ਦਿਵਿਆ ਜਯੋਤੀ ਜਾਗਿ੍ਤੀ ਸੰਸਥਾਨ ਦੀਆਂ ਸਾਧਵੀਆਂ ਨੇ ਰੁੱਖਾਂ ਨੂੰ ਰੱਖੜੀ ਬੰਨ ਕੇ ਉਨ੍ਹਾਂ ਦੀ ਕਟਾਈ ਰੋਕਣ ਦਾ ਪ੍ਰਣ ਲਿਆ
ਕਪੂਰਥਲਾ, 29 ਅਗਸਤ (ਵਿ. ਪ੍ਰ.)
ਕਪੂਰਥਲਾ, 29 ਅਗਸਤ (ਵਿ.ਪ੍ਰ.)-ਦਿਵਿਆ ਜਯੋਤੀ ਜਾਗਿ੍ਤੀ ਸੰਸਥਾਨ ਦੇ ਕੁਦਰਤ ਸੰਭਾਲ ਪ੍ਰੋਜੈਕਟ ‘ਸੰਰਕਸ਼ਣ’ ਤਹਿਤ ਮਨੁੱਖ ਦੇ ਪ੍ਰਕਿਰਤੀ ਨਾਲ ਸੰਬੰਧਾਂ ਨੂੰ ਬਹਾਲ ਰੱਖਣ ਲਈ ਰੱਖੜੀ ਦੇ ਸ਼ੁੱਭ ਅਵਸਰ ‘ਤੇ ਸੰਸਥਾਨ ਨਾਲ ਸਬੰਧਿਤ ਸਾਧਵੀ ਭੈਣਾਂ ਵਲੋਂ ਰੁੱਖਾਂ ਨੂੰ ਰਾਖੀ ਮੁਹਿੰਮ ਤਹਿਤ ਰੱਖੜੀ ਬੰਨ ਕੇ ਇਕ ਵਿਲੱਖਣ ਪਹਿਲਕਦਮੀ ਕੀਤੀ ਗਈ | ਸੰਸਥਾ ਦੇ ਇਕ ਬੁਲਾਰੇ ਨੇ ਦੱਸਿਆ ਕਿ ਇਸ ਮੁਹਿੰਮ ਦਾ ਮੁੱਖ ਉਦੇਸ਼ ਲੋਕਾਂ ਨੂੰ ਵਾਤਾਵਰਨ ਤੇ ਕੁਦਰਤ ਦੀ ਰੱਖਿਆ ਬਾਰੇ ਜਾਗਰੂਕ ਕਰਨਾ ਹੈ | ਉਨ੍ਹਾਂ ਕਿਹਾ ਕਿ ਰੁੱਖਾਂ ਦੀ ਰਾਖੀ ਮੁਹਿੰਮ ਤਹਿਤ ਕੁਦਰਤ ਦੀ ਰੱਖਿਆ ਦੇ ਨਾਲ-ਨਾਲ ਸੰਸਥਾ ਰੁੱਖਾਂ ਨੂੰ ਰੱਖੜੀ ਬੰਨ ਕੇ ਉਨ੍ਹਾਂ ਦੀ ਕਟਾਈ ਰੋਕਣ ਦਾ ਪ੍ਰਣ ਲੈਂਦੀ ਹੈ|
