ਬਰਮਿੰਘਮ ’ ਚ ਹੰਸ ਰਾਜ ਹੰਸ ਦਾ ਧਮਾਕੇਦਾਰ ਸ਼ੋਅ
ਬਰਮਿੰਘਮ, 12 ਅਕਤੂਬਰ (ਪਰਵਿੰਦਰ ਸਿੰਘ)-ਬਰਮਿੰਘਮ ਦੇ ਹਾਲ ’ਚ ਮਸ਼ਹੂਰ ਪੰਜਾਬੀ ਅਤੇ ਸੂਫੀ ਗਾਇਕ ਹੰਸ ਰਾਜ ਹੰਸ ਦਾ ਇਕ ਵਿਸ਼ਾਲ ਸੰਗੀਤਕ ਸ਼ੋਅ ਕਰਵਾਇਆ ਗਿਆ। ਇਸ ਸ਼ੋਅ ਵਿਚ ਹਰ ਉਮਰ ਦੇ ਲੋਕਾਂ ਨੇ ਸ਼ਿਰਕਤ ਕੀਤੀ ਅਤੇ ਸੰਗੀਤ ਦਾ ਭਰਪੂਰ ਆਨੰਦ ਮਾਣਿਆ।
ਬਰਮਿੰਘਮ, 12 ਅਕਤੂਬਰ (ਪਰਵਿੰਦਰ ਸਿੰਘ)-ਬਰਮਿੰਘਮ ਦੇ ਹਾਲ ’ਚ ਮਸ਼ਹੂਰ ਪੰਜਾਬੀ ਅਤੇ ਸੂਫੀ ਗਾਇਕ ਹੰਸ ਰਾਜ ਹੰਸ ਦਾ ਇਕ ਵਿਸ਼ਾਲ ਸੰਗੀਤਕ ਸ਼ੋਅ ਕਰਵਾਇਆ ਗਿਆ। ਇਸ ਸ਼ੋਅ ਵਿਚ ਹਰ ਉਮਰ ਦੇ ਲੋਕਾਂ ਨੇ ਸ਼ਿਰਕਤ ਕੀਤੀ ਅਤੇ ਸੰਗੀਤ ਦਾ ਭਰਪੂਰ ਆਨੰਦ ਮਾਣਿਆ। ਹੰਸ ਰਾਜ ਹੰਸ ਨੇ ਲਗਾਤਾਰ 3 ਘੰਟੇ ਗਾਇਕੀ ਦਾ ਜਾਦੂ ਬਿਖੇਰਿਆ ਅਤੇ ਦਰਸ਼ਕਾਂ ਦੀ ਹਰ ਫਰਮਾਇਸ਼ ਪੂਰੀ ਕੀਤੀ। ਉਨ੍ਹਾਂ ਨੇ ਆਪਣੇ ਮਕਬੂਲ ਗੀਤ ‘ਸੁਣੀਏ ਮਲਕਾ’, ‘ਕੂਕ ਪਰਾਈਏ’ ਅਤੇ ‘ਸੁੱਕੀ ਸੰਦਲੀ ਹਵਾ’ ਗਾ ਕੇ ਮਾਹੌਲ ਨੂੰ ਰੂਹਾਨੀ ਬਣਾ ਦਿੱਤਾ। ਦਰਸ਼ਕਾਂ ਨੂੰ ਨਚਾਉਣ ਲਈ ਉਨ੍ਹਾਂ ਨੇ ‘ਦਿਲ ਚੋਰੀ ਸਾਡਾ ਹੋ ਗਿਆ’ ਅਤੇ ਫਿਲਮ ‘ਕੱਚੇ ਧਾਗੇ’ ਦੇ ਹਿੱਟ ਗੀਤ ਪੇਸ਼ ਕੀਤੇ, ਜਿਨ੍ਹਾਂ ’ਤੇ ਪੂਰਾ ਹਾਲ ਝੂਮ ਉੱਠਿਆ। ਸ਼ੋਅ ਦੇ ਖ਼ਤਮ ਹੋਣ ਤੋਂ ਬਾਅਦ ਵੀ.ਆਈ.ਪੀ. ਪਾਸ ਧਾਰਕਾਂ ਲਈ ਬੈਕਸਟੇਜ ਇਕ ਸਮਾਗਮ ਰੱਖਿਆ ਗਿਆ, ਜਿਥੇ ਹੰਸ ਰਾਜ ਹੰਸ ਨੇ ਧੀਰਜ ਤੇ ਨਿਮਰਤਾ ਨਾਲ ਹਰ ਇਕ ਵਿਅਕਤੀ ਨਾਲ ਮੁਲਾਕਾਤ ਕੀਤੀ। ਹੰਸ ਰਾਜ ਹੰਸ ਨੇ ਆਪਣੇ ਸੰਦੇਸ਼ ’ਚ ਕਿਹਾ ਕਿ ਸਾਨੂੰ ਇਕ-ਦੂਜੇ ਨਾਲ ਅਤੇ ਇਨਸਾਨੀਅਤ ਨਾਲ ਮੁਹੱਬਤ ਕਰਨੀ ਚਾਹੀਦੀ ਹੈ। ਅੱਜ ਸਾਨੂੰ ਦੁਨੀਆ ਵਿਚ ਸਿਰਫ਼ ਪਿਆਰ ਅਤੇ ਅਮਨ ਦਾ ਸੁਨੇਹਾ ਫੈਲਾਉਣ ਦੀ ਲੋੜ ਹੈ। ਸ਼ੋਅ ਨੇ ਵਿਦੇਸ਼ ਵਿਚ ਬੈਠੇ ਪੰਜਾਬੀ ਭਾਈਚਾਰੇ ਨੂੰ ਆਪਣੀਆਂ ਜੜ੍ਹਾਂ ਤੇ ਸੱਭਿਆਚਾਰ ਨਾਲ ਜੋੜਨ ਦਾ ਵੱਡਾ ਉਪਰਾਲਾ ਕੀਤਾ।
