ਬਿਸਤ ਦੁਆਬ ਨਹਿਰ ਪਿੰਡ ਸੋਇਤਾ ਲਾਗੇ ਨਵਜੰਮੀ ਬੱਚੀ ਦੀ ਲਾਸ਼ ਮਿਲੀ
ਨਵਾਂਸ਼ਹਿਰ/ਉਸਮਾਨਪੁਰ, 18 ਅਗਸਤ (ਜਸਬੀਰ ਸਿੰਘ ਨੂਰਪੁਰ, ਸੰਦੀਪ ਮਝੂਰ) - ਬਿਸਤ ਦੁਆਬ ਨਹਿਰ ਪਿੰਡ ਸੋਇਤਾ ਲਾਗੇ ਇਕ ਨਵਜੰਮੀ ਬੱਚੀ ਦੀ ਤੈਰਦੀ ਹੋਈ ਲਾਸ਼ ਮਿਲਣ ਨਾਲ ਮਾਹੌਲ ਗਮਗੀਨ ਹੋ ਗਿਆ ਕਿ ਆਖਰ ਕੁਝ ਕੂ ਲੋਕਾਂ ਦੀ ਕੁੜੀਆਂ ਪ੍ਰਤੀ ਨਕਾਰਾਤਮਕ ਸੋਚ ਕਦੋਂ ਬਦਲੇਗੀ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਅੱਜ ਸ਼ਾਮ ਜਦੋਂ ਉਕਤ ਬੱਚੀ ਦੀ ਤੈਰਦੀ ਹੋਈ ਲਾਸ਼ ਕੁਝ ਰਾਹਗੀਰਾਂ ਨੇ ਦੇਖੀ ਤਾਂ ਪਿੰਡ ਰਾਮਗੜ੍ਹ ਦੇ ਇਕ ਨੌਜਵਾਨ ਮਨੋਜ ਕੁਮਾਰ ਨੇ ਹਿੰਮਤ ਕਰਦਿਆਂ ਨਹਿਰ ਵਿੱਚ ਛਾਲ ਮਾਰ ਕੇ ਉਕਤ ਬੱਚੀ ਦੀ ਲਾਸ਼ ਨੂੰ ਨਹਿਰ ਤੋਂ ਬਾਹਰ ਕੱਢਿਆ ਅਤੇ ਆਪਣੀ ਕਮੀਜ਼ ਵਿਚ ਲਪੇਟ ਕੇ ਭਾਵੁਕ ਹੋ ਗਿਆ ਕਿ ਆਖਰ ਇਨਸਾਨ ਏਨਾ ਬੇਰਹਿਮ ਕਿਵੇਂ ਹੋ ਸਕਦਾ ਹੈ।
ਨਵਾਂਸ਼ਹਿਰ/ਉਸਮਾਨਪੁਰ, 18 ਅਗਸਤ (ਜਸਬੀਰ ਸਿੰਘ ਨੂਰਪੁਰ, ਸੰਦੀਪ ਮਝੂਰ) - ਬਿਸਤ ਦੁਆਬ ਨਹਿਰ ਪਿੰਡ ਸੋਇਤਾ ਲਾਗੇ ਇਕ ਨਵਜੰਮੀ ਬੱਚੀ ਦੀ ਤੈਰਦੀ ਹੋਈ ਲਾਸ਼ ਮਿਲਣ ਨਾਲ ਮਾਹੌਲ ਗਮਗੀਨ ਹੋ ਗਿਆ ਕਿ ਆਖਰ ਕੁਝ ਕੂ ਲੋਕਾਂ ਦੀ ਕੁੜੀਆਂ ਪ੍ਰਤੀ ਨਕਾਰਾਤਮਕ ਸੋਚ ਕਦੋਂ ਬਦਲੇਗੀ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਅੱਜ ਸ਼ਾਮ ਜਦੋਂ ਉਕਤ ਬੱਚੀ ਦੀ ਤੈਰਦੀ ਹੋਈ ਲਾਸ਼ ਕੁਝ ਰਾਹਗੀਰਾਂ ਨੇ ਦੇਖੀ ਤਾਂ ਪਿੰਡ ਰਾਮਗੜ੍ਹ ਦੇ ਇਕ ਨੌਜਵਾਨ ਮਨੋਜ ਕੁਮਾਰ ਨੇ ਹਿੰਮਤ ਕਰਦਿਆਂ ਨਹਿਰ ਵਿੱਚ ਛਾਲ ਮਾਰ ਕੇ ਉਕਤ ਬੱਚੀ ਦੀ ਲਾਸ਼ ਨੂੰ ਨਹਿਰ ਤੋਂ ਬਾਹਰ ਕੱਢਿਆ ਅਤੇ ਆਪਣੀ ਕਮੀਜ਼ ਵਿਚ ਲਪੇਟ ਕੇ ਭਾਵੁਕ ਹੋ ਗਿਆ ਕਿ ਆਖਰ ਇਨਸਾਨ ਏਨਾ ਬੇਰਹਿਮ ਕਿਵੇਂ ਹੋ ਸਕਦਾ ਹੈ। ਬੱਚੀ ਦੀ ਲਾਸ਼ ਦੇ ਨਾਲ ਨਾੜੂਆ ਵੀ ਲਟਕਿਆ ਹੋਇਆ ਸੀ। ਜਿਸ ਤੋਂ ਸਹਿਜੇ ਹੀ ਅੰਦਾਜਾ ਲਗਾਇਆ ਜਾ ਸਕਦਾ ਹੈ ਕਿ ਬੱਚੀ ਅਜੇ ਨਵਜੰਮੀ ਸੀ। ਇਸ ਸਬੰਧੀ ਉਕਤ ਨੌਜਵਾਨ ਮਨੋਜ ਕੁਮਾਰ ਨੇ ਦੱਸਿਆ ਕਿ ਉਹ ਆਪਣੀ ਡਿਊਟੀ ਤੋਂ ਪਿੰਡ ਰਾਮਗੜ੍ਹ ਨੂੰ ਆ ਰਿਹਾ ਸੀ ਤਾਂ ਜਦੋਂ ਉਸਨੇ ਬੱਚੀ ਦੀ ਲਾਸ਼ ਤੈਰਦੀ ਦੇਖੀ ਤਾਂ ਉਥੇ ਮੌਜੂਦ ਕੁਝ ਲੋਕਾਂ ਵਲੋਂ ਕਹਿਣ ਤੇ ਓਸਨੇ ਨਹਿਰ ਵਿਚ ਛਾਲ ਮਾਰ ਕੇ ਲਾਸ਼ ਨੂੰ ਨਹਿਰ ਵਿਚੋਂ ਬਾਹਰ ਕੱਢਿਆ। ਇਸ ਘਟਨਾ ਨੂੰ ਲੈ ਕੇ ਉਥੇ ਮੌਜੂਦ ਲੋਕਾਂ ਵਿਚ ਖ਼ਾਸਾ ਰੋਸ ਪਾਇਆ ਜਾ ਰਿਹਾ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਅਜਿਹਾ ਗੈਰ ਮਨੁੱਖੀ ਕਾਰਾ ਕਰਨ ਵਾਲਿਆਂ ਨੂੰ ਸਖ਼ਤ ਸਜ਼ਾ ਮਿਲਣੀ ਚਾਹੀਦੀ ਹੈ। ਇਸ ਮੌਕੇ ਫੋਰੈਂਸਿਕ ਟੀਮ ਨੇ ਆ ਕੇ ਜਾਂਚ ਸ਼ੁਰੂ ਕੀਤੀ ਅਤੇ ਥਾਣਾ ਰਾਹੋਂ ਪੁਲਿਸ ਨੇ ਵੀ ਮਾਮਲਾ ਦਰਜ ਕਰਕੇ ਅਗੇਲਰੀ ਕਰਵਾਈ ਆਰੰਭ ਦਿੱਤੀ ਹੈ। ਪੁਲਿਸ ਮੁਤਾਬਿਕ ਬੱਚੀ ਨੂੰ ਕਿਸੇ ਵਲੋਂ ਨਹਿਰ ਵਿੱਚ ਸੁੱਟਣ ਤੋਂ ਪਹਿਲਾਂ ਮਾਰਿਆ ਗਿਆ ਜਾਂ ਬੱਚੀ ਦੀ ਮੌਤ ਡੁੱਬਣ ਨਾਲ ਹੋਈ ਇਹ ਜਾਂਚ ਦਾ ਵਿਸ਼ਾ ਹੈ। ਫਿਲਹਾਲ ਪੋਸਟਮਾਰਟਮ ਦੀ ਰਿਪੋਰਟ ਤੋਂ ਬਾਅਦ ਹੀ ਪਤਾ ਲੱਗ ਸਕੇਗਾ।
