ਭੁਲੱਥ (ਕਪੂਰਥਲਾ), 29 ਅਕਤੂਬਰ (ਮੇਹਰ ਚੰਦ ਸਿੱਧੂ)- ਇਥੋਂ ਥੋੜੀ ਦੂਰੀ 'ਤੇ ਪੈਂਦੇ ਪਿੰਡ ਮੇਤਲਾ ਵਿਖੇ ਰਾਤ ਸਮੇਂ ਚੋਰਾਂ ਵਲੋਂ ਜ਼ਬਰਨ ਵੜ ਕੇ ਘਰ ਵਿਚ ਪਏ ਦੋ ਮੋਬਾਈਲ ਫੋਨ 'ਤੇ ਨਗਦੀ ਚੋਰੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਾਣਕਾਰੀ ਦਿੰਦੇ ਹੋਏ ਅਜੇ ਪੁੱਤਰ ਸੋਢੀ ਰਾਮ ਵਾਸੀ ਪਿੰਡ ਮੇਤਲਾ ਥਾਣਾ ਭੁਲੱਥ ਜ਼ਿਲ੍ਹਾ ਕਪੂਰਥਲਾ ਨੇ ਦੱਸਿਆ ਕਿ ਉਹ ਰਾਤ ਸਮੇਂ ਆਪਣੇ ਪਰਿਵਾਰ ਸਮੇਤ ਘਰ ਵਿਚ ਸੁੱਤੇ ਪਏ ਸਨ।
ਜਦੋਂ ਸਵੇਰੇ ਉੱਠ ਕੇ ਦੇਖਿਆ ਤਾਂ ਘਰ ਵਿਚ ਪਏ ਦੋ ਮੋਬਾਇਲ ਫੋਨ ਰੈੱਡ ਮੀ ਜਿਨ੍ਹਾਂ ਦਾ ਨੰਬਰ 8699513761 ਤੇ 9876861762 ਹੈ, ਤੇ ਘਰ 'ਚ ਪਏ 5000 ਰੁਪਏ ਤੇ ਹੋਰ ਘਰੇਲੂ ਸਮਾਨ ਚੋਰਾਂ ਵਲੋਂ ਚੋਰੀ ਕਰਕੇ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਗਿਆ। ਇਸ ਤੋਂ ਇਲਾਵਾ ਘਰ ਵਿਚ ਖੜਾ ਮੋਟਰਸਾਈਕਲ ਵੀ ਚੋਰ ਘਰੋਂ ਕੱਢ ਕੇ ਬਾਹਰ ਵੱਲ ਜਾ ਰਹੇ ਸਨ, ਜੋ ਰੌਲਾ ਪੈਣ ਦੇ ਮੋਟਰਸਾਈਕਲ ਛੱਡ ਕੇ ਚੋਰ ਫ਼ਰਾਰ ਹੋ ਗਏ ।
