ਉਦਯੋਗਪਤੀ ਮੁਕੇਸ਼ ਅੰਬਾਨੀ ਨੇ ਏ.ਆਈ. ਇੰਪੈਕਟ ਸਿਖਰ ਸੰਮੇਲਨ 'ਚ ਐਲਾਨ ਕਰਦਿਆਂ ਕਿਹਾ ਕਿ ਰਿਲਾਇੰਸ ਅਤੇ ਜੀਓ ਅਗਲੇ 7 ਸਾਲਾਂ 'ਚ 10 ਲੱਖ ਕਰੋੜ ਰੁਪਏ ਨਿਵੇਸ਼ ਕਰਕੇ ਭਾਰਤ ਦੇ ਏ.ਆਈ. ਬਦਲਾਅ ਨੂੰ ਅੱਗੇ ਵਧਾਉਣਗੇ | ਇਸ ਦੇ ਤਹਿਤ ਏ.ਆਈ. ਰੈਡੀ ਡੇਟਾ ਸੈਂਟਰ ਗ੍ਰੀਨ ਐਨਰਜੀ ਅਧਾਰਿਤ ਬੁਨਿਆਦੀ ਢਾਂਚਾ ਅਤੇ ਦੇਸ਼ ਭਰ 'ਚ ਏ.ਆਈ. ਸੇਵਾਵਾਂ ਨੂੰ ਸੁਖਾਲਾ ਬਣਾਉਣ 'ਤੇ ਜ਼ੋਰ ਦਿੱਤਾ ਜਾਏਗਾ | ਮੁਕੇਸ਼ ਅੰਬਾਨੀ ਨੇ ਕਿਹਾ ਕਿ ਏ.ਆਈ. ਦਾ ਬਿਹਤਰੀਨ ਰੂਪ ਅਜੇ ਆਉਣਾ ਬਾਕੀ ਹੈ ਅਤੇ ਇਹ ਵੱਡੇ ਵਿਕਾਸ ਦੇ ਯੁੱਗ ਦੀ ਸ਼ੁਰੂਆਤ ਕਰ ਸਕਦਾ ਹੈ |
