ਜਲੰਧਰ

ਪਟੇਲ ਹਸਪਤਾਲ ਨੇ ਕਰਵਾਇਆ ਮਹਿਲਾ ਕੈਂਸਰ ਸਰਵਾਈਵਰਾਂ ਦੇ ਹੌਸਲੇ ਅਤੇ ਜਜ਼ਬੇ ਨੂੰ ਸਲਾਮ ਕਰਦਾ ਸਮਾਗਮ ‘ਉਮੀਦ–ਦੀ ਹੋਪ’

ਜਲੰਧਰ, 17 ਅਕਤੂਬਰ (ਐੱਮ. ਐੱਸ.

ਸ

ਸਮਾਗਮ ਦੇ ਉਦਘਾਟਨ ਮੌਕੇ ਡਾ. ਜੈਸਮੀਨ ਦਹੀਆ, ਡਾ. ਸੁਸ਼ਮਾ ਚਾਵਲਾ, ਡਾ. ਅਤੀਮਾ ਸ਼ਰਮਾ ਦਿਵੇਦੀ, ਡਾ. ਐੱਸ.ਕੇ. ਸ਼ਰਮਾ, ਡਾ. ਬੀ.ਐੱਸ. ਚੋਪੜਾ, ਡਾ. ਸੁਸ਼ਮਾ ਚੋਪੜਾ, ਡਾ. ਸ਼ਿਖਾ ਚਾਵਲਾ ਅਤੇ ਹੋਰ। ਤਸਵੀਰ : ਮੁਨੀਸ਼ 18-10-2026

