ਪੰਜਾਬ ਦੀ 32% ਐੱਸ.ਸੀ. ਆਬਾਦੀ ਲਈ ਮਾਨ ਸਰਕਾਰ ਵਲੋਂ ਬਜਟ ਦਾ 35% ਹਿੱਸਾ ਰਾਖਵਾਂ - ਡਾ. ਬਲਜੀਤ ਕੌਰ

ਚੰਡੀਗੜ੍ਹ, 14 ਅਕਤੂਬਰ - ਕੈਬਨਿਟ ਮੰਤਰੀ ਡਾ. ਬਲਜੀਤ ਕੌਰ ਨੇ ਐੱਸ.ਸੀ. ਸਬ-ਪਲਾਨ ਤਹਿਤ ਵੱਖ-ਵੱਖ ਵਿਭਾਗਾਂ ਨਾਲ ਰਿਵਿਊ ਮੀਟਿੰਗ ਕੀਤੀ। ਇਸ ਮੌਕੇ ਉਨ੍ਹਾਂ ਕਿਹਾ, ਪੰਜਾਬ ਦੀ 32% ਐੱਸ.ਸੀ. ਆਬਾਦੀ ਲਈ ਮਾਨ ਸਰਕਾਰ ਵਲੋਂ ਬਜਟ ਦਾ 35% ਹਿੱਸਾ ਰਾਖਵਾਂ ਹੈ।
ਸਮਾਜਿਕ ਸੁਰੱਖਿਆ ਅਤੇ ਡੇਅਰੀ ਵਿਭਾਗ ਵਲੋਂ ਐੱਸ.ਸੀ. ਵਰਗ ਲਈ ਅਲਾਟ 100% ਬਜਟ ਖਰਚ ਕੀਤਾ ਗਿਆ ਹੈ।
17,700 ਕਰੋੜ ਦੇ ਬਜਟ ਦੀ ਵਰਤੋਂ ਤੇਜ਼ ਕਰਨ ਲਈ ਬਾਕੀ ਵਿਭਾਗਾਂ ਨੂੰ ਹਦਾਇਤਾਂ ਦਿੱਤੀਆਂ ਗਈਆਂ ਹਨ। ਉਨ੍ਹਾਂ ਕਿਹਾ ਕਿ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਹੇਠ ਐੱਸ.ਸੀ. ਵਰਗ ਦੀ ਭਲਾਈ ਲਈ ਪੰਜਾਬ ਸਰਕਾਰ ਵਚਨਬੱਧ ਹੈ।