ਡੇਰਾਬੱਸੀ, 20 ਸਤੰਬਰ (ਰਣਬੀਰ ਸਿੰਘ ਪੜ੍ਹੀ)-ਡੇਰਾਬੱਸੀ ਪੁਲਿਸ ਨੇ ਲੱਖਾਂ ਰੁ. ਦੀ ਠੱਗੀ ਸੰਬੰਧੀ 18 ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ | ਇਹ ਮਾਮਲਾ ਜ਼ਿਲ੍ਹਾ ਪੁਲਿਸ ਮੁਖੀ ਦੇ ਨਿਰਦੇਸ਼ਾਂ ਮਗਰੋਂ ਦਰਜ਼ ਕੀਤਾ ਗਿਆ ਹੈ | ਇਸ ਸੰਬੰਧ 'ਚ ਸ਼ਿਕਾਇਤਕਰਤਾ ਅਮਰਜੀਤ ਸਿੰਘ ਪੁੱਤਰ ਨੰਦ ਸਿੰਘ ਵਾਸੀ ਸੈਕਟਰ-77 ਮੁਹਾਲੀ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ 'ਚ ਦੱਸਿਆ ਹੈ ਕਿ ਉਸ ਨਾਲ ਹੈਵਲ ਵਿਲਾ ਬਣਾਉਣ ਦੇ ਨਾਂਅ 'ਤੇ 90,15,750 ਰੁ. ਦੀ ਠੱਗੀ ਹੋਈ ਹੈ | ਪੈਸੇ ਵਾਪਸ ਮੰਗਣ 'ਤੇ ਮੁਲਜ਼ਮ ਨਾ ਸਿਰਫ਼ ਰਕਮ ਵਾਪਸ ਕਰਨ ਤੋਂ ਇਨਕਾਰ ਕਰ ਰਹੇ ਹਨ, ਸਗੋਂ ਗੈਂਗਸਟਰਾਂ ਰਾਹੀਂ ਧਮਕੀਆਂ ਵੀ ਦਿਵਾ ਰਹੇ ਹਨ | ਮਾਮਲੇ ਦੀ ਜਾਂਚ ਉਪਰੰਤ ਐਸ. ਐਸ. ਪੀ. ਦੇ ਹੁਕਮਾਂ 'ਤੇ ਡੇਰਾਬੱਸੀ ਪੁਲਿਸ ਨੇ 18 ਵਿਅਕਤੀਆਂ ਖ਼ਿਲਾਫ਼ ਬੀ. ਐਨ. ਐਸ. ਦੀ ਧਾਰਾ 406 ਅਤੇ 420 ਤਹਿਤ ਕੇਸ ਦਰਜ ਕੀਤਾ ਹੈ | ਮੁਲਜ਼ਮਾਂ 'ਚ ਸੋਹਣ ਸਿੰਘ ਸਿੰਗਲਾ, ਅਸ਼ੋਕ ਸਿੰਗਲਾ, ਮੋਹਿਤ ਸ਼ਰਮਾ, ਉਸ ਦੀ ਪਤਨੀ ਪੂਜਾ ਕੌਸ਼ਲ, ਸਵਾਸਤਿਕ ਟ੍ਰੇਡਜ਼ (ਪਿੰਜੌਰ), ਰੋਹਿਤ ਸ਼ਰਮਾ, ਸੋਹਿਤ ਸ਼ਰਮਾ, ਜਸਮਿਤ ਸੰਧੂ, ਹਰੀਸ਼, ਧਰਮਪਾਲ, ਅਮਰਦੀਪ, ਸ਼ੁਭਮ, ਸ਼ਿਵਾ ਟ੍ਰੇਡਜ਼, ਰਾਜੇਸ਼ ਲੱਖਾ, ਧੰਨੀ ਰਾਮ, ਵਿਨੀਤ ਸੀਮਿੰਟ, ਸੰਦੀਪ ਗੋਇਲ ਅਤੇ ਸੰਦੀਪ ਪ੍ਰਾਪਰਟੀ (ਹਿਮਾਚਲ) ਆਦਿ ਸ਼ਾਮਿਲ ਹਨ | ਪੁਲਿਸ ਅਨੁਸਾਰ ਫ਼ਿਲਹਾਲ ਸਾਰੇ ਮੁਲਜ਼ਮ ਫ਼ਰਾਰ ਹਨ, ਜਿਨ੍ਹਾਂ ਦੀ ਗਿ੍ਫ਼ਤਾਰੀ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ |
