ਪੀ.ਆਈ.ਐਮ.ਟੀ. ’ਚ ਫਰੈਸ਼ਰ ਪਾਰਟੀ ‘ਪਰਿਚਯ-2026’ ਦਾ ਸ਼ਾਨਦਾਰ ਆਯੋਜਨ ਹਰਸ਼ਪ੍ਰੀਤ ਸਿੰਘ ਅਤੇ ਮਧੂਬਾਲਾ ਨੇ ਜਿੱਤੇ ਮਿਸਟਰ ਤੇ ਮਿਸ ਫਰੈਸ਼ਰ ਦੇ ਖ਼ਿਤਾਬ ਪਤੀ ਤੋਂ ਤਲਾਕ ਲਏ ਬਿਨਾਂ ਪ੍ਰੇਮੀ ਨਾਲ ਰਹਿ ਰਹੀ ਔਰਤ ਦੀ ਲਾਸ਼ ਭਾਖੜਾ ਨਹਿਰ ’ਚੋਂ ਮਿਲੀ ਪੁਲਿਸ ਨੇ ਦਾਦੀ ਦੇ ਬਿਆਨਾਂ ’ਤੇ ਮ੍ਰਿਤਕਾ ਦੇ ਪ੍ਰੇਮੀ ਦੇ ਖ਼ਿਲਾਫ਼ ਕੀਤਾ ਕੇਸ ਦਰਜ

ਪਾਤੜਾਂ, 20 ਸਤੰਬਰ (ਜਗਦੀਸ਼ ਸਿੰਘ ਕੰਬੋਜ)-ਆਪਣੇ ਪਤੀ ਤੋਂ ਤਲਾਕ ਲਏ ਬਿਨ੍ਹਾਂ ਪਿੰਡ ਸ਼ੁਤਰਾਣਾ ’ਚ ਆਪਣੇ ਪ੍ਰੇਮੀ ਨਾਲ ਰਹਿ ਰਹੀ ਔਰਤ ਦੀ ਲਾਸ਼ ਟੋਹਾਣਾ ਦੇ ਨੇੜੇ ਪੁਲਿਸ ਨੂੰ ਭਾਖੜਾ ਨਹਿਰ ’ਚੋਂ ਮਿਲੀ ਅਤੇ ਇਸ ਦੀ ਸ਼ਨਾਖ਼ਤ ਨਾ ਹੋਣ ’ਤੇ ਹਰਿਆਣਾ ਪੁਲਿਸ ਵਲੋਂ ਇਸ ਦਾ ਸਸਕਾਰ ਖ਼ੁਦ ਕਰ ਦਿੱਤਾ ਗਿਆ ਪਰ ਇਸ ਮਾਮਲੇ ’ਚ ਉਸ ਵੇਲੇ ਨਵਾਂ ਮੋੜ ਆਇਆ ਜਦੋਂ ਇਸ ਦੀ ਭਾਲ ਕਰ ਰਹੀ ਮ੍ਰਿਤਕ ਔਰਤ ਦੀ ਦਾਦੀ ਨੇ ਫੋਟੋ ਤੋਂ ਸ਼ਨਾਖ਼ਤ ਕਰਨ ਮਗਰੋਂ ਪੁਲਿਸ ਨੂੰ ਦਰਖਾਸਤ ਦਿੱਤੀ ਅਤੇ ਪੁਲਿਸ ਨੇ ਪੜਤਾਲ ਮਗਰੋਂ ਮ੍ਰਿਤਕ ਔਰਤ ਦੇ ਪ੍ਰੇਮੀ ਦੇ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ। ਮਨਜੀਤ ਕੌਰ ਪਤਨੀ ਨੇਕ ਸਿੰਘ ਵਾਸੀ ਵਾਰਡ ਨੰਬਰ 1 ਬੰਨਵਾਲਾ ਰੋਡ ਕਾਲੋਨੀ ਪਿੰਡ ਨਿਆਲ ਨੇ ਪੁਲਿਸ ਨੂੰ ਦਿੱਤੇ ਗਏ ਬਿਆਨਾਂ ਵਿਚ ਦੱਸਿਆ ਹੈ ਕਿ ਮੇਰੀ 23 ਸਾਲਾ ਪੋਤੀ ਰਣਦੀਪ ਕੌਰ ਪੁੱਤਰੀ ਬਲਵਿੰਦਰ ਸਿੰਘ ਆਪਣੇ ਪਤੀ ਮਨੀਸ਼ ਕੁਮਾਰ ਨਾਲ ਤਲਾਕ ਹੋਏ ਬਿਨ੍ਹਾਂ 2023 ਪਿੰਡ ਸ਼ੁਤਰਾਣਾ ਦੇ ਰਹਿਣ ਵਾਲੇ ਇਕ ਵਿਅਕਤੀ ਨਾਲ ਰਹਿ ਰਹੀ ਸੀ ਅਤੇ ਇਸ ਕੋਲ ਦੋ ਲੜਕੀਆਂ ਹੋਈਆਂ ਸਨ ਤਾਂ ਕੁਝ ਸਮਾ ਪਹਿਲਾਂ ਅਜੇ ਕੁਮਾਰ ਵਲੋਂ ਰਣਦੀਪ ਕੌਰ ਦੀ ਕੁੱਟਮਾਰ ਕਰਨ ਕਰਕੇ ਮੈਂ ਉਸ ਨੂੰ ਆਪਣੇ ਘਰ ਲੈ ਆਈ ਸੀ ਤਾਂ 7 ਸਤੰਬਰ ਨੂੰ ਮੇਰੀ ਪੋਤੀ ਰਣਦੀਪ ਕੌਰ ਦੇ ਮਨ੍ਹਾ ਕਰਨ ਦੇ ਬਾਵਜੂਦ ਵੀ ਉਸ ਨੂੰ ਉਸ ਦਾ ਪ੍ਰੇਮੀ ਆਪਣੇ ਘਰ ਲੈ ਗਿਆ ਜਦੋਂ ਮੈਂ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਤਾ ਦੋਵਾਂ ਦੇ ਮੋਬਾਈਲ ਫ਼ੋਨ ਬੰਦ ਆ ਰਹੇ ਸਨ ਜਦੋਂ ਮੁਦੈਲਾ ਨੇ ਦੋਸ਼ੀ ਦੇ ਘਰ ਜਾ ਕੇ ਪਤਾ ਕੀਤਾ ਤਾ ਦੋਸ਼ੀ ਦੇ ਮਾਤਾ-ਪਿਤਾ ਨੇ ਮੈਨੂੰ ਕੋਈ ਤਸੱਲੀ ਬਖ਼ਸ਼ ਜਵਾਬ ਨਹੀਂ ਦਿੱਤਾ ਤਾ ਜਦੋਂ ਰਣਦੀਪ ਕੌਰ ਦੀ ਭਾਲ ਕਰਦੀ ਹੋਈ ਮੈਂ ਥਾਣਾ ਸਦਰ ਟੋਹਾਣਾ ਜ਼ਿਲ੍ਹਾ ਫ਼ਤਿਆਬਾਦ ਹਰਿਆਣਾ ਪੁੱਜੀ ਤਾਂ ਥਾਣਾ ਸਦਰ ਦੇ ਮੁਨਸ਼ੀ ਨੇ ਦੱਸਿਆ ਕਿ 8 ਸਤੰਬਰ ਭਾਖੜਾ ਨਹਿਰ ਵਿਚੋਂ ਪਿੰਡ ਲਲੋਡਾ ਨੇੜੇ ਇਕ ਲੜਕੀ ਦੀ ਲਾਸ਼ ਮਿਲੀ ਸੀ।