ਜਲੰਧਰ, 17 ਅਕਤੂਬਰ (ਐੱਮ. ਐੱਸ. ਲੋਹੀਆ)-ਪਟੇਲ ਹਸਪਤਾਲ, ਜਲੰਧਰ ਵਲੋਂ ਸਾਲਾਨਾ ਕੈਂਸਰ ਸਰਵਾਈਵਰ ਸਮਾਰੋਹ ‘ਉਮੀਦ – ਦੀ ਹੋਪ’ ਕਰਵਾਇਆ ਗਿਆ। ਇਸ ਸਾਲ ਦੇ ਸਮਾਗਮ ’ਚ ਵਿਸ਼ੇਸ਼ ਤੌਰ ’ਤੇ ਮਹਿਲਾ ਕੈਂਸਰ ਸਰਵਾਈਵਰਾਂ ’ਤੇ ਧਿਆਨ ਕੇਂਦਰਿਤ ਕੀਤਾ ਗਿਆ ਅਤੇ ਉਨ੍ਹਾਂ ਦੇ ਹੌਸਲੇ, ਸੰਘਰਸ਼, ਦ੍ਰਿੜ੍ਹ ਇਰਾਦੇ ਅਤੇ ਕੈਂਸਰ ਤੋਂ ਬਾਅਦ ਨਵੀਂ ਉਮੀਦ ਨਾਲ ਜੀਵਨ ਜਿਊਣ ਦੇ ਪ੍ਰੇਰਨਾਦਾਇਕ ਸਫ਼ਰਾਂ ਦਾ ਜਸ਼ਨ ਮਨਾਇਆ ਗਿਆ। ਹਸਪਤਾਲ ਦੇ ਪ੍ਰਬੰਧਕਾਂ ਨੇ ਜਾਣਕਾਰੀ ਦਿੱਤੀ ਕਿ ਸਾਲ 2013 ’ਚ ਪਟੇਲ ਹਸਪਤਾਲ ਵਲੋਂ ਸ਼ੁਰੂ ਕੀਤਾ ਗਿਆ ‘ਉਮੀਦ – ਦੀ ਹੋਪ’ ਇਕ ਕੈਂਸਰ ਸਰਵਾਈਵਰ ਸਹਾਇਤਾ ਸਮੂਹ ਹੈ। ਇਸ ਦਾ ਉਦੇਸ਼ ਕੈਂਸਰ ਤੋਂ ਉਭਰ ਚੁੱਕੇ ਲੋਕਾਂ ਨੂੰ ਇਕ ਮੰਚ ’ਤੇ ਇਕੱਠਾ ਕਰਨਾ, ਉਨ੍ਹਾਂ ਦੀ ਭਾਵਨਾਤਮਕ ਤੰਦਰੁਸਤੀ ਨੂੰ ਉਤਸ਼ਾਹਿਤ ਕਰਨਾ ਅਤੇ ਆਪਣੇ ਤਜਰਬੇ ਸਾਂਝੇ ਕਰਕੇ ਕੈਂਸਰ ਨਾਲ ਜੂਝ ਰਹੇ ਹੋਰ ਲੋਕਾਂ ਨੂੰ ਪ੍ਰੇਰਿਤ ਕਰਨਾ ਹੈ। ਇਸ ਸਮਾਗਮ ’ਚ ਕੈਂਸਰ ਸਰਵਾਈਵਰਾਂ, ਸਿਹਤ ਮਾਹਿਰਾਂ ਅਤੇ ਪ੍ਰਮੁੱਖ ਸ਼ਖ਼ਸੀਅਤਾਂ ਨੇ ਸ਼ਿਰਕਤ ਕੀਤੀ। ਇਸ ਮੌਕੇ ਡਾ. ਜੈਸਮੀਨ ਦਹੀਆ, ਉਪ ਪ੍ਰਧਾਨ, ਪੰਜਾਬ ਮੈਡੀਕਲ ਕੌਂਸਲ, ਡਾ. ਸੁਸ਼ਮਾ ਚਾਵਲਾ, ਸੀਨੀਅਰ ਗਾਇਨੀਕੋਲੋਜਿਸਟ, ਚਾਵਲਾ ਨਰਸਿੰਗ ਹੋਮ, ਜਲੰਧਰ, ਡਾ. ਅਤੀਮਾ ਸ਼ਰਮਾ ਦਿਵੇਦੀ, ਡਾਇਰੈਕਟਰ, ਕੇ.ਐੱਮ.ਵੀ., ਜਲੰਧਰ, ਪਟੇਲ ਹਸਪਤਾਲ ਦੇ ਮੈਨੇਜਿੰਗ ਡਾਇਰੈਕਟਰ ਡਾ. ਐੱਸ.ਕੇ. ਸ਼ਰਮਾ, ਡਾਇਰੈਕਟਰ ਡਾ. ਬੀ.ਐੱਸ. ਚੋਪੜਾ, ਅਤੇ ਡਾ. ਸ਼੍ਰੀਮਤੀ ਸੁਸ਼ਮਾ ਚੋਪੜਾ ਸਮੇਤ ਕਈ ਪ੍ਰਮੁੱਖ ਸ਼ਖ਼ਸੀਅਤਾਂ ਮੌਜੂਦ ਸਨ। ਸਮਾਗਮ ਦੀ ਸ਼ੁਰੂਆਤ ਡਾ. ਸ਼ਿਖਾ ਚਾਵਲਾ ਦੇ ਸਵਾਗਤੀ ਸੰਬੋਧਨ ਨਾਲ ਹੋਈ। ਉਪਰੰਤ ਯੋਗਾ ਅਤੇ ਤੰਦਰੁਸਤੀ ਨਾਲ ਸੰਬੰਧਿਤ ਗਤੀਵਿਧੀਆਂ, ਮਨੋਰੰਜਕ ਖੇਡਾਂ, ਡਾ. ਰਮਨਦੀਪ ਤਨੇਜਾ ਵੱਲੋਂ ਚਮੜੀ ਅਤੇ ਵਾਲਾਂ ਦੀ ਦੇਖਭਾਲ ਬਾਰੇ ਜਾਣਕਾਰੀ ਭਰਪੂਰ ਸੈਸ਼ਨ, ਇਕ ਨਾਟਕ ਅਤੇ ਡਾ. ਅੰਚਲ ਅਗਰਵਾਲ ਦੀ ਅਗਵਾਈ ਹੇਠ ਪੈਨਲ ਚਰਚਾ ਕਰਵਾਈ ਗਈ। ਇਸ ਚਰਚਾ ’ਚ ਡਾ. ਅਮਿਤ ਸਕਲਾਨੀ, ਡਾ. ਸ਼ਿਖਾ ਚਾਵਲਾ ਅਤੇ ਡਾ. ਸੁਸ਼ਮਾ ਚਾਵਲਾ ਨੇ ਹਿੱਸਾ ਲਿਆ। ਸਮਾਗਮ ਦੀ ਸਮਾਪਤੀ ਮੌਕੇ ਡਾ. ਸ਼ਿਖਾ ਚਾਵਲਾ ਨੇ ਸਮੂਹ ਮਹਿਮਾਨਾਂ, ਕੈਂਸਰ ਸਰਵਾਈਵਰਾਂ, ਭਾਗੀਦਾਰਾਂ ਅਤੇ ਪ੍ਰਬੰਧਕੀ ਟੀਮ ਦਾ ਧੰਨਵਾਦ ਕੀਤਾ।

ਪਿਛਲੀ ਖ਼ਬਰ 45 ਸਾਲ ਬਾਅਦ ਰਸਤੇ ਮੁਹੱਲੇ ਦੀਆਂ ਗਲੀਆਂ ਦੀ ਸੁਧਰੇਗੀ ਹਾਲਤ ਅਗਲੀ ਖ਼ਬਰ ਡਾ. ਅਸ਼ੋਕ ਕੁਮਾਰ ਮਿੱਤਲ ਵਲੋਂ 1.50 ਕਰੋੜ ਰੁਪਏ ਦੇ ਵਿਕਾਸ ਕਾਰਜਾਂ ਦਾ ਉਦਘਾਟਨ ਰਾਮਬਾਗ ਅਤੇ ਮਾਡਲ ਟਾਊਨ ਸੁਸਾਇਟੀ ਦੀ...

ਪਟੇਲ ਹਸਪਤਾਲ ਨੇ ਕਰਵਾਇਆ ਮਹਿਲਾ ਕੈਂਸਰ ਸਰਵਾਈਵਰਾਂ ਦੇ ਹੌਸਲੇ ਅਤੇ ਜਜ਼ਬੇ ਨੂੰ ਸਲਾਮ ਕਰਦਾ ਸਮਾਗਮ ‘ਉਮੀਦ–ਦੀ ਹੋਪ’

ਸੰਬੰਧਿਤ ਖ਼ਬਰਾਂ