ਗੁਜਰਾਤ ਦੇ ਸਾਬਕਾ ਗ੍ਰਹਿ ਮੰਤਰੀ ਨੇ ਵੇਦਾਂਤ ਅਚਾਰੀਆ ਚੇਤਨਾ ਨੰਦ ਤੋਂ ਅਸ਼ੀਰਵਾਦ ਕੀਤਾ ਪ੍ਰਾਪਤ

ਰੱਤੇਵਾਲ, 31 ਅਕਤੂਬਰ (ਅਸ਼ੋਕ ਕੁਮਾਰ ਲੀਲ)-ਬੀਤੇ ਦਿਨ ਸੂਬਾ ਗੁਜਰਾਤ ਦੇ ਸਾਬਕਾ ਗ੍ਰਹਿ ਮੰਤਰੀ ਗੌਵਰਧਨ ਜੜਵੀਆ ਆਪਣੇ ਸਾਥੀਆਂ ਸਮੇਤ ਭੂਰੀਵਾਲੇ ਸੰਪਰਦਾਇ ਦੇ ਪਵਿੱਤਰ ਪੋਜੇਵਾਲ ਧਾਮ ’ਤੇ ਨਤਮਸਤਕ ਹੋਣ ਲਈ ਪਹੁੰਚੇ। ਨੰਬਰਦਾਰ ਜਸਪਾਲ ਭਾਟੀਆ ਕਾਠਗੜ੍ਹ ਨੇ ਦੱਸਿਆ ਕਿ ਇਸ ਮੌਕੇ ਟੀਟੂ ਭਾਈ ਪਟੇਲ ਪ੍ਰਧਾਨ ਅਖਿਲ ਭਾਰਤੀ ਗੁਜਰ ਮਹਾਂ ਸਭਾ ਹਰਿਆਣਾ ਨੇ ਦੱਸਿਆ ਕਿ ਗੌਵਰਧਨ ਜੜਵੀਆ ਨੇ ਗੁਜਰਾਤ ਵਿਚ ਪੜ੍ਹੇ ਲਿਖੇ ਨੌਜਵਾਨ ਬੱਚੇ ਬੱਚੀਆਂ ਲਈ ਸਮਾਜ ਸੇਵੀ ਅਗਾਂਹ ਵਧੂ ਸੋਚ ਵਾਲੇ ਵਿਅਕਤੀਆਂ ਦੇ ਸਹਿਯੋਗ ਨਾਲ 2018 ਵਿਚ ਜੋ ਪ੍ਰਾਈਵੇਟ ਇੰਸਟੀਚਿਊਟ ਖੋਲ੍ਹੀ ਹੈ ਉਸ ਵਿਚ ਅੱਜ ਤੱਕ 7000 ਬੱਚੇ, ਬੱਚੀਆਂ ਨੇ ਮੁਫ਼ਤ ਪੜ੍ਹਾਈ ਕਰਕੇ ਸਵੈ ਰੋਜ਼ਗਾਰ ਵਿਚ ਨਿਪੁੰਨਤਾ ਹਾਸਿਲ ਕੀਤੀ ਅਤੇ 1500 ਬੱਚਿਆਂ ਨੇ ਬਿਜਨੈੱਸ ਦੀ ਟ੍ਰੇਨਿੰਗ ਹਾਸਲ ਕਰਕੇ ਹੋਰ ਵੀ ਬੱਚਿਆਂ ਨੂੰ ਰੋਜ਼ਗਾਰ ’ਤੇ ਲਗਾਇਆ ਹੈ।