ਜੰਗਲਾਤ ਵਿਭਾਗ ਵਲੋਂ ਖੈਰ ਦੀ ਚੋਰੀ ਕੀਤੀ ਲੱਕੜ ਨਾਲ ਭਰੀ ਪਿਕਅੱਪ ਕਾਬੂ

ਡੇਰਾਬੱਸੀ (ਮੁਹਾਲੀ), 9 ਨਵੰਬਰ (ਰਣਬੀਰ ਸਿੰਘ ਪੜ੍ਹੀ) - ਦੀਵਾਲੀ ਦੀ ਰਾਤ ਜਿੱਥੇ ਲੋਕ ਤਿਉਹਾਰ ਦੀਆਂ ਖ਼ੁਸ਼ੀਆਂ ਮਨਾ ਰਹੇ ਸਨ, ਉੱਥੇ ਬੀੜ ਖੇੜੀ ਦੇ ਜੰਗਲ ਵਿਚ ਖੈਰ ਦੀ ਕੀਮਤੀ ਲੱਕੜ ਚੋਰੀ ਕਰਨ ਵਿਚ ਜੁਟੇ ਅਣਪਛਾਤੇ ਵਿਅਕਤੀਆਂ ਨੂੰ ਜੰਗਲਾਤ ਵਿਭਾਗ ਦੀ ਅਚਨਚੇਤ ਛਾਪੇਮਾਰੀ ਨੇ ਭਾਜੜਾਂ ਪਾ ਦਿੱਤੀਆਂ। ਵਿਭਾਗ ਦੀ ਟੀਮ ਨੇ ਤੜਕੇ ਕੀਤੀ ਕਾਰਵਾਈ ਦੌਰਾਨ ਖੈਰ ਦੀ ਲੱਕੜ ਨਾਲ ਭਰੀ ਪਿਕਅੱਪ ਗੱਡੀ ਕਬਜ਼ੇ ਵਿਚ ਲੈ ਲਈ, ਜਦਕਿ ਚੋਰ ਹਨੇਰੇ ਦਾ ਫ਼ਾਇਦਾ ਉਠਾਉਂਦਿਆਂ ਗੱਡੀ ਮੌਕੇ 'ਤੇ ਹੀ ਛੱਡ ਕੇ ਫ਼ਰਾਰ ਹੋ ਗਏ।