ਗੜ੍ਹਸ਼ੰਕਰ, 4 ਨਵੰਬਰ (ਧਾਲੀਵਾਲ)-ਇਲਾਕੇ ਦੇ ਪਿੰਡ ਬੀਰਮਪੁਰ ਵਿਖੇ ਸਾਲਾਨਾ ਇਤਿਹਾਸਕ ਰੌਸ਼ਨੀ ਮੇਲਾ 5 ਨਵੰਬਰ ਤੋਂ 8 ਨਵੰਬਰ ਤੱਕ ਪ੍ਰਬੰਧਕ ਕਮੇਟੀ ਵੱਲੋਂ ਇਲਾਕਾ ਨਿਵਾਸੀਆਂ ਅਤੇ ਐੱਨ.ਆਰ.ਆਈਜ਼ ਦੇ ਸਹਿਯੋਗ ਨਾਲ ਕਰਵਾਇਆ ਜਾ ਰਿਹਾ ਹੈ | ਪੀਰ ਮੀਆਂ ਬਾਬਾ ਕਾਦਰ ਬਖਸ਼ ਦੇ ਨਾਮ ਨਾਲ ਜਾਣੇ ਜਾਂਦੇ ਅਸਥਾਨ 'ਤੇ ਹਰ ਸਾਲ ਲੱਗਣ ਵਾਲੇ ਚਾਰ ਦਿਨਾਂ ਰੌਸ਼ਨੀ ਮੇਲੇ ਦੇ ਪਹਿਲੇ ਦਿਨ 5 ਨਵੰਬਰ ਸ਼ਾਮ ਨੂੰ ਦਰਬਾਰ ਤੇ ਚਿਰਾਗ਼ ਰੌਸ਼ਨ ਕੀਤੇ ਜਾਣਗੇ ਉਪਰੰਤ ਕਰਾਮਤ ਅਲੀ ਫ਼ਕੀਰ ਮਲੇਰ ਕੋਟਲੇ ਵਾਲਿਆਂ ਵੱਲੋਂ ਦਰਬਾਰ 'ਤੇ ਮਹਿਫ਼ਲ ਸਜਾ ਕੇ ਮੇਲੇ ਦੀ ਸ਼ੁਰੂਆਤ ਕੀਤੀ ਜਾਵੇਗੀ | ਮੇਲੇ ਦੌਰਾਨ 6 ਨੂੰ ਗਾਇਕਾ ਮੈਡੀ ਕਾਲਰਾ, 7 ਨੂੰ ਅਮਨ ਰੋਜ਼ੀ ਅਤੇ 8 ਨੂੰ ਪ੍ਰਵੇਜ਼ ਆਲਮ ਦਰਬਾਰ 'ਤੇ ਪ੍ਰੋਗਰਾਮ ਪੇਸ਼ ਕਰਨਗੇ | 8 ਨਵੰਬਰ ਰਾਤ ਨੂੰ ਧਰਮਵੀਰ ਪਰਦੇਸੀ ਵੱਲੋਂ ਧਾਰਮਿਕ ਨਾਟਕ ਪੇਸ਼ ਕੀਤਾ ਜਾਵੇਗਾ |
