾਖਾ ਦਾ ਉਦਘਾਟਨ ਉਦਯੋਗਪਤੀ ਨਵੀਨ ਗੋਇਲ ਦੁਆਰਾ ਕੀਤਾ ਗਿਆ। ਇਸ ਉਦਘਾਟਨੀ ਸਮਾਰੋਹ ਵਿਚ ਬੈਂਕ ਆਫ਼ ਮਹਾਰਾਸ਼ਟਰ (ਚੰਡੀਗੜ੍ਹ ਜ਼ੋਨ) ਦੇ ਡਿਪਟੀ ਜ਼ੋਨਲ ਮੈਨੇਜਰ ਐਲ. ਰਾਜਕਿਸ਼ੋਰ ਪਾਤਰੋ ਤੇ ਵਕੀਲ ਹਿਮਾਂਸ਼ੂ ਅਰੋੜਾ ਸਮੇਤ ਬੈਂਕ ਦੇ ਅਧਿਕਾਰੀ ਤੇ ਕਰਮਚਾਰੀ ਸ਼ਾਮਲ ਹੋਏ। ਇਸ ਮੌਕੇ ਬੋਲਦਿਆਂ, ਮਹਿਮਾਨਾਂ ਨੇ ਨਵੀਂ ਸ਼ਾਖਾ ਦੇ ਖੁੱਲ੍ਹਣ ਦਾ ਸਵਾਗਤ ਕੀਤਾ ਤੇ ਭਰੋਸਾ ਪ੍ਰਗਟਾਇਆ ਕਿ ਇਹ ਆਸ-ਪਾਸ ਦੇ ਖੇਤਰ ਦੇ ਵਸਨੀਕਾਂ ਅਤੇ ਕਾਰੋਬਾਰਾਂ ਨੂੰ ਸੁਵਿਧਾਜਨਕ ਬੈਂਕਿੰਗ ਤੇ ਵਿੱਤੀ ਸੇਵਾਵਾਂ ਪ੍ਰਦਾਨ ਕਰੇਗੀ। ਬੈਂਕ ਅਧਿਕਾਰੀਆਂ ਨੇ ਗੁਣਵੱਤਾ ਭਰਪੂਰ ਗਾਹਕ ਸੇਵਾਵਾਂ ਪ੍ਰਦਾਨ ਕਰਨ ਤੇ ਖੇਤਰ ਦੇ ਵਿੱਤੀ ਤੇ ਆਰਥਿਕ ਵਿਕਾਸ ਵਿਚ ਯੋਗਦਾਨ ਪਾਉਣ ਪ੍ਰਤੀ ਬੈਂਕ ਦੀ ਵਚਨਬੱਧਤਾ ਨੂੰ ਦੁਹਰਾਇਆ। ਸਮਾਗਮ ਦੀ ਸਮਾਪਤੀ ਨਵੀਂ ਸ਼ਾਖਾ ਦੇ ਸਫਲ ਸੰਚਾਲਨ ਤੇ ਉੱਜਵਲ ਭਵਿੱਖ ਲਈ ਸ਼ੁਭਕਾਮਨਾਵਾਂ ਨਾਲ ਹੋਈ।
