ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਨੇ ਅਪਣੇ ਸੰਬੋਧਨ 'ਚ ਭਾਰਤ ਦੇ ਡਿਜੀਟਲ ਵਿਕਾਸ ਦੀ ਜੰਮ ਕੇ ਸ਼ਲਾਘਾ ਕੀਤੀ | ਉਨ੍ਹਾਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਮੌਜੂਦਗੀ 'ਚ ਕਿਹਾ ਕਿ ਭਾਰਤ ਆਲਮੀ ਦੱਖਣ 'ਚ ਏ.ਆਈ. ਕ੍ਰਾਂਤੀ ਦੀ ਅਗਵਾਈ ਕਰ ਰਿਹਾ ਹੈ ਅਤੇ ਉਸ ਦੀਆਂ ਡਿਜੀਟਲ ਪ੍ਰਾਪਤੀਆਂ ਦੁਨੀਆ ਲਈ ਮਿਸਾਲ ਹਨ | ਉਨ੍ਹਾਂ ਇਹ ਵੀ ਕਿਹਾ ਕਿ 10 ਸਾਲ ਪਹਿਲਾਂ ਬੈਂਕ ਖਾਤਾ ਨਹੀਂ ਅੱਜ ਮੋਬਾਈਲ ਨਾਲ ਮੁਫ਼ਤ ਭੁਗਤਾਨ, ਇਹ ਇਕ ਸੱਭਿਅਤਾ ਦੀ ਕਹਾਣੀ ਹੈ | ਮੈਕਰੋਨ ਨੇ ਭਾਰਤ 'ਚ ਅਪਾਰ, ਯੂ.ਪੀ.ਆਈ. ਨੈਟਵਰਕ ਅਤੇ ਡਿਜੀਟਲ ਸਿਹਤ ਪਛਾਣ ਪੱਤਰ ਆਦਿ ਦੀ ਖੁੱਲ੍ਹ ਕੇ ਸ਼ਲਾਘਾ ਕਰਦਿਆਂ ਕਿਹਾ ਕਿ ਦੁਨੀਆ ਇਸ ਨੂੰ ਅੱਜ 'ਇੰਡੀਆ ਸਟੈਕ' ਦੇ ਨਾਂਅ ਨਾਲ ਪਛਾਣਦੀ ਹੈ ਅਤੇ ਇਹ ਪੂਰੀ ਤਰ੍ਹਾਂ, ਖੁੱਲ੍ਹਾ ਅਤੇ ਸਭ ਲਈ ਸੁਖਾਲਾ ਢਾਂਚਾ ਹੈ |
