ਝੂਠ ਹੈ ਜੋ, ਏਸ ਦੁਨੀਆ ਨੂੰ ਦਿਖਾ ਨਾ ਇਸ ਤਰ੍ਹਾਂ¢
ਤੂੰ ਮਖÏਟੇ ਪਹਿਨ ਕੇ ਚਿਹਰਾ ਛੁਪਾ ਨਾ ਇਸ ਤਰ੍ਹਾਂ¢
ਹੋ ਸਕੇ ਤਾਂ ਚਮਕਦੇ ਜੁਗਨੂੰ ਵੀ ਅਪਣੇ ਨਾਲ ਰੱਖ,
ਮਾਰ ਕੇ ਫੂਕਾਂ ਤੂੰ ਦੀਵੇ ਵੀ ਬੁਝਾ ਨਾ ਇਸ ਤਰ੍ਹਾਂ¢
ਮੈਂ ਹਿਜਰ ਦਾ ਗੀਤ ਹਾਂ, ਨਾ ਗਾਉਣ ਵੇਲੇ ਰੋ ਪਵੀਂ,
ਆਪਣੇ ਹੋਠਾਂ 'ਤੇ ਤੂੰ ਮੈਨੂੰ ਲਿਆ ਨਾ ਇਸ ਤਰ੍ਹਾਂ¢
ਜੋ ਨਾ ਹੁਣ ਤਕ ਪਰਤਿਆ, ਨਾ ਆਸ ਕਰ ਹੁਣ ਓਸਦੀ,
ਰੋਜ਼ ਹੀ ਤੂੰ ਝਾੜ ਕੇ ਚਾਦਰ ਵਿਛਾ ਨਾ ਇਸ ਤਰ੍ਹਾਂ¢
ਚੋਗ ਲੈ ਕੇ ਤੂੰ ਇਨ੍ਹਾਂ ਨੂੰ ਆਲ੍ਹਣੀਂ ਮੁੜ ਜਾਣ ਦੇ,
ਭੋਲਿਆਂ ਪੰਖੇਰੂਆਂ 'ਤੇ ਜਾਲ ਪਾ ਨਾ ਇਸ ਤਰ੍ਹਾਂ¢
ਉਹ ਨਹੀਂ ਆਇਆ ਤਾਂ ਇਸ ਵਿੱਚ ਕੀ ਇਨ੍ਹਾਂ ਦਾ ਦੋਸ਼ ਹੈ,
ਕੰਧ ਤੋਂ 'ਲੱਧੜ' ਤੂੰ ਕਾਗਾਂ ਨੂੰ ਉਡਾ ਨਾ ਇਸ ਤਰ੍ਹਾਂ¢
•
ਗਰਦਿਸ਼ ਵਿੱਚ ਜੇ ਤਾਰੇ ਨੇ, ਤਾਂ ਕੀ ਹੋਇਆ¢
ਮੇਰੇ 'ਤੇ ਦਿਨ ਭਾਰੇ ਨੇ ਤਾਂ ਕੀ ਹੋਇਆ¢
ਰੁੱਸੇ ਹਾਸੇ ਇੱਕ ਦਿਨ ਮੋੜ ਲਿਆਉਣੇ ਮੈਂ,
ਹਾਲੇ ਹੰਝੂ ਖ਼ਾਰੇ ਨੇ, ਤਾਂ ਕੀ ਹੋਇਆ¢
ਤੇਰੀ ਚੁੰਨੀ 'ਤੇ ਮੈਂ ਚੰਨ ਸਜਾਉਣਾ ਏਾ,
ਉਸਦੇ ਕੋਲ ਸਿਤਾਰੇ ਨੇ, ਤਾਂ ਕੀ ਹੋਇਆ¢
ਡੁੱਬਦਾ ਨਈਾ ਮੈਂ, ਤੇਰਾ ਹਉਮੈ ਡੁੱਬਣਾ ਹੈ,
ਦੀਂਹਦੇ ਦੂਰ ਕਿਨਾਰੇ ਨੇ, ਤਾਂ ਕੀ ਹੋਇਆ¢
ਹਰਿਆ ਹਾਂ ਮੈਂ, ਟੁੱਟਿਆ ਨਈਾ, ਖੇਡਾਂਗਾ ਫਿਰ,
ਕਿੰਨੇ ਬੰਦੇ ਹਾਰੇ ਨੇ, ਤਾਂ ਕੀ ਹੋਇਆ¢
ਮੈਨੂੰ ਮੇਰੀ ਕੁੱਲੀ ਮਹਿਲਾਂ ਵਰਗੀ ਹੈ,
ਤੇਰੇ ਕੋਲ ਚੁਬਾਰੇ ਨੇ, ਤਾਂ ਕੀ ਹੋਇਆ¢
ਸਭ ਦੇ ਵਾਰ ਸਹੇਗਾ 'ਲੱਧੜ' ਹੱਸ ਹੱਸ ਕੇ,
ਦੁਸ਼ਮਣ ਹੋਏ ਸਾਰੇ ਨੇ, ਤਾਂ ਕੀ ਹੋਇਆ¢
