ਮਨੀਪੁਰ ਦੇ ਪਿੰਡਾਂ ’ਚ ਹੋਏ ਅੱਤਵਾਦੀ ਹਮਲੇ-4 ਮੌਤਾਂ

ਇੰਫਾਲ, 13 ਸਤੰਬਰ (ਪੀ.ਟੀ.ਆਈ.)-ਮਨੀਪੁਰ ਦੇ ਤਾਮੇਂਗਲੋਂਗ ਤੇ ਨੋਨੇ ਜ਼ਿਲ੍ਹਿਆਂ ਦੇ ਪਿੰਡਾਂ ’ਤੇ ਹੋਏ ਸ਼ੱਕੀ ਅੱਤਵਾਦੀ ਹਮਲਿਆਂ ’ਚ 2 ਔਰਤਾਂ ਸਮੇਤ ਘੱਟੋ-ਘੱਟ 4 ਲੋਕ ਮਾਰੇ ਗਏ। ਤਾਮੇਂਗਲੋਂਗ ਘਟਨਾ ਸਵੇਰੇ 4 ਵਜੇ ਦੇ ਕਰੀਬ ਵਾਪਰੀ ਜਿਸ ’ਚ 2 ਵਿਅਕਤੀਆਂ ਦੀ ਮੌਤ ਹੋ ਗਈ, ਜਦੋਂ ਕਿ ਦੂਜੀ ਘਟਨਾ ਜੋ ਲਗਭਗ 12 ਘੰਟੇ ਬਾਅਦ ਵਾਪਰੀ ਤੇ 2 ਹੋਰ ਲੋਕ ਮਾਰੇ ਗਏ। ਮੁੱਖ ਮੰਤਰੀ ਵਾਈ ਖੇਮਚੰਦ ਸਿੰਘ ਨੇ ਹੱਤਿਆਵਾਂ ’ਤੇ ਡੂੰਘਾ ਦੁੱਖ ਪ੍ਰਗਟ ਕਰਦੇ ਹੋਏ ਕਿਹਾ ਕਿ ਮਾਸੂਮ ਨਾਗਰਿਕਾਂ ਵਿਰੁੱਧ ਹਿੰਸਾ ਇਕ ਕਾਇਰਤਾਪੂਰਨ ਕਾਰਵਾਈ ਹੈ ਤੇ ਅਸਵੀਕਾਰਨਯੋਗ ਹੈ।