ਡੀ.ਡੀ.ਏ. ਨੇ ਫਲੈਟਾਂ ਪ੍ਰਤੀ 31 ਅਕਤੂਬਰ ਤੱਕ ਮਿਤੀ ਵਧਾਈ
ਨਵੀਂ ਦਿੱਲੀ, 13 ਅਕਤੂਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਦਿੱਲੀ ਡਿਵੈਲਪਮੈਂਟ ਅਥਾਰਟੀ (ਡੀ.
ਨਵੀਂ ਦਿੱਲੀ, 13 ਅਕਤੂਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਦਿੱਲੀ ਡਿਵੈਲਪਮੈਂਟ ਅਥਾਰਟੀ (ਡੀ.ਡੀ.ਏ.) ਨੇ ‘ਨਾਗਰਿਕ ਆਵਾਸ ਯੋਜਨਾ 2026’ ਦੇ ਅਧੀਨ ਦੱਸੇ ਗਏ ਫਲੈਟਾਂ ਦੀ ਬੁਕਿੰਗ ਲਈ ਸਮੇਂ ਦੀ ਸੀਮਾ ਵਧਾ ਦਿੱਤੀ ਹੈ। ਹੁਣ 31 ਅਕਤੂਬਰ ਤੱਕ ਫਲੈਟਾਂ ਦੀ ਬੁਕਿੰਗ ਕੀਤੀ ਜਾ ਸਕਦੀ ਹੈ। ਇਸ ਯੋਜਨਾ ਵਿਚ 1183 ਹੋਰ ਫਲੈਟ ਸ਼ਾਮਿਲ ਕੀਤੇ ਗਏ ਹਨ, ਜਿਸ ਵਿਚ ਉੱਚ ਆਮਦਨੀ ਵਰਗ (ਐਚ.ਆਈ.ਜੀ.) ਅਤੇ ਮੱਧ ਆਮਦਨੀ ਵਰਗ (ਐਮ.ਆਈ.ਜੀ.) ਦੇ ਫਲੈਟ ਸ਼ਾਮਿਲ ਹਨ। ਡੀ.ਡੀ.ਏ. ਦਾ ਕਹਿਣਾ ਹੈ ਕਿ ਇਨ੍ਹਾਂ ਫਲੈਟਾਂ ’ਤੇ 25 ਫ਼ੀਸਦੀ ਦੀ ਛੂਟ ਵੀ ਦਿੱਤੀ ਜਾਵੇਗੀ। ਐਮ.ਆਈ.ਜੀ. ਫਲੈਟਾਂ ਦੀ ਸ਼ੁਰੂਆਤੀ ਕੀਮਤ 73.02 ਲੱਖ ਰੁਪਏ ਅਤੇ ਐਚ.ਆਈ.ਜੀ. ਫਲੈਟਾਂ ਦੀ ਸ਼ੁਰੂਆਤੀ ਕੀਮਤ 96.86 ਲੱਖ ਰੁਪਏ ਰੱਖੀ ਗਈ ਹੈ। ਜੋ ਲੋਕ ਪਹਿਲਾਂ ਇਨ੍ਹਾਂ ਫਲੈਟਾਂ ਲਈ ਅਪਲਾਈ ਨਹੀਂ ਕਰ ਸਕੇ, ਉਹ ਹੁਣ ਅਪਲਾਈ ਕਰ ਸਕਦੇ ਹਨ।
