ਐਮ. ਆਰ. ਇੰਟਰਨੈਸ਼ਨਲ ਸਕੂਲ ’ਚ ਐਨ ਐਸ ਐਸ ਸਿਹਤ ਜਾਂਚ ਕੈਂਪ ਲਗਾਇਆ
ਆਦਮਪੁਰ , 25 ਸਤੰਬਰ ( ਰਮਨ ਦਵੇਸਰ )- ਐਨ . ਐਸ .
ਆਦਮਪੁਰ , 25 ਸਤੰਬਰ ( ਰਮਨ ਦਵੇਸਰ )- ਐਨ . ਐਸ . ਐਸ . ਦਿਵਸ ’ ਤੇ ਐਮ ਆਰ ਇੰਟਰਨੈਸ਼ਨਲ ਸਕੂਲ , ਆਦਮਪੁਰ ’ ਚ ਕਿੰਡਰਗਾਰਟਨ ਵਿੰਗ ਦੇ ਨੰਨ੍ਹੇ ਵਿਦਿਆਰਥੀਆਂ ਲਈ ਸਿਹਤ ਅਤੇ ਵੈਲਨੈੱਸ ਕੈਂਪ ਲਗਾਇਆ ਗਿਆ । ਕੈਂਪ ਦਾ ਉਦੇਸ਼ ਵਿਦਿਆਰਥੀਆਂ ਨੂੰ ਸਿਹਤ ਅਤੇ ਸਫ਼ਾਈ ਪ੍ਰਤੀ ਜਾਗਰੂਕ ਕਰਨਾ ਅਤੇ ਐਨ ਐਸ ਐਸ ਵਲੰਟੀਅਰਾਂ ’ ਚ ਸੇਵਾ ਭਾਵਨਾ ਨੂੰ ਉਤਸ਼ਾਹਿਤ ਕਰਨਾ ਸੀ । ਕੈਂਪ ਦੌਰਾਨ ਐਨ . ਐਸ . ਐਸ . ਵਲੰਟੀਅਰਾਂ ਨੇ ਕਿੰਡਰਗਾਰਟਨ ਦੇ ਵਿਦਿਆਰਥੀਆਂ ਦੀ ਦੰਦਾਂ ਦੀ ਜਾਂਚ , ਅੱਖਾਂ ਦੀ ਜਾਂਚ ਅਤੇ ਲੰਬਾਈ ਤੇ ਵਜ਼ਨ ਦੇ ਮਾਪ ਵਿੱਚ ਸਹਿਯੋਗ ਦਿੱਤਾ । ਇਸ ਦੌਰਾਨ ਬੱਚਿਆਂ ਨੂੰ ਨਿੱਜੀ ਸਫ਼ਾਈ , ਨਿਯਮਿਤ ਸਿਹਤ ਜਾਂਚ ਅਤੇ ਸਿਹਤਮੰਦ ਆਦਤਾਂ ਦੀ ਮਹੱਤਤਾ ਬਾਰੇ ਵੀ ਦੱਸਿਆ ਗਿਆ । ਸਕੂਲ ਦੇ ਪ੍ਰੇਸੀਡੈਂਟ ਡਾ . ਆਸ਼ੀਸ਼ ਟੰਡਨ ਨੇ ਐਨ ਐਸ ਐਸ ਵਲੰਟੀਅਰਾਂ ਨੂੰ ਸਿਹਤ ਜਾਂਚ ਅਤੇ ਵੱਖ - ਵੱਖ ਮਾਪ ਲੈਣ ਦੀ ਪ੍ਰਕਿਰਿਆ ਸਬੰਧੀ ਜ਼ਰੂਰੀ ਦਿਸ਼ਾ - ਨਿਰਦੇਸ਼ ਦਿੱਤੇ । ਉਨ੍ਹਾਂ ਦੇ ਮਾਰਗਦਰਸ਼ਨ ਹੇਠ ਵਲੰਟੀਅਰਾਂ ਨੇ ਸਿਹਤ ਜਾਂਚ ਸਬੰਧੀ ਗਤੀਵਿਧੀਆਂ ਨੂੰ ਸੁਚੱਜੇ ਢੰਗ ਨਾਲ ਸੰਪੰਨ ਕੀਤਾ । ਕੈਂਪ ਦਾ ਆਯੋਜਨ ਪ੍ਰਿੰਸੀਪਲ ਰਾਜਿੰਦਰ ਕੁਮਾਰ ਦੇ ਮਾਰਗਦਰਸ਼ਨ ਹੇਠ ਕੀਤਾ ਗਿਆ । ਪ੍ਰੋਗਰਾਮ ਨੂੰ ਸਫ਼ਲ ਬਣਾਉਣ ਵਿੱਚ ਅਸ਼ਵਿਨੀ ਕੁਮਾਰ ( ਏਐਨਓ ) ਅਤੇ ਮੈਡਮ ਸ਼ਵੇਤਾ ਵਰਮਾ ( ਐਨ ਐਸ ਐਸ ਪ੍ਰੋਗਰਾਮ ਅਫ਼ਸਰ ) ਦਾ ਵਿਸ਼ੇਸ਼ ਸਹਿਯੋਗ ਰਿਹਾ । ਕੈਂਪ ਰਾਹੀਂ ਜਿੱਥੇ ਨੰਨ੍ਹੇ ਵਿਦਿਆਰਥੀਆਂ ਨੂੰ ਸਿਹਤ ਸਬੰਧੀ ਜ਼ਰੂਰੀ ਜਾਣਕਾਰੀ ਮਿਲੀ , ਉੱਥੇ ਐਨਐਸਐਸ ਵਲੰਟੀਅਰਾਂ ਨੂੰ ਸੇਵਾ ਅਤੇ ਸਮਾਜਿਕ ਜ਼ਿੰਮੇਵਾਰੀ ਦੀ ਭਾਵਨਾ ਨਾਲ ਕੰਮ ਕਰਨ ਦਾ ਮੌਕਾ ਮਿਲਿਆ ।
