ਮਹਿਲਾ ਕਮਿਸ਼ਨ ਤੇ ਐੱਸ. ਸੀ. ਕਮਿਸ਼ਨ ਅਤੇ ਪੁਲਿਸ ਕੋਲ ਲਗਾਏ ਦੋਸ਼ ਝੂਠੇ ਸਾਬਿਤ ਹੋਏ- ਪ੍ਰੋ. ਚੀਮਾ <br/>
ਅਜੀਤ ਡੈਸਕ
21-09-2025
ਮੈਨੂੰ ਬਲੈਕਮੇਲ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ- ਚੀਮਾ
ਪ੍ਰੋ. ਚੀਮਾ ਨੇ ਉਲਟਾ ਦੋਸ਼ ਲਾਇਆ ਕਿ ਸ਼ਿਕਾਇਤਕਰਤਾ ਵੱਲੋਂ ਉਨ੍ਹਾਂ ਨੂੰ ਬਲੈਕਮੇਲ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਹੈ ਜੋ ਅਜੇ ਵੀ ਕੀਤੀ ਜਾ ਰਹੀ ਹੈ | ਉਨ੍ਹਾਂ ਕਿਹਾ ਕਿ ਸੰਤੋਸ਼ ਕੁਮਾਰ ਉਰਫ਼ ਨੀਤੂ ਸਿੰਘ ਨੇ ਰਾਜਸੀ ਲਾਗਤਬਾਜ਼ੀ ਕਰ ਕੇ ਉਨ੍ਹਾਂ ਦੇ ਅਕਸ ਨੂੰ ਢਾਹ ਲਾਉਣ ਲਈ ਹੀ ਅਜਿਹਾ ਕੀਤਾ ਹੈ ਪਰ ਸਾਰੀ ਜਾਂਚ ਪ੍ਰਕਿਰਿਆ ਤੋਂ ਬਾਅਦ ਉਨ੍ਹਾਂ ਨੂੰ ਕਲੀਨ ਚਿੱਟ ਮਿਲ ਚੁੱਕੀ ਹੈ ਅਤੇ ਮਾਮਲਾ ਉਨ੍ਹਾਂ ਦੇ ਹੱਕ ਵਿਚ ਨਿਪਟਾਇਆ ਜਾ ਚੁੱਕਾ ਹੈ |
ਵੱਖ-ਵੱਖ ਭਾਜਪਾ ਆਗੂਆਂ ਨੇ ਕੀਤੀ ਨਿੰਦਾ
ਇਸ ਮੌਕੇ ਗੱਲਬਾਤ ਕਰਦੇ ਹੋਏ ਭਾਜਪਾ ਆਗੂਆਂ ਨੇ ਇਸ ਸਾਰੇ ਮਾਮਲੇ ਦੀ ਸਖ਼ਤ ਸ਼ਬਦਾਂ 'ਚ ਨਿੰਦਾ ਕਰਦੇ ਕਿਹਾ ਕਿ ਅਜਿਹੇ ਲੋਕ ਆਪਣੇ ਨਿੱਜੀ ਲਾਭ ਲਈ ਕਾਨੂੰਨ ਦਾ ਗਲਤ ਫ਼ਾਇਦਾ ਲੈਣ ਦੀ ਕੋਸ਼ਿਸ਼ ਕਰਦੇ ਹਨ | ਇਸ ਤਰ੍ਹਾਂ ਦੇ ਕਦਮ ਨਾ ਸਿਰਫ਼ ਬੇਗੁਨਾਹ ਲੋਕਾਂ ਦੇ ਅਕਸ ਖ਼ਰਾਬ ਕਰਦੇ ਹਨ, ਸਗੋਂ ਨਿਆਂ ਪ੍ਰਣਾਲੀ ਦੇ ਅਸਲ ਮਕਸਦ ਨੂੰ ਵੀ ਕਮਜ਼ੋਰ ਕਰਦੇ ਹਨ | ਇਸ ਮੌਕੇ ਸੀਨੀਅਰ ਭਾਜਪਾ ਆਗੂ ਸੁਧੀਰ ਸੋਨੂੰ, ਜ਼ਿਲ੍ਹਾ ਜਨਰਲ ਸਕੱਤਰ ਹਰਸਿਮਰਨਜੀਤ ਸਿੰਘ ਰਿਚੀ, ਮੰਡਲ ਪ੍ਰਧਾਨ ਅਮਿਤ ਭਾਟੀਆ, ਸ਼ਿਵਮ ਬੇਦੀ, ਬਿੰਨੀ ਮਲਹੋਤਰਾ, ਜਤਿੰਦਰ ਸ਼ਰਮਾ, ਰਾਜੇਸ਼ ਬੋਬੀ, ਪੂਜਾ ਸਾਹਨੇਵਾਲੀਆ, ਦੀਪਕ ਵਰਮਾ, ਪ੍ਰਦੀਪ ਕਪੂਰ, ਸਚਿਨ, ਅਮਨ, ਅਸ਼ੀਸ਼ ਸੂਦ ਆਦਿ ਪ੍ਰੋ. ਚੀਮਾ ਦੇ ਹੱਕ ਵਿਚ ਹਾਜ਼ਰ ਸਨ |